Azerbaijan
Azerbaijango Errepublika | |||
---|---|---|---|
Azərbaycan Respublikası | |||
Ereserkia: Azərbaycan marşı | |||
| |||
Azerbaijan (orthographic projection).png | |||
Geografia | |||
Hiriburua eta hiri handiena | Baku 40°22′0″N 49°50′7″E | ||
Azalera | 86.600 (113.) | ||
Punturik altuena | Bazardüzü | ||
Punturik sakonena | Kaspiar itsasoa (−28 m) | ||
Kontinentea | Asia eta Europa | ||
Mugakideak | Armenia, Iran, Turkia, Errusia, Georgia eta Artsakh | ||
Administrazioa | |||
Gobernu-sistema | Errepublika presidentzialista | ||
Presidentea | Ilham Aliyev | ||
Azerbaijango Lehen Ministroa | Ali Asadov (en) | ||
Legebiltzarra | Azerbaijango Biltzar Nazionala | ||
Harreman diplomatikoak | Ikusi mapa Wikidatan | ||
Zeren kide | ikusi
| ||
Demografia | |||
Biztanleria | 10.145.212 (2021) (89.) 0 (2021) | ||
Dentsitatea | 117,15 bizt/km² (100.) | ||
Talde etnikoak | ikusi
| ||
Hizkuntza ofizialak | ikusi
| ||
Erabilitako hizkuntzak | ikusi
| ||
Ezkontzeko adina | genero guztiak: 18 | ||
Emankortasun-tasa | 2 (2014) | ||
Eskolaratu gabeko umeak | 91.820 (2015) | ||
Alfabetizazioa | % 100 (2016) | ||
Bizi-itxaropena | 72,026 (2016) | ||
Giniren koefizientea | 26,6 (2005) | ||
Giza garapen indizea | 0,745 (2021) | ||
Ekonomia | |||
BPG nominala | 78.721.058.820 $ (2022) 24.098.882.350 (2021) | ||
BPG per capita | 7.736,7 $ (2022) 2.352,7 (2021) | ||
BPG erosketa botere paritarioa | 180.753.518.090 nazioarteko dolar (2022) 20.024.045.330 (2021) | ||
BPG per capita EAPn | 17.764,4 nazioarteko dolar (2022) 1.921,5 (2021) | ||
BPGaren hazkuntza erreala | −3,8 % (2016) | ||
Erreserbak | 6.680.532.216 $ (2017) 106.669.584 (2016) | ||
Inflazioa | 13,3 % (2016) 5,6 (2015) | ||
Historia | |||
Sorrera data: 1991 | |||
Bestelako informazioa | |||
Aurrezenbakia | +994 | ||
ISO 3166-1 alpha-2 | AZ | ||
ISO 3166-1 alpha-3 | AZE | ||
Ordu eremua | |||
Elektrizitatea | 220 V. 50 Hz.Europlug (en) eta Schuko (en) | ||
Internet domeinua | .az | ||
mfa.gov.az… |
Azerbaijan Asiako hego-mendebaldeko estatua da, Kaukasoko eskualdean Kaspiar itsasoaren ertzean kokatua. Sobietar Batasuneko errepublika izan zen, harik eta batasuna desegin eta Estatu Burujabeen Batasuna sortu zenean burujabetasuna aldarrikatu zuen arte (1991). Mugakide ditu Errusia iparraldean, Georgia ipar-mendebaldean, Armenia hegoaldean eta Iran ekialdean.
Hiriburua Baku da.
Geografia
Azerbaijango erdialdea Kura ibaiaren arroak hartzen du, eta bertara biltzen da Araxes ibaiaren ura. Kaukaso Handiko hego-ekialdeko mendiek babesten dute lurraldea iparraldetik Kaspiar Itsasoraino (Abseron penintsula). Kaukaso Txikiko hormak ageri dira mendebaldean eta Talis mendiak hegoaldean.
