Glukolipido

Wikipedia, Entziklopedia askea
Jump to navigation Jump to search

Glukolipidoak edo glikolipidoak gluzidoak dituzten lipido saponifikagarriak dira.

Egitura[aldatu | aldatu iturburu kodea]

Osaketa berezia dute, izan ere glizerinaren ordez esfingosina izeneko molekula luzea baitute eta honi monosakaridoak eta gantz azido bat gehitzen zaizkio. Antza handia dute esfingolipidoekin, baina glikolipidoak era autonomoan sailkatzen dira, gluzidoak dituztelako haien molekuletan (esfingolipidoek ez). Hauek dira beraz osagaiak:

Garrantzi biologikoa[aldatu | aldatu iturburu kodea]

Molekula anfipatikoak dira, zati polar bat (gluzidoa) eta zati apolarra (lipidoa) dutelako. Fosfolipidoen antzeko ezaugarria da hau. Horregatik, haiek bezala, zelula mintzen osagaiak dira. Neuronetan dira bereziki ugariak.

Motak[aldatu | aldatu iturburu kodea]

Hiru dira glukolipido garrantzitsuenak:

  • Zerebrosidoak: galaktosa edo glukosa izan ohi dute. Mielinazko zorroetan eta garuneko neuronetan daude.
  • Gangliosidoak: oligosakarido bat dute gluzido moduan eta honi azido sialikoa gehitzen zaio. Nerbio-sistema zentraleko neuronetan pilatzen dira, batez ere nerbio-bukaeretan.
  • Globosidoak: glukosa, galaktosa eta N-Azetilgalaktosaminaz osaturiko oligosakaridoa dute. Mintzeko errekonozimenduan hartzen dute parte.

Hauetaz gain bakterio Gram negatiboetan azaltzen diren lipopolisakaridoak daude, baina erabat bestelako egitura dute.