Bill Clinton

Wikipedia(e)tik
Hona jo: nabigazioa, Bilatu
Bill Clinton
Bill Clinton portrait (2015).jpg
Arkansas Attorney General

1977ko urtarrilak 3 - 1979ko urtarrilak 9
Jim Guy Tucker
Governor of Arkansas

1979ko urtarrilak 9 - 1981eko urtarrilak 19
Frank D. White - Jim Guy Tucker
Governor of Arkansas

1983ko urtarrilak 11 - 1992ko abenduak 12
Frank D. White - Jim Guy Tucker
42. Ameriketako Estatu Batuetako presidentea

1993ko urtarrilak 20 - 2001eko urtarrilak 20
George H. W. Bush - George W. Bush
Hautaketa: United States presidential election, 1992, United States presidential election, 1996
Bizitza
Izen osoa William Jefferson Blythe III
Jaiotza Hope (Arkansas)1946ko abuztuaren 19a (70 urte)
Herrialdea  Ameriketako Estatu Batuak
Lehen hizkuntza ingelesa
Familia
Aita William Jefferson Blythe, Jr.
Ama Virginia Clinton Kelley
Ezkontidea(k) Hillary Clinton  (1975eko urriak 11 -
Seme-alabak
Anai-arrebak
Hezkuntza
Heziketa Hot Springs High School 1964)
Yale Unibertsitatea
Edmund A. Walsh School of Foreign Service
(1964 - 1968) Zientziatan graduatua
University College
(1968 - 1970)
Yale Law School
(iraila 1970 - maiatza 1973) Juris Doctor
Hizkuntzak ingelesa
alemana
Lanbidea
Lanbidea legelaria, politikaria, abokatua, diplomazialaria, autobiografialaria, idazlea eta maisua
Lantokia(k) Washington
Enplegatzailea(k) University of Arkansas
Nazio Batuen Erakundea
Jasotako sariak
Kidetza Trilateral Commission
Arteen eta Zientzien Ameriketako Estatu Batuetako Akademia
French-American Foundation
Phi Beta Kappa Society
Musika instrumentua Saxofoia
Sinesmenak
Erlijioa Baptismoa
Alderdi politikoa Ameriketako Estatu Batuetako Alderdi Demokrata
IMDb nm0001051
www.clintonlibrary.gov/
Bill Clinton signature2.png

William Jefferson Clinton (Hope, Arkansas, 1946ko abuztuaren 19a), Bill Clinton moduan ezaguna, estatubatuar politikaria da, 1993tik 2001era Ameriketako Estatu Batuetako presidentea izandakoa.

Zuzenbide-ikasketak egin zituen, eta irakasle izan zen (1973-1976) Arkansasen. 1974an egin zuen lehen ahalegina politikaren alorrean, Kongresurako hauteskundeetara aurkeztu baitzen eta, galtzaile atera bazen ere, boto-kopuru handia bildu zuen Alderdi Demokratarentzat. 1976an, Clinton berriro hauteskundeetara aurkeztu zen, eta ordukoan Arkansasko fiskal nagusi atera zen. Handik bi urtera, Arkansasko gobernadore hautatu zuten, eta kargu horretan egon zen hainbat urtez.

1992ko lehendakaritzarako hauteskundeetan Alderdi Demokrataren hautagai izatea lortu ondoren, hiru zutabetan oinarritu zuen hauteskunde-kanpaina: ekonomia krisialditik ateratzeko plan bat, erdi-mailako gizarte-klaseari zergak gutxitzea eta osasun-segurantza moduko bat ezartzea. Hauteskundeetan, Clintonek botoen % 43 eskuratu zituen, Bushek % 38 eta Perotek % 19.

Clinton Estatu Batuetako lehendakari izendatu zutenean.

Agintera igo eta berehala, ia 500.000 milioi dolar eskatu zituen zerga-igoeretan eta gastu gutxitzeetan, eta Kongresuak ia guztia onartu zion. Agintaldi hartan onartu zen, orobat, Estatu Batuak, Kanada eta Mexikoren arteko NAFTA edo merkatu batua. Osasun-sistemaren erreforma, ordea, atzera bota zioten. Kanpo-arazoen eremuan, israeldarren eta palestinarren arteko bake-prozesua bultzatu zuen. Balkanetara, berriz, 20.000 soldadu igorri zituen, nazioarteko indar gehiagorekin, bakeak egitera. 1996ko hauteskundeak aurrekoak baino errazago irabazi zituen Clintonek, botoen % 49 eskuratu baitzituen. Kanpo-arazoetan, Errusiako presidentea, Boris Jeltsin, sobietar blokeko kide izandako hiru estatu NATOn sar zitezen konbentzitu zuen.

Clintonen bigarren agintaldi hori markatu zuen gertaera nagusia sexu-eskandalu bat izan zen. Monica Lewinsky izeneko Etxe Zuriko bekadun ohi batekin sexu-harremanak izana egotzi zioten, eta Clintonek ukatu egin zuen, zinpean. Baina Kenneth Starr fiskalak Lewinsky deitu zuen deklaratzera, eta hark harremanak aitortu ondoren, Clintonek onartu behar izan zuen ez zuela egia esan. Hala, 1998ko abenduaren 19an, auzia sartu zioten lehendakariari zin faltsua egiteagatik eta justiziari oztopoak jartzeagatik, baina, Senatura eraman zenean, kasua bertan behera geratu zen.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Bill Clinton Aldatu lotura Wikidatan