Historia
Azerbaijandarren eta armeniarren arteko istilu eta gatazka larriak izan dira nagusi Azerbaijanen. Sobietar Batasunean 1986tik aurrera bultzatutako aldaketen ildotik, Armeniak Nagorno-Karabakh, Azerbaijanen barruan dagoen lurralde armeniar autonomoa (170.000 biztanle, % 76 armeniarrak, % 23 azerbaijandarrak), Armeniari itzultzeko eskatu zuen, baina Sobiet Gorenak ez zuen onartu. Lurralde autonomoko grebari (1988ko maiatza) erantzuteko, eta azerbaijandarrek hala eskatuta, blokeoa ezarri zuten Armeniako errepublikan (1988ko iraila). Urte bereko urrian, Azerbaijango parlamentuak erabakitako legearen arabera, errepublikak dituen mugak ezingo dira aldatu errepublika osoan egindako erreferendumean onartuta ez bada. 1989. urtean armada sobietarrak hartu zuen parte eta bi herrietako miliziak, elkarrekin gerran ari baitziren, banatu egin zituen elkarrengandik.
Gobernua eta administrazioa
Azerbaijan errepublika presidentzialista da. Gaur egun indarrean dagoen konstituzioa 1995ekoa da. Organo legegile nagusia Mejlis edo Batzar Nagusia da, bost urtez behin aukeratutako 300 kidez osatua. Estatuburua presidentea da, eta, konstituzioaren arabera, lehen ministroa izendatu eta gobernua osatzeko ahalmena dauka, Mejlisaren onespenarekin, betiere. 1991n 50 kidez osaturiko organo legegile bat antolatu zuen Mejlisak, Nazio Kontseilua. Nazio Kontseiluak indar gabe utzi zuen Mejlisa 1992ko estatu kolpearen ondoren. Azerbaijan Estatu Burujabeen Batasuneko kide da.
Demografia
Azerbaijan da Asiako mendebaldeko herrialdeetan biztanle gehien duena. Jaiotza-tasa garaia du, baina baita haurren heriotza-tasa ere, batez ere nekazari-inguruetan. Gizataldeei dagokienez, etnia askotako jendea bizi da: azeriak gehienbat (% 92), batez ere azken urteetan, Nagorno-Karabakhen inguruko gatazka dela-eta Azerbaijango armeniarrek (300.000 inguru) Armeniara alde egin eta Armeniako azerbaijandar askok (200.000 inguru) Azerbaijanera ihes egin zutenean. Gaur egun, Azerbaijango armeniar gehienak Nagorno-Karabakhen bizi dira. Azerbaijanen administraziopean dago, orobat, Nakhitxevan, Armeniarekin mugan dagoen lurraldea, etniari dagokionez azerbaijandarra.
Banaketa administratiboa
Azerbaijan honela banatuta dago:
- 59 raion edo eskualde (singularrean rayon, pluralean rayonlar),
- 11 hiri (pluralean şəhərlər; singularrean şəhər),
- 1 errepublika autonomo (muxtar respublika)
Ekonomia
Nekazaritza (Kura eta Araxe ibai arroak) eta petrolioa (Baku, Abseron penintsula, Kaspiar itsasoa) dira Azerbaijango ekonomiaren zutabe nagusiak. Petrolioaz gainera, industria (metal, industria kimikoa eta mekanikoa, elikadura-industria eta ehungintza) ere garatu da Kura ibaiaren indar hidroelektrikoari esker. Tabakoa eta, batik bat, kotoia dira industriarako nekazaritza-gai nagusiak.
Azpiegiturak
Aireportuak
Ikus jatorrizko Wikidatako eskaera eta iturriak.
Erreferentziak
Wikimedia Commonsen badira fitxategi gehiago, gai hau dutenak: Azerbaijan |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo-loturak
- Jalgi.com atlasa datuak, mapak eta irudiak
- (Ingelesez) CIA - World Factbook Geografia, biztanleria, politika eta ekonomia datuak.