Errigoiti

Errigoiti
Bizkaia
Errigoitiko baserria.
Izen ofiziala	Errigoiti
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Bizkaia Busturialde
Alkatea	Iñaki Madariaga Otazua (EAJ)
Herritarra	errigoitiarra
Koordenatuak	43°19′50″N 2°43′40″W
Eremua	16,42 km2
Distantzia	29 km Bilbora
Posta kodea	48309
Biztanleria	537 bizt. (2012)
Dentsitatea	32,7 bizt./km²
Sorrera	1376

Errigoiti Bizkaiko barnealdean dagoen udalerria da, herrialdearen erdialdean eta Busturialdeko eskualdean kokatutakoa. 2012ko erroldaren arabera Errigoitik 537 biztanle ditu.

Inguru naturala eta kokapena

Busturialdeko herria da, Bizkaiko ipar-ekialdean kokatzen da Bilbotik 29 kilometrora eta Gernika eta Mungiako herrien artean. Herriak Busturiarekin egiten du muga iparraldean, Gernika, Murueta eta Foruarekin ekialdean, Muxikarekin hegoaldean, eta Arrieta eta Morgarekin mendebaldean.

Errigoitik honako auzoak ditu: Atxika-Errekalde, Eleizalde-Olabarri (elizatearen jatorrizko gunea), Metxika, eta Uriko auzoa, gaur egun Errigoitiko auzo garrantzitsuena dena.

Historia

Gaur egungo Errigoitiren jatorria Erdi Aroko Idoibalzagako Andra Mari elizatean dago. 1376. urtean Mungia eta Gernika bitarteko, hau da Butroe eta Oka ibaien arteko bidea babesteko asmoarekin, Gaztelako Juanek lur eremu handiak eman zizkien Idoibalzagako Andra Mariko biztanleei. Horrez gain, Logroñoko foruaren arabera antolatzeko eskubidea eman zien, horrela, Errigoitiko hiribildua sortuz.

Jatorrizko herritik 500 bat metrora, (gaur egungo Eleizalde auzoan) beste etxegune txiki bat sortu zen, Erdi Aroko herri tipikoaren ereduaren arabera antolaturik. Hiribildua izan arren, herri txikia izan da beti.

Demografia eta biztanleria

Urtea	1857	1877	1887	1900	1910	1920	1930	1940	1950	1960	1970	1980	1991	2001	2006
Biztanleak	1.221	1.252	1.236	1.314	1.363	1.377	1.456	1.330	1.250	1.015	768	531	440	485	501

Ondarea

• Idoibalzagako Andra Mari eliza: XVI. mendean eraikitako eliza da. Elizarekin batera baseliza, kanposantua eta abadearen etxea daude. Egitura Errigoitiko jatorrizko herrigunetik kanpo eraiki zen. XIX. mendean birmoldaketa sakona egin zen, Martin Etxabururen gidaritzapean.

Hauteskundeak

Errigoitiko udaletxea.

Errigoitiko alkatea EAJ alderdiko Iñaki Madariaga Otazua da 2007ko udal hauteskundeez geroztik. Udaleko zazpi zinegotzietatik bost lortu zituen Eusko Alderdi Jeltzaleak. Baliogabeko botoak 63 izan ziren (emandako guztien %15,48) eta boto zuri bakarra izan zen.

Errigoitiko Udala

Alderdia	Botoak	Zinegotziak
EAJ	234	5
SOS Errigoiti	108	2
PP	1	0

Jaiak eta ospakizunak

Errigoitiko jaiak ekainaren erdialdean ospatzen dira San Antonioren omenez.

Ikus, gainera

• Urdaibai