Tamer Institutua

Tamer Institutua
Datuak
Mota	irabazteko asmorik gabeko erakundea eta gobernuz kanpoko erakundea
Herrialdea	Palestina
Agintea
Egoitza nagusi	Jerusalem
Egoitza nagusi	Ramallah
Egoitza nagusi	Gaza
Historia
Sorrera	1989
Sortzailea	Munīr Fāshah (en)
Jasotako sariak	Astrid Lindgren Memorial Award  (2009)
webgune ofiziala

Tamer Hezkuntza Komunitariorako Institutua irabazi asmorik gabeko hezkuntza gobernuz kanpoko erakunde bat da. 1988an sortu zen, lehen intifada garaian, palestinarren beharrei erantzuteko asmoz. Haien helburua haurrei ikasketa alternatiboak eta liburuak eskuratzeko aukera ematea zen, eskolatze eta aisialdia egoera politikoaren ondorioz kaltetuak izan zirelako.

Tamerrek batez ere gazteekin eta gazteentzat egiten du lan, ikaskuntza-ingurune eta material seguruak eta lagunkoiak eskainiz.

Egun institutuak idazlan, ipuin eta antzerki tailerrak eskaintzen ditu. Hortaz gain, urtero irakurketa kanpaina nazional bat antolatzen du milaka umeri tailerrak eskainiz errefuxiatu kanpamentu, herri eta komunitateetan. Kanpainan, 8 eta 15 urte bitarteko haurrentzako idazketa-lehiaketa bat burutzen dute; Tamer Institutuak lehiaketaren irabazleak  "Nire lehen liburua" izeneko liburu-sail batean argitaratzen ditu.

Tamer institutua sortu zenean haurrentzako liburu palestinar gutxi zegoen. Gaur egun, erakundeak bere argitalpen-unitatea du, eta 130 titulu baino gehiago argitaratu ditu. Liburu hauek Palestina osoko liburutegi eta kultur zentroetan banatu dira. Argitalpen-unitatea funtsezkoa da, zailtasunak baitaude beste herrialde arabiar batzuetako haurrentzako liburuak inportatzeko. Beren proiektu guztien bitartez, idazketa eta narrazio tailerretatik hasi eta argitaratzeraino, institutuak bidea ireki dio idazle palestinarren belaunaldi berri bati. Bestetik, Yara’at izeneko gazteen egunkariaren ekoizpena babesten du. Bertan, gazteek beren istorioak, olerkiak eta argazkiak argitaratu ditzakete. Era berean, erakundeak gazteei Palestinako historia eta geografiaren berri emateko proiektu batean parte hartzen du.

Xedea

"Palestinako ikaskuntza-gizarte aske eta seguru baterantz"

Haurren, heldu, gazteen eta haiekin lan egiten duten taldeen artean ikasteko aukerak sustatzea eta sakontzea.

Helburu estrategikoak

• Palestinako haur-kulturari buruzko ekoizpen literario eta eskolatua babestea.
• Haur eta gazteen artean irakurketa, idazketa eta adierazpide guztiak sustatzea.
• Ikaskuntzari lagunduko dion ingurune palestinarrari laguntzea (haurren hazkunderako egokiak diren politika eta azpiegitura sendoak barne).
• Tamer Institutuaren erakunde-gaitasuna babestea eta formulatzea.

Astrid Lindgrenen oroimenezko saria

2009an, Tamer Institutuak haur-literaturako saririk handiena irabazi zuen (bost milioi koro, 460.000 euro inguru), Suediako Arteen Kontseiluaren Astrid Lindgren Memoriala saria, irakurketaren sustatzaile gisa egindako "epe luzeko lan iraunkorra" aitortuz.

Kanpo estekak

• Webgune ofiziala

• Datuak: Q2915362