Sartze

Wikipedia(e)tik
Hona jo: nabigazioa, Bilatu

Sartze

 Nafarroa Garaia

Sartzeko armarria

Izen ofiziala Sarriés <> Sartze
Estatua
Erkidegoa
Merindadea
Espainia
Nafarroako Foru Erkidegoa
Zangozako merindadea
Alkatea Salvador Artoleta Sarriés
(AEIS, indep.)
Herritarra sarztar
Koordenatuak 42°50′10″N 1°5′56″W / 42.83611°N 1.09889°W / 42.83611; -1.09889Koordenatuak: 42°50′10″N 1°5′56″W / 42.83611°N 1.09889°W / 42.83611; -1.09889

Maps of municipalities of Navarra Sartze.JPG

Eremua 23,14 km2
Garaiera 691 m
Distantzia 76 km Iruñera
Posta kodea 31451
Biztanleria 67 bizt. (2012)
Dentsitatea 2,9 bizt./km²
Sorrera 1085 baino lehen

Sartze[1] Nafarroako ipar-ekialdean dagoen udalerria da, Zaraitzuko ibarrean. Nafarroako hiriburutik 76 kilometrora kokatua, 2012ko urtarrilaren 1eko erroldaren arabera herriak 67 biztanle ditu.

Eska-Zaraitzu Hondakin Solidoen Mankomunitatea zaborra biltzeaz arduratzen da Sartzen eta eskualdeko beste hainbat herritan.

Inguru naturala eta kokapena[aldatu | aldatu iturburu kodea]

Zangozako merindadearen ipar-ekialdean kokaturik, herria NA-178 errepideak zeharkatzen du, Gorza eta Orontze udalerriak atzean utzita.

Sartzeren udalerri mugakideak honakoak dira: Iparraldean Espartza; hegoaldean Gorza eta Galoze; ekialdean Bidankoze; eta mendebaldean Jaurrieta eta Urraulgoiti.

Herriak[aldatu | aldatu iturburu kodea]

Sartze eta Ibiltzieta herriek osatzen dute. 2006ko erroldaren arabera, Sartzek 36 biztanle ditu eta Ibiltzietak 42.

Historia[aldatu | aldatu iturburu kodea]

Sartze Zaraitzuko kontzeju izan zen 1835. urteko erreforma administratiboa egin arte. Orduan, ibarreko kontzejuak banandu eta udalerri bihurtu ziren. Sartzek eta Ibiltzietak (1842ko erroldan artean bi udalerritzat joak) bat eginez, "Sartze" izeneko udalerri berria osatu zuten.

Ondarea[aldatu | aldatu iturburu kodea]

San Martin parrokia XIII. mende hasierako eraikina da, eta Zaraitzuko elizarik antzinakoena da. Elizaren barruan, XIV. mendeko gurutze gotiko bat eta XVII. mendeko erretaula erromanista daude. Erretaula txikiak jatorrizko polikromia gordetzen du gaur egun. Argiloaingo Andra Mariren baselizan, berriz, egurrezko irudi erromanikoa dago.

Eraikuntza zibilari dagokionez, Labari Etxeko arkupea nabarmentzen da.

Demografia eta biztanleria[aldatu | aldatu iturburu kodea]

Sartzeko biztanleria
1897 1900 1910 1920 1930 1940 1950 1960 1970 1981 1991 2001 2006
200 188 199 189 199 198 178 183 133 112 111 79 78

2008ko erroldaren arabera, ez zen etorkinik bizi Sartzen.

Jaiak eta ospakizunak[aldatu | aldatu iturburu kodea]

Sartzeko herriko jaiak abuztuko bigarren hamabostaldiko lehen igandean ospatzen dira. Bestalde, herriko patroi den San Martinen omenezko jaia azaroaren 11n izaten da.

Herrian bi erromeria antolatzen dira urtero, biak Argiloako baselizara, uztailaren 2an eta maiatzaren 16an.

Politika[aldatu | aldatu iturburu kodea]

Udal hauteskundeak[aldatu | aldatu iturburu kodea]

Azken agintaldietan Sartzeko alkate kargurako Agrupación Electoral Independiente de Sarriés (AEIS) taldeko kideak aukeratu dira. 2007an Juana María Indurain Sarriés hautatu zuten. Baliogabeko boto bakarra izan zen (emandako guztien %2,78) eta 3 boto zuri izan ziren (botoen %8,57). Abstentzioa %48,57koa izan zen.

Sartzeko Udala (2007)
Alderdia Botoak Aukeratua?
Juana María Indurain Sarriés (AEIS) 32 Bai


2011ko udal hauteskundeetan ere AEIS izan zen aurkeztutako talde bakarra; urte horretan Salvador Artoleta Sarriés aukeratu zuten alkate[2].

Udaletxea[aldatu | aldatu iturburu kodea]

Sartzeko udaletxeko idazkaria Espartza Zaraitzu, Gorza eta Galozeko idazkari ere bada.

  • HELBIDEA: Santo Tomas kalea z/g

Alkateak[aldatu | aldatu iturburu kodea]

Alkateen zerrenda
1979-1983
1983-1987
1987-1991
1991-1995
1995-1999
1999-2003
2003-2007
2007-2011 Juana María Indurain Sarriés AEIS
2011-2015 Salvador Artoleta Sarriés AEIS

Azpiegitura eta garraioak[aldatu | aldatu iturburu kodea]

Conda autobus konpainiaren Otsagabia eta Iruñea bitarteko lineak geltokia dauka herrian. Lineak honako ibilbidea egiten du:

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Sartze
Portal.svg
Euskarazko Wikipedian bada atari bat, gai hau duena:
Nafarroa



Zaraitzu
Maps of municipalities of Navarra Zaraitzu.JPG
Espartza | Ezkaroze | Galoze: Galoze (kontzejua)ItzalleIzizeUskartze | Gorza: Gorza (kontzejua)ErripaldaIgari
Itzaltzu | Jaurrieta | Orontze | Otsagabia | Sartze: Sartze (kontzejua)Ibiltzieta