Urraulgoiti

Wikipedia(e)tik
Hona jo: nabigazioa, Bilatu

Urraulgoiti

 Nafarroa Garaia
Urraulgoitiko bandera

Urraulgoitiko armarria

Izen ofiziala Urraúl Alto
Estatua
Erkidegoa
Merindadea
Espainia
Nafarroako Foru Erkidegoa
Zangozako merindadea
Alkatea Juan Francisco Irigibel Iturri
(AIUA)
Herritarra urraulgoitiar
Koordenatuak 42°45′33″N 1°15′16″W / 42.75917°N 1.25444°W / 42.75917; -1.25444Koordenatuak: 42°45′33″N 1°15′16″W / 42.75917°N 1.25444°W / 42.75917; -1.25444

Maps of municipalities of Navarra Urraulgoiti.JPG

Eremua 137,7 km2
Garaiera 530 m
Distantzia 45 km Iruñera
Posta kodea 31448
Biztanleria 176 bizt. (2012)
Dentsitatea 1,28 bizt./km²
Sorrera XIII. mendea baino lehen

Urraulgoiti[1] Nafarroako ipar-ekialdean dagoen udalerria eta ibarra da, Zangozako merinerrian kokaturik. 2012ko urtarrilaren 1eko erroldaren arabera, herriak 176 biztanle ditu.

Geografia[aldatu | aldatu iturburu kodea]

Inguru naturala eta kokapena[aldatu | aldatu iturburu kodea]

Santa Fe monasterioaren klaustroaren ikuspegia.

Urraulgoiti Nafarroa ekialdean dago, Nafarroako hiriburutik 45 kilometrora. Herrira heltzeko NA-150 errepidean hasten den bigarren mailako beste errepide bat hartu behar da.

Urraulgoitik, Abaurregaina eta Abaurrepearekin egiten du muga iparraldean, Sartze, Galoze eta Nabaskozerekin ekialdean, Artzibar eta Longidarekin mendebaldean, eta Urraulbeiti eta Erromantzatuarekin hegoaldean.

Klima eta landaredia[aldatu | aldatu iturburu kodea]

Erlieberaren desberdintasunak direla eta, Urraulgoitin bi klima desberdintzen dira, batetik hegoaldeko klima azpimediterraniarra, eta bestetik iparraldeko klima azpiozeanikoa. Iparraldean izaten diren prezipitazio ugariagoak direla eta (batez beste 1.400mm edo gehiago urtero), pagadi ugari daude. Bien bitartean, hegoaldean, urtero 900mm jausten direlarik, pinu basatia da espezierik ohikoena. Urteko batez besteko tenperatura 8 eta 12 gradu bitartekoa da.

Zuhaitzen artean espezierik ugariena birlandaturiko (Austriatik ekarri zituzten XVIII. mendearen amaieran) pinu lariziarrak dira, guztira 591 hektarea hartuz.

Estazio meteorologikoa[aldatu | aldatu iturburu kodea]

Urraulgoitiko Eparotz kontzejuan, itsasoaren mailatik 608 metrora, Nafarroako gobernuak 1974ean jarritako estazio meteorologikoa dago.[2]

Herriak[aldatu | aldatu iturburu kodea]

Herri hauek osatzen dute: Adoain, Aietxu, Elkoatz, Eparotz, Ezkanitz, Gindano, Imirizaldu, Irurozki (udaletxea), Lareki, Ongotz, Ozkoidi eta Zabaltza. Etxaguneak ere badaude: Arieltz, Aristu, Jakoisti, Larraun eta Santafe basilika, non, oroitzapen guztien arabera, udalak bilerak egin dituen. Lehen, gainera, herri gehiago zeuden, egun hustuak: Aikoa, Aizkurgi, Arangozki, Artanga, Artesano, Zerrenkano, Egillor, Larrain, Lete, Narbarze, Raxa eta Sastoia edo Iriberritxipi.

Demografia[aldatu | aldatu iturburu kodea]

Urraulgoitiko biztanleria
1897 1900 1910 1920 1930 1940 1950 1960 1970 1981 1991 2001 2006
946 958 881 804 735 688 553 423 227 162 156 167 164

2008ko erroldaren arabera, bi etorkin bizi ziren herrian, biztanleriaren %1,21a (Nafarroako batez bestekoaren azpitik).

Politika[aldatu | aldatu iturburu kodea]

Udal hauteskundeak[aldatu | aldatu iturburu kodea]

2007an Urraulgoitiko alkate kargurako Aldasur[3] (izen osoa: Agrupación Electoral Aldasur, AEA) herri ekimeneko Joaquina Garijo Napal aukeratu zuten alkate; bere taldeak udaleko bost ordezkarietatik lau lortu zituen. Baliogabeko botoak bi izan ziren (emandako boto guztien %1,47) eta boto zuri bakarra izan zen (%0,75). Abstentzioa %17,58koa izan zen.

Urraulgoitiko Udala (2007)
Alderdia Botoak Aukeratua?
Joaquina Garijo Napal (AEA) 84 Bai
Ignacio Indurain Bañez (AEA) 83 Bai
Maria Rosario Larrea Leotz (AEA) 80 Bai
Maria Teresa Erredin Aietxu (AEA) 68 Bai
Eduardo Migueliz Bizkai (AESFUA) 55 Bai


2011ko udal hauteskundeetan ere bi zerrenda aurkeztu ziren baina udalbatzan aldaketa suertatu zen: Aldasurrek bi zinegotzi lortzen zituen bitartean, Agrupación Independiente Urraúl Alto (AIUA) izenekoak beste hirurak erdietsi zituen[4][5].

Alkateak[aldatu | aldatu iturburu kodea]

Alkateen zerrenda
1979-1983
1983-1987
1987-1991
1991-1995
1995-1999
1999-2003
2003-2007
2007-2011 Joaquina Garijo Napal Aldasur
2011-2015 Juan Francisco Irigibel Iturri AIUA

Udaletxea[aldatu | aldatu iturburu kodea]

  • HELBIDEA: San Adrian kalea, z/g (Irurozki kontzejua)

Euskara[aldatu | aldatu iturburu kodea]

Nafarroako gobernuak onartutako Euskararen Foru Legearen arabera Urraulgoiti eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %3,66k zekien euskaraz hitzegiten.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Urraulgoiti Aldatu lotura Wikidatan
Portal.svg
Euskarazko Wikipedian bada atari bat, gai hau duena:
Euskal Herriko:Wikiatlasa