Kitina

Wikipedia, Entziklopedia askea
Jump to navigation Jump to search
Kitina
Identifikadoreak
CAS zenbakia 1398-61-4 YesY
PubChem 6857375
Kontrakoa esaten ez bada, emandako datuak baldintza normaletan (25 °C, 100 kPa) hartuak dira.
Erreferentziak

Kitina onddoen zelula horman eta artropodo batzuen kanpo-eskeletoan dagoen polisakaridoa da[1]. Zelulosaren ondoren naturan dagoen polimero ugariena da.

Etimologia eta historia[aldatu | aldatu iturburu kodea]

Kitina frantsesezko chitine hitzetik dato eta hau grekerazko χιτών izenetik. "Estalkia" edo "oskola" esan nahi du. Kitinaren egitura Albert Hofmann suitzarrak zehaztu zuen 1929 urtean.

Egitura[aldatu | aldatu iturburu kodea]

N-Azetilglukosaminaz osaturiko homopolisakaridoa da (zehazki, N-azetil-D glukosa-2 amina). Monomero horiek β(1→4) loturen bidez elkarturik daude (glukosa molekulek zelulosa osatzen duten modu berean)[2]. N-Azetilglukosaminaren disakaridoa kitobiosa da, eta hau ere har daiteke kitinaren monomero gisa.

Txitxarra larba garaian izan zuen kitinazko exoeskeletutik ateratzen.

α-kitina eta β-kitina existitzen dira. Naturan α-kitina da ohikoena, artropodo eta onddoen kutikuletan agertzen aita. β-kitina txibietan baino ez da aurkitu.

Kitina ez da uretan eta disolbatzaile organikoetan disolbatzen. Azido inorganikoetan (klorhidriko, sulfuriko...), baina, disolbagarria da, azetilo taldea galtzean kitosanoa bihurtzen baita.

Erabilerak[aldatu | aldatu iturburu kodea]

Karramarroen kanpo-eskeletotik erauzi ohi da, azidoak erabiliz. Aplikazio anitzak ditu: eragile malutatzaile gisa uren tratamenduan, lodigarri moduan elikagai-industrian, industria farmazeutikoan, etab.

Erreferentziak[aldatu | aldatu iturburu kodea]

  1.   McGavin, George C. Insectos arañas y otros artrópodos terrestres Barcelona Omega . orrialdea ISBN 84-282-1201-5 .
  2.   Hainbat autore Biología molecular de la célula Barcelona: Omega ISBN 978-84-282-1351-6 .
Wikimedia Commonsen badira fitxategi gehiago, gai hau dutenak: Kitina Aldatu lotura Wikidatan