Idom

Wikipedia, Entziklopedia askea
Jump to navigation Jump to search
Idom
Bilbao - Sede del grupo de ingeniería IDOM 1.jpg
Mota Elkarte Anonimoa
Sektorea Ingeniaritza, Arkitektura, Aholkularitza
Sorrera 1957
Egoitza San Ignazio, Bilbo
Idom hemen kokatua: Bilbo
Idom
Idom
Idom (Bilbo)
Presidentea Fernando Querejeta
Merkatuak Espainia, Europa, Mundua
Webgunea http://www.idom.com

IDOM Bilbon sortutako ingenieritza, arkitektura eta aholkularitza zerbitzu profesionalak jorratzen dituen nazioarteko enpresa da.[1] Negozio eremu nagusiak arkitektura eta eraikuntza, aholkularitza, energia, ingurumena, industria, nuklearra, telekomunikazioak, garraioa, hiri antolamendua eta ura dira. Egoitza nagusia Bilboko San Ignazio auzoko Gordailu Franko zaharberrituan du.

1957an jaio zenetik gaur egun arteko garapenaren ondoren jakintza-alor anitzeko taldea da, zeinean 3.000 lagun baino gehiagok lan egiten duen, 5 kontinentetan banatutako 17 herrialdetan kokatutako 34 bulegotan banatuta. 12.000 bezero baino gehiago izan ditu eta nazioarteko 30.000 proiektutan parte hartu du, 123 herrialdetan.[2]

IDOMeko kapitalaren %100a bere langileen artean banatuta dago.

Espainiako bulegoez gain, Idomek baditu bulegoak Bruselan (Belgika), Londresen, Derbyshiren, Kenten eta Cardiffen (Erresuma Batuan), Bucaresten (Errumania), Calgaryn (Kanadan), Casablancan (Maroko), Sao Paulon (Brasil), Mexiko Hirian (Mexiko), Lisboan (Portugal), Varsovian eta Wroclawen (Polonia), Tripolin (Libia) eta Medellinen (Kolonbia).

Historia[aldatu | aldatu iturburu kodea]

IDOM Ingeniería y Dirección de Obras y Montaje, (gaztelaniaz, Lan eta Muntaia Ingeniaritza eta Zuzendaritza) Bilbon jaio zen 1957an, ingenieritza esparruan zerbitzu profesionalak eta independienteak eskaintzeko asmoz. Rafael Escolá ingeniari eta Opus Deiko kideak sortu zuen, Luis Olaortúa ingeniariarekin batera. Garai haietan IDOMen arreta nagusia eraikuntza eta proiektuen kudeatze lanetan jarrita zegoen. Merkatuaren bilakaera eta eta bezeroen eskakizun berriak bultzatuta, IDOM hazkunde bidean jarri zen, bai eskainitako zerbitzui zegokionez baita langile kopuruan ere.

Idom Talde barruan Seridom atala aipatzekoa da. Seridomeko helburua proiektuen kudeaketa osoa eskaintzea da, diseinua, erosketak eta erainkuntza barne, giltza eskura erako kontratuen bidez. Horrela bezeroen eskakizunei estaldura osoa eskaintzen zaio.

Nazioarteko sailkapenak[aldatu | aldatu iturburu kodea]

2012 urtean, Engineering News Report (ENR Top International Design Firms) argitaratutako 200 enpresa nagusien sailkapenean 73 postuan agertu zen.[3]

2011 urtean, The Swedish Federation of Consulting Engineers and Architects argitaratutako sailkapenean europear ingenieritzen artean 43 postuan agertu zen.[4]

2013ko urtarrilan "BD World Architecture’s Annual Survey" argitalpenean, ACXT-IDOM munduko arkitekturako ehun enpresa garrantzitsuen artean 50 postuan agertu zen, eta europako 8. postuan fakturazioaren arabera.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]

Euskarazko Wikipedian bada atari bat, gai hau duena:
Bilbo


Koordenatuak: 43° 16′ 43.39″ N, 2° 57′ 51.69″ W / 43.2787194°N,2.9643583°W / 43.2787194; -2.9643583