Ramon de la Sotaren etxeak

Wikipedia, Entziklopedia askea
Hona jauzi: nabigazioa, Bilatu
Ramon de la Sotaren etxeak
Bien de Interés Cultural
Casas de Sota.jpg
Sota eraikinaren aurrealdea.
Kokapena
kokapenmapa
Helbidea On Diego Lopez Haroko kale nagusia, 45
Indautxu, Abando barrutia
Koordenatuak 43° 15′ 47″ N, 2° 56′ 12″ W / 43.26313611°N,2.93665°W / 43.26313611; -2.93665Koordenatuak: 43° 15′ 47″ N, 2° 56′ 12″ W / 43.26313611°N,2.93665°W / 43.26313611; -2.93665
Historia eta erabilera
Irekiera 1918
Arkitektura
Ondarea
BIC RI-51-0004249

Ramón de la Sotaren etxeak, Sota etxeak edota Sota eraikina Bizkaiko Bilbo hiriburuko eraikin bat da.

Kokalekua[aldatu | aldatu iturburu kodea]

On Diego Lopez Haroko kale nagusiko 45. zenbakian dago, Bilboko zabalgunean, Diego Lopez Haroko kale nagusiaren 42-44. zenbakietako etxeen parean, eta Indautxu auzoaren bihotzean eta Moyua plazatik hurbil.

Historia[aldatu | aldatu iturburu kodea]

XX. mendearen hasieran bilbotar burgesiaren bizileku izateko eraikia izan zen, euskal estiloko arkitektura du. Bere aurrealde oparo apainduan, arku, aleroi eta leihoak nabarmentzen dira. Eraikinaren bultzatzaileak Ramón de la Sota euskal herritar enpresaburu abertzalea eta hiri honetako eraikin ugariren egilea den Manuel María Smith bilbotar arkitektoa izan ziren. Azken horrek eraikina 1918an proiektatu zuen eta 1920an eraikitzez amaitu zen.

Eraberritze sakon bat izan ondoren, gaur egun etxebizitza, bulego eta dendez osatutako eraikina da.

Ezaugarriak[aldatu | aldatu iturburu kodea]

Landetxe bat da berez, Ingalaterrako ereduei jarraikiz egina, eta Bizkaian ez dago halako besterik. Etxea gorde samarra geratzen da egun; bulego batzuk atxiki dizkiotelako alde batean, baina, batik bat, etxe multzo bat eraiki dutelako aurreko aldean, lehen lorategi zenari zati bat kenduta.

Eraikin bakartua da, lorategiz inguratua. Sotoa, beheko solairua, solairu nagusia eta ganbara ditu. Oinplanoa ia angeluzuzena da, eta teilatua bi isurikoa du, aski zorrotza.

Alde nagusian, bi gorputz ageri dira ertzetan. Bao guztiak angeluzuzenak dira, itxura eta neurri askotakoak, eta mordo bat daude (horrek areagotu egiten du etxearen horizontaltasuna). Hormak igeltsuztatuak daude, eta zuriz margotuak, eta aski ongi ematen du zuri horrek leihoen gorriarekin eta ageria geratzen diren adreiluekin.

Ezkerreko eta eskuineko aldeek ere eskema eta apaindura berdin-berdinak dituzte. Ekialdeko eta Iparreko aldeetan terraza handi bat dauka.

Tximiniak ere azpimarratzeko modukoak dira (asko ditu, eta oso garaiak). Angeluzuzenak dira, eta barne-beteak, eta garrantzi berezia dute, orekatu egien baitute, nolabait, lerro horizontalen nagusitasuna.

Egun, Sener ingeniaritza enpresaren egoitza nagusia da.

Portal.svg
Euskarazko Wikipedian bada atari bat, gai hau duena:
Bilbo
Wikimedia Commonsen badira fitxategi gehiago, gai hau dutenak: Ramon de la Sotaren etxeak