Ramsarko hitzarmena

Ramsarko hitzarmena
Mota	international environmental agreement (en)
Honen izena darama	Ramsar (en)
Data	1971ko otsailaren 2a
Indarrean sartze	1975eko abenduaren 21a
Kokaleku	Ramsar (en)
Depositary (en)	UNESCOren Zuzendari Nagusia
Lanaren edo izenaren hizkuntza	txekiera
Lan osoa eskuragarri	en.unesco.org…
Webgune	ramsar.org

Ramsarko hitzarmena edo Nazioarteko Garrantzidun Hezeguneei Buruzko Hitzarmena, bereziki Uretako Hegaztien Habitat Gisa Irango Ramsar hirian sinatu zen nazioarteko hitzarmena da, 1971ko otsailaren 2an sinatua eta 1975ean indarrean sartua. Xede nagusia, hezeguneen kontserbazioa eta erabilera arrazionala da, tokiko, eskualdeko eta nazioko ekintzen bidez eta nazioarteko laguntzari esker, mundu osoan garapen jasangarri bat lortzeko laguntza bezala.

2007an, mundu osoko 154 estatu batu ziren aipaturiko akordio honetara, 1401 hezegune babestuz, 146,4 milioi hektareako hedadura osoarekin, Ramsarko Nazioarteko Garrantzidun Hezeguneen zerrendan sartuak izateko izendatuak. Hiru urtetik behin, herrialde kideak, aurrerapenak ebaluatzeko eta ezagutzak eta esperientziak banatzeko biltzen dira.

Nazioarteko garrantzidun hezeguneen Ramsar zerrendan, 2000. urtean 1.200 toki zeuden (Ramsar tokiak), guztien artean, 1.119.000 kilometro karratuko hedadura hartzen zutelarik. Mota hauetako toki gehien zituen herrialdea, Erresuma Batua da, 169rekin; zerrendaturiko hezeguneen hedadurarik handiena hartzen zuen herrialdea, Kanada zen, 130.000 kilometro karratu baino gehiagorekin, Maud Erreginaren Golkoa barne, 62.800 kilometro karraturekin. 2014. urtearen amaieran, aldiz, 2.181 toki zeuden, 208.545.384 ha., 168 estatuetan.

Hitzarmena sinatu duten herrialdeen zerrenda

AEB, Albania, Alemania, Aljeria, Argentina, Armenia, Australia, Austria, Azerbaijan, Bahamak, Bahrein, Bangladesh, Bielorrusia, Belgika, Belize, Benin, Boli Kosta, Bolivia, Bosnia-Herzegovina, Botswana, Brasil, Bulgaria, Burkina Faso, Burundi, Costa Rica, Dominikar Errepublika, Kanputxea, Kanada, Kolonbia, Komoreak, Kroazia, Kuba, Danimarka, Djibuti, Ekuador, Egipto, Ekuatore Ginea, El Salvador, Erresuma Batua, Errumania, Errusia, Eslovakia, Eslovenia, Espainia, Estonia, Filipinak, Finlandia, Frantzia, Gabon, Gambia, Georgia, Ghana, Grezia, Guatemala, Ginea, Ginea-Bissau, Hegoafrika, Herbehereak, Honduras, Hungaria, Islandia, India, Indonesia, Iran, Irlanda, Italia, Jamaika, Japonia, Jordania, Kenya, Kirgizistan, Kongoko Errepublika Demokratikoa, Letonia, Libano, Liberia, Libia, Liechtenstein, Lituania, Luxenburgo, Madagaskar, Malawi, Malasia, Mali, Malta, Maroko, Mauritania, Maurizio, Mexiko, Moldavia, Monako, Mongolia, Namibia, Nepal, Nikaragua, Niger, Nigeria, Norvegia, Pakistan, Palau, Panama, Papua Ginea Berria, Paraguai, Peru, Polonia, Portugal, Santa Luzia, Senegal, Serbia eta Montenegro, SESB, Sierra Leona, Siria, Sri Lanka, Suedia, Suitza, Surinam, Tadjikistan, Tanzania, Thailandia, Togo, Trinidad eta Tobago, Tunisia, Turkia, Txad, Txile, Txina, Uganda, Ukraina, Uruguai, Uzbekistan, Venezuela, Vietnam, Zambia.

Ramsarko hitzarmenaz babestutako tokiak Euskal Herrian

Zortzi dira:

1. Mundaka-Gernikako itsasadarra, Urdaibai (1992an izendatua)
2. Guardiako zingirak (1994)
3. Arreo-Caicedo Yusoko aintzira eta Añanako Gatz Harana (1994)
4. Las Cañas aintzira (1996)
5. Pitillasko aintzira (1996)
6. Txingudiko badia (2002)
7. Salburuko hezegunea (2002)
8. Ulibarri-Ganboako urtegiaren atzealdekoa (2009)

Ramsarko hitzarmenaz babestutako tokiak Espainian

Espainian, Ramsarko hitzarmenaren babesa duten tokiak, orotara, 73 dira. Guztien artean, 296.572 hektarea dituzte (2011ko ekainan).

Kanpo estekak

• (Gaztelaniaz) Webgune ofiziala
• (Gaztelaniaz) Zerrenda osoa
• Euskal Autonomia Erkidegoko Ramsar hezeguneei buruzko informazioa: Ramsar nazioarteko garrantziko hezeguneak Ingurumena.ejgv.euskadi.net

• Datuak: Q170170
• Multimedia: Ramsar Convention / Q170170