Txabarri jauregia

Wikipedia, Entziklopedia askea
Jump to navigation Jump to search
Txabarri jauregia
Txabarri jauregia, Bilbo. Euskal Herria.jpg
Txabarri jauregiaren aurrealdea.
Kokapena
kokapenmapa
Helbidea Moyuako plaza, 5
Indautxu
Koordenatuak 43° 15′ 48″ N, 2° 56′ 08″ W / 43.2634°N,2.9356°W / 43.2634; -2.9356Koordenatuak: 43° 15′ 48″ N, 2° 56′ 08″ W / 43.2634°N,2.9356°W / 43.2634; -2.9356
Historia eta erabilera
Eraikuntza 1889 - 1894
Arkitektura
Estiloa Arkitektura eklektikoa

Txabarri jauregia Bilbon dagoen jauregia da.

Kokalekua[aldatu | aldatu iturburu kodea]

Indautxu auzoko Moyua plazaren 5. zenbakian dago.

Bilboko zabalgunearen bihotz-bihotzean kokatzen da, bere lantzer nagusia Moyua plazara begira dago eta bere aurrealdeko lerroa Kale Nagusia eta Elkano kalean zehar luzatzen da.

Historia[aldatu | aldatu iturburu kodea]

Jauregia 1894an Atanasio Anduiza arkitektoak eraiki zuen, aurretik Paul Hankar arkitekto belgikarrak garaiko Cortes Victor Txabarri Salazar finantzari eta Ahaldun Nagusia eta bere sendiaren bizileku izan zedin proiektatu zuelarik. Halere eraikineko zenbait egongela Jose Etxenagusiak apaindu zituen.

1943tik aurrera Espainiako Gobernu Zibilak Bizkaian duen egoitza da, ondorioz, 1943-1947 artean funtzio hori betetzeko Eugenio Aginaga arkitektoak zaharberritu egin zuen.

Ezaugarriak[aldatu | aldatu iturburu kodea]

Neoflandiar iradokizunetan oinarritutako lan eklektikoa da.

Eraikin honek oinaldea, behe-solairua, hiru solairu eta mantsardak ditu. Koloreanitzeko harlanduz moldatua dago eta apaindura iztukutua eta forjaketako gai garrantzitsuak ere baditu.

Eraikinaren erabilera aldatu ostean arku eskartzanoko sarrera nagusia ireki zen. Aurrealdean eskuinaldeko ardatzean ateburudun sarrera bat du. Bere hiru solairuetan itxura asimetriko eta puntu-erdikoa duten ateburudun kofadura kopuru handia dago: leihoak, harrizko balustrada edo burdinazko karela duten begiratoki eta balkoiak. Mantsarda solairuan hainbat ganbara daude.

Txabarri jauregiak zaharberritze garrantzitsuak jasan izan ditu, bai bere barne egituran nahiz sarreretan ere, hauekin zeukan erabilerari hobekiago egokitzeko asmoz. Berritze nagusia 1943-1947 urteen artean Eugenio Maria Aginagak burututakoa da, honek etxea Espainiako Gobernu Zibilaren Bizkaiko egoitza izan zedin egokitu zuelarik.

Iruditegia[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Txabarri jauregia
Portal.svg
Euskarazko Wikipedian bada atari bat, gai hau duena:
Bilbo