Real Madril (gaztelaniaz: Real Madrid Club de Fútbol) Madrilgo kirol elkarte bat da, batik bat futbol arloarengatik ezaguna. Izan ere, FIFAk XX. mendeko klub onena izendatu zuen. Txapeldunen Liga 14 aldiz eta Espainiako liga 35 aldiz irabazirik, bi txapelketetan titulu gehien ditu, alde handiz.
Taldearen goitizen zaharrenak los merengues (merengeak) edo los blancos (zuriak) dira, uniformeko kolore zuria dela eta. 1970eko hamarkadan, halere, los vikingos (bikingoak) izenak ospea lortu zuen, batez ere Ultras Sur taldeko zaleen artean, Europako iparraldeko jokalariak hartzeko ohiturarengatik.
Azken boladan, batez ere Florentino Pérez klubeko agintean dabilenetik, los galácticos (galaktikoak) ezizena arrakastatsu bihurtu da, nazioarteko izarrak baino ez baitituzte fitxatzen.
Institución Libre de Enseñanzako ikasle batzuek 1897an Foot Ball Sky taldea sortu zuten, Madrilgo lehen futbol taldea izan zena. 1902ko martxoaren 6an, bertako jokalari batzuek Juan Padrós eta Carlos Padrós anaia katalanen proiektu berri batean parte hartu zuten eta Madrid Foot Ball Club taldea sortu. Lehen urte hartakoa du lehenengo garaipena ere, Copa de la Gran Peña txapelketa, hain zuzen ere. 1904an FIFAren sortzaileetako bat izan zen. 1905 eta 1908 arteko lau Kopak segidan irabazi zituen.
Hurrengo kopa, ordea, ez zen 1917 arte iritsi. 1920an Alfontso XIII.a Espainiakoak Errege titulua eman zion eta ordutik aurrera Real Madrid izena du. Hala ere, kirol emaitzak ez ziren onak izan eta 1932 arte itxaron behar izan zuen Liga sortu berria irabazteko. Kopa ere 1934ean irabazi zuen berriz.
Gerra izan zen bitartean ez zen futbol txapelketarik izan. Gerra bukatzean ordea taldeko jokalari onenak zirenak falta zituenez kanpoko jokalariak fitxatu zituen. 1943an Santiago Bernabeu jokalari eta entrenatzaile ohia presidente izendatua izan zen. 1946 eta 1947ko Kopak irabazi zituen baina 1948an ia bigarren mailara jaitsi zen.
1952ko martxoaren 6an taldearen 50. urteurrena ospatzeko, KolonbiakoMillonarios Fútbol Club taldearen aurkako partidua antolatu zen. Madrildarrek galdu egin zuten baina talde kolonbiarreko izar Alfredo Di Stéfanoargentinarra fitxatu zuten hurrengo denboraldirako. Francisco Gento kantabriarra ere hartu zuten, Racing de Santander taldetik. Orduan hasi zen Real Madrilen "urrezko aroa". 1950 eta 1960ko hamarkadetan, Espainiako hamabi liga eta bi kopa irabazteaz gain, sei aldiz irabazi zuen Europako Kopa, bai eta Kontinente arteko lehenengo Futbol Kopa ere. Europako lehen bost kopa tituluak jarraian irabazi zituenez, koparen beraren jabetza (garaikurrarena, alegia) bereganatu zuen.
1970eko hamarkadan ere tituluak irabazten segitu zuen, baina Espainiako txapelketatan bakarrik. Horrela, beste sei liga eta hiru kopa jaso zituen, 1980ra bitartean.
1980ko hamarkada euskal taldeen nagusitasunarekin hasi zen. 1984an bigarren talde Castilla C.F.-k Bigarren Mailako txapelketa irabazi zuen. Bertan jokatzen zuen jokalari belaunaldiari la quinta del Buitre ezizena eman zitzaion, Emilio Butragueño baitzen guztien buru. Belaunaldi berri hari Hugo Sanchez mexikarra gehitu eta 1985/1986 denboraldian hasita, bost liga segidan irabazi zituen. Madrildarren nahia belaunaldi horrekin Europako Kopa berriz irabaztea bazen ere, ez zuten halakorik lortu. Hala ere, UEFA Kopa bi eraman zituzten.
1990eko hamarkadaren bukaera aldean aldaketa handiak izan ziren taldean eta 1997-1998 denboraldian azkenik lortu zuten Europako Kopa irabaztea Jupp Heynckes entrenatzaile zela. Hurrengo urtean bigarren Kontinente arteko Kopa irabazi zuen eta 2000 urtean berriz ere Europako Kopa, Vicente del Bosque entrenatzaile zutela.
2000ko uztailaren, 16an Florentino Pérez presidente hautatu zuten. Fitxaketa handiak egin zituen: Zidane, Figo, Ronaldo eta Beckham "lau galaktikoak" ezizenaz bataiatu ziren. Haiekin batera, etxeko Raúl, Guti eta Iker Casillas bezalako jokalariak zeuden. Bederatzigarren Europako Kopa lortu zuten, bai eta hirugarren Kontinente arteko Kopa ere.
