NKVD

NKVDren ikurra.

NKVD edo Barne Arazoetarako Nazio Batzordea (errusieraz Народный комиссариат внутренних дел, Narodnyi Kommissariat Vnutrennikh Diel) 1934an Sobietar Batasunean GPU erakundearen ordez segurtasun-arazoetarako sortutako polizia politikoa da.

Hiru zuzendari izan zituen: Genrikh Iagoda (1934-1936), Nikolai Iejov (1936-1938; 1939an herio-zigorra eman eta hil egin zuten) eta Lavrenti Beria; garrantzi handiko zeregina izan zuen Stalinek agindutako atxilotze eta hilketetan. 1946an desagertu zen, eta haren eginkizunak Barne Arazoetarako Ministerioaren eta KGB erakundearen esku geratu ziren. Beriak polizia politikoaren buru izaten jarraitu zuen 1953 arte; urte horretan herio-zigorra ezarri eta hil egin zuten.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.