Elizabeth Blackburn

Wikipedia(e)tik
Hona jo: nabigazioa, Bilatu
Elizabeth Helen Blackburn
Elizabeth Helen Blackburn
Zientzialaria
Arloa Biologia molekularra
Jaio 1948ko azaroaren 26an (65 urte)
Hobart, Tasmania (Australia)


Elizabeth Helen Blackburn (Hobart, Tasmania, Australia, 1948ko azaroaren 26a) estatubatuar hiritartasuna duen biokimikari australiarra da. 2009. urtean Carol Creider, Jack W. Szoztak eta hirurek Medikuntzako Nobel Saria irabazi zuten telomeroak sortzen dituzten telomerasa entzimak aurkitzeagatik.

Biografia[aldatu | aldatu iturburu kodea]

Hobarten jaioa, Tasmania uharteko hiriburuan, medikuen alaba da. Melbourneko Unibertsitatean Biokimika ikasi zuen eta Biologia Molekularrean doktoratu zen 1975. urtean Cambridgeko Unibertsitatean. Bertan, bere senarra den John Sedat biologo molekularra ezagutu zuen.

1975ean telomeroak ikertzen hasi zen Yaleko Unibertsitatean eta Berkeleyko Kaliforniako Unibertsitatera pasatu zen. 1984an, Carol Greider eta biek telomerasa entzima aurkitu zuten, eta urte bat geroago, isolatzea lortu zuten. Ordutik, telomero artifizialak sortzeari ekin zioten banaketa zelularra ikertzeko eta modu horretan kontrolatu ahal izateko. 1986. urtean laborategiko zuzendaria izendatu zuten. 1993an Mikrobiologia eta Immunologia saileko zuzendaria izendatu zuten.

2001. urtean Elizabeth Blackburn Ameriketako Estatu Batuetako Bioetika Batzordean sartu zen, baina 2004an utzi zuen kargua George W. Bushen administrazioak zelulen ikerketetan jarritako murrizketekin ez zegoelako ados.

Commonsen badira fitxategi gehiago, gai hau dutenak: Elizabeth Blackburn Aldatu lotura Wikidatan