2006tik aurrera, ordea, Bartzelona nagusituz joan zitzaion eta hari aurre egiteko, Florentino Pérezek berriz hauteskundeak irabazi eta bigarren garai galaktikoa abiarazi zuen: Cristiano Ronaldo izar nagusia zen eta José Mourinho, entrenatzailea. Bi taldeen arteko fitxaketa lehia horrek Espainiako Ligako beste taldeekiko alde izugarriak egotea ekarri zuen. Hiru urtetan Bartzelonaren atzetik bigarren izan ondoren, 2011-12 denboraldian liga irabaztea lortu zuen, gainera puntuen errekorra ezarriz, 100 puntura iritsi baitzen. Hura izan zen Mourinhoren garaipen bakarra, ez baitzuen Txapeldunen Liga irabazterik lortu, bi aldiz finalerdietara iritsi arren. 2012-13 denboraldia bereziki txarra izan zen eta ez zuen titulu bakar bat eskuratu.
2013-14 urtea bikaina izan zen, Ligan 3. egin arren, Errege Kopa eta Txapeldunen Liga irabazi baitzituen[1]. Urtea biribiltzeko, bere aurreneko Kluben arteko Munduko Kopa eskuratu zuen. 2015 urtea, aldiz, eskasa izan zen, ez baitzuen ez Ligarik ez Koparik lortu eta Txapeldunen Ligako final erdietan Juventusek kanporatu baitzuen. Sari bakarra Cristiano Ronaldoren Pichichia izan zen.
2015-16 denboraldia makal hasi zuen. Kopatik lehenengo kanporaketan izandako akats administratiboak bota zuen eta liga erdialdera liderretik 12 puntutara ere egon zen, baina bukaeran errekuperatu eta Liga irabaztear egon zen, eta hori gutxi balitz Txapeldunen Liga irabaztea lortu zuen hamaikagarren aldiz, aurrekoan bezala Atlético Madrilen aurka. 2016-17 sasoia ere bikain hasi zuen Munduko Kluben Kopa irabaziz eta denboraldiaren bukaeran Liga eta Txapeldunen Liga irabazi zituen. 2017-18an Ligan ez zen batere ondo ibili baina Txapeldunen Liga irabazi zuen hirugarren aldiz jarraian, bai eta FIFAren Kluben arteko Munduko Kopa ere.
2018-2019 denboraldia oso txarra izan zuen. Txapelketa guztietatik kanpora gelditu da, Txapeldunen Ligan adibidez final zortzirenetan kanporatu zuen Amsterdamgo Ajaxek, Madrilen 1-4 emaitzaz irabazita. Hiru entrenatzaile izan zituen, Julen Lopetegirekin hasi zuen urtea, ondoren Santiago Solari eta denboraldia amaitzeko Zinedine Zidanek itzuli behar izan zuen. 2019-2020 denboraldian Saudi Arabian jokaturiko Espainiako Superkopa irabazi zuen eta Ligan ere nagusi izan zen, COVID-19 pandemiak eragindako geldialdiaren ondoren partida ia denak irabaziz. 2020-2021 denboraldian bigarren egin zuen Ligan eta Txapeldunen Ligan finalerdietara iritsi zen, baina Chelseak kanporatu zuen. 2021-2022 denboraldian Liga erraz irabazi zuen eta Txapeldunen Liga ere bai. Finalerdietan Manchester City kanporatu zuen itzulerako partidako luzapenean bi gol sartuta eta finalean Liverpool 1-0 gainditu zuen. Ondoren Kluben arteko Munduko Kopa irabazi zuen. 2022.23an berriz joaktu zuen finalerdietan Manchester Cityren aurka eta ingelesak nagusitu ziren.
Futbol partidak jokatzen hasi zirenean jokalariek alkandora eta prakak kendu eta barneko arropa zuriarekin jokatu ohi zuten. Taldeak bereizteko kolorezko banda bat ezartzen zuten baina jokatzean banda hori galtzen zenez, talde gehienek koloreak erabiltzea erabaki zuten. Real Madrilek zuria aukeratu zuen, baina hasieran partida arruntetan galtza urdinak erabili zituen, ez hala partida garrantzitsuetan. 1903an partida guztietarako zuriz jokatzea erabaki zuten.
1925-1926an galtza beltzak hartu zituen Ingalaterrako Corinthian Football Cluben gisara, garai hartan futbol politena egiten zuen taldea kontsideraturik baitzegoen. Uniforme horrek ere denboraldi bakarra iraun zuen.
Ordutik aurrera kirol etxe frankoren diseinuaren araberako desberdintasunak izan ditu, beti ere elastiko eta galtza zuriak errespetatuta.
_(16618219209).jpg)
81.044
, La Saeta (en) 
.png)
.jpg)
CA Peñarol
CR Vasco da Gama
Boca Juniors
Club Olimpia
Kashima Antlers
Al Ain FC
Al-Hilal
Stade de Reims
ACF Fiorentina
Eintracht Frankfurt
SL Benfica
Partizan Belgrad
Liverpool FC
València CF
Galatasaray SK
Feyenoord Rotterdam
Videoton
Aberdeen FC
Datuak: Q8682
Multimedia: Real Madrid C.F. / Q8682.png){kind=small}
