Emilio Campuzano institutua

Emilio Campuzano institutua Emilio Campuzano LHII
Kostaldeko Donejakue bidea
Eraikinaren aurrealdea. Irudi gehiago
Kokapena
Herrialdea	Euskal Herria
Probintzia	Bizkaia
Herria	Bilbo
Koordenatuak	43°16′N 2°55′W
Historia eta erabilera
Irekiera	1835
Izenaren jatorria	Emilio Campuzano
Arkitektura
Estiloa	Arkitektura neoklasikoa
Ondarea
189
Webgune ofiziala

Emilio Campuzano institutua, Emilio Campuzano LHII edo Emilio Campuzano Lanbide Heziketako Ikastetxe Integratua Bizkaiko Bilbo hiriburuan dagoen ikastetxe bat da.

Izena Emilio Campuzano (1850-1938) bilbotar ingeniariaren omenez darama.

Kokalekua

Atxuri auzoan dago, Santos Juanes plazaren 7. zenbakian, Atxuri kalearen eta García Rivero Maisua ikastetxearen alboan, eta San Antongo zubia eta Atxuriko geltokiaren artean.

• 

  Eraikinaren ikuspegi orokorra.

Historia

1835ean Gabriel Benito Orbegozo arkitektoak proiektatu eta eraiki zuen. Hasiera batean Ospitale Zibila izan zen.

1879ko otsailaren 10ean Bilboko alkate Pablo Altzolaren ekimenez eta Bizkaiko Foru Aldundia eta Bilboko Udalaren laguntzaz sortutako Arte eta Lanbide Eskola bertan ezarri zen. Gaur egun, Emilio Campuzano Bigarren Hezkuntzako Institutua barne hartzen du.

Eraikina

Neoklasiko estiloko eraikina da. Eraikuntzan hainbat alderdi hartu ziren kontuan, hala nola osasungarritasuna, aireztapena eta eguzki-argia, bere hiruhortz formako osaketa modularra gailentzen da, patio irekiekin. Osaketa hori Ingalaterrako eta Frantziako ospitale batzuetan erabili zen jada.

Kanpo estekak

Euskarazko Wikipedian bada atari bat, gai hau duena: Bilbo

• Emilio Campuzano LHII ikastetxearen webgunea (Gaztelaniaz)
• Emilio Campuza institutua. Bilboko Turismo Bulegoa (Gaztelaniaz)

• Datuak: Q23900713
• Multimedia: IES Emilio Campuzano