Erriberako zubia

Wikipedia, Entziklopedia askea
Jump to navigation Jump to search
Erriberako zubia
Bilbao - Puente de la Ribera.jpg
Kokapena
Herrialdea  Euskal Herria
Probintzia  Bizkaia
Herria Bilbo
Koordenatuak 43° 15′ 22″ N, 2° 55′ 33″ W / 43.25623333°N,2.92583611°W / 43.25623333; -2.92583611Koordenatuak: 43° 15′ 22″ N, 2° 55′ 33″ W / 43.25623333°N,2.92583611°W / 43.25623333; -2.92583611
Altitudea , itsas mailaren gainetik
Arkitektura
Arkitektoa Fernando Arzadun Ibarraran Itzuli
Gurutzatzen du Bilboko itsasadarra

Erriberako zubia[1] Bilboko itsasadarreko zubia da, eskuinaldetik Zazpikaleak eta ezkerraldetik San Frantzisko lotzen dituena. Erriberako Merkatua ondoan du.

Historia[aldatu | aldatu iturburu kodea]

San Frantziskoko zubia izenaz ere ezaguna, egungo pasabaidea 1939an eraiki zuten eta Fernando Arzadun izan zuen ingeniaria.

Bertan zegoen lehendabiziko zubia, zubi esekia izan zen, 1827 eta 1852 artean burdinezko kateez eta 1852 eta 1874 artean altzairuzko kableez lotuta. Zabaldu zutenean Fernando VII.a Espainiakoak zeharkatu zuen. Hirugarren Gerra Karlistan bota eta 1881an burdinezko zubi finkoa eraiki zuten, Bilbon Burdinezko zubia izenaz ezaguna.

1937ko ekainaren 17an Bilbo galdu zenean zubia dinamitaz lehertu eta frankistek laster hasi zituzten zubia berreraikitzeko lanak. 1939an zabalduta, Ortiz de Zarate koronelaren zubia jarri zioten izena. 1980an jatorrizko izena berreskuratu zuen.

Bitxikeria[aldatu | aldatu iturburu kodea]

1827 eta 1874. urteen arteko zubi esekia (Hirugarren Gerra Karlistan desagertu zena) hain famatua izan zen Bilbon ezen abestiak ere egin baitzioten, tartean famatuena honakoa:

« No hay en el mundo
puente colgante
más elegante
que el de Bilbao
porque lo han hecho
los bilbainitos
que son muy finos
y muy salaos.
»
Munduan ez da
zubi exeki
dotoreagorik
Bilboko baino
oso finak
eta piper eta gatz diren
bilbotarrek
egin baizuten.

Askoen ustez, abestia egungo Portugaleteko zubiari buruzkoa izan zen, baina jatorrizko abestia azkena zabaldu (1893an) baino lehengokoa da[2].

Erreferentziak[aldatu | aldatu iturburu kodea]

Euskarazko Wikipedian bada atari bat, gai hau duena:
Bilbo