Real Sociedad

Wikipedia(e)tik

Real Sociedad de Fútbol

Ezizena(k)	Txuri-urdin
Hiria	Donostia (Gipuzkoa)
Sorrera	1909
Futbol Zelaia Izena Irekiera Edukiera	Anoeta 1993 32.000
Presidentea	Iñaki Badiola
Entrenatzailea	Juan Manuel Lillo
Liga	BBVA Liga
2006-07	La Liga, 19.
Kolore arruntak 　 Bigarren koloreak
www.realsociedad.com

Real Sociedad de Fútbol (euskaraz, Reala eta Erreala izenez ezaguna) Donostiako eta Gipuzkoako futbol talde nagusia da. Gaur egun bigarren mailako taldea da, 40 denboraldiz jarraian (1967 eta 2007 bitartean) lehenengo mailan jardun ondoren.

Eduki-taula 1 Historia 2 Ekipamendua 3 Ereserkia 4 2007/2008 denboraldiko taldea 5 Futbol zelaia 6 Irabazitako txapelketak 6.1 Espainiako txapelketak 6.2 Beste batzuk 7 Markarik onenak 8 Taldetik pasatako jokalariak 9 Entrenatzaile onenak 10 Beste Sekzioak 11 Ikus, gainera 12 Kanpo loturak

Historia

 Sakontzeko, irakurri: Errealaren historia

• 1909an, "Club Ciclista de San Sebastián" izenarekin, Espainiako Txapelketa lortu zuen, Español de Madrid taldeari 3 eta 1 irabazita. Irailaren 7an jaio zen ofizialki, Adolfo Saenz presidente zela.

• 1910eko otsailaren 11n, Alfonso XIII.a Espainiako erregeak Errege titulua eman zion taldeari, "Real Sociedad" bihurtuz.

• 1913ko urriaren 5ean Atotxa estadioa inauguratu zuten, 80 urtez Errealaren zelaia izango zena.

• 1918ko apirilaren 25ean Gipuzkoako Federazioa sortu zuten, presidentea Salvador Diaz Iraola zela (Benito Diaz ospetsuaren anaia zena).

• 1923an Lippo Hertzka hungariarra hasi zen taldea entrenatzaile, modu profesionalean aritu zen lehena. Urte bereko martxoaren 18an Realak 2 eta 1 irabazi zion Irungo Real Union-i San Mames-en, Gipuzkoako Txapelketa erdietsiz. 1924-25, 1926-27 eta 1928-29 denboraldietan ere nagusitu zen Reala txapelketa hartan.

• 1928an galdu zuen Espainiako Txapelketaren finala, Santander-ren, FC Barcelonaren aurka.

• 1929an amaitu zen lehenengo Espainiako Liga, Reala laugarren postuan gelditu zela. Liga hartako golegile nagusia ("pichichi"), Paco Bienzobas jokalari txuri-urdina izan zen.

• 1931ko ekainaren 27an, Espainiako II. Errepublika garaian, "Donostia F.C." izena hartu zuen klubak. Erregearen koroaren ordez, Donostiako ezkutua paratu zuen.

• 1935ean lehenengo aldiz bigarren mailara jaitsi ziren.

• 1936an, Espainiako Gerra Zibila zela-eta, Liga bertan behera gelditu zen.

• 1941eko urtarrilaren 8an, Realak (ordurako "Real Sociedad" izena berreskuratuta) inoiz partida batean sartu duen gol kopuru handiena lortu zuen, Valladoliden kontra 14 eta 2 irabaziz. Urte hartatik 1948 arte jaitsi eta igo ibili zen Lehen eta Bigarren mailen artean.

• 1946-47 denboraldian Benito Diaz entrenatzaileak "WM" sistema ingelesa lehenengo aldiz erabili zuen, Espainiako Ligan ezagutu gabekoa zena.

• 1951ko maiatzaren 27an Kopako txapeldunorde gelditu ziren, finalean FC Barcelonaren aurka galduta (3 eta 0). Urte haietan Ligako Lehenengo Mailan sendotu zen taldea.

• 1957an San Sebastián C.F. taldea sortu zuten, aurrerantzean "Sanse" izenaz ezaguna izan dena, bigarren talde gisan. Helburua, lehenengo talderako jokalariak lantzea.

• 1961-62 denboraldian jaitsi zen berriro, eta azkeneko aldiz, Bigarren Mailara. Bost urte igaro zituzten bertan.

• 1967ko apirilaren 23an lortu zuten, azkenean, Maila nagusirako igoera, Andoni Elizondo entrenatzailea zela. Handik aurrera taldea maila honetan sendotu zen, 2007an berriz bigarren mailara jaitsi arte.

• 1974ko azaroaren 18an Europako txapelketa batean lehenengo aldiz jokatu zuten, Atotxan eta Banik Ostrava talde txekiarraren kontra (0 eta 1 galdu zuten).

• 1979-80 denboraldian Errealak, Alberto Ormaetxea entrenatzaile zuela, partidarik galdu gabeko errekorra lortu zuen Ligan: 32 norgehiagokoa hain zuzen ere. Hala ere, hurrengo urte arte itxaron behar izan zuten lehenengo Liga txapelketa eskuratzeko. Urte hartan, aldiz, Europako lehendabiziko garaipena erdietsi zuten, Milango Inter-ren aurka (2 eta 0).

• 1981eko apirilaren 26an, Gijon-en, Ligako txapeldun izaten lortu zuten historian lehenengo aldiz, Sporting-en aurka berdindu ostean, Zamorak azken minutuan lortutako gol mitikoari esker. Taldean historiako jokalaririk garrantzitsuenetarikoak zebiltzan urte haietan: Arconada, Zamora, Lopez Ufarte eta Satrustegui tartean.

• 1982an bigarren Liga txapelketa eskuratu zuen taldeak, aurreko urtean lortutako arrakasta berrituz.

• 1982-83an Superkopa irabazi zuen, Real Madrid finalean gainditu ondoren (4-1). Urte hartan ere, Europako Kopan, final-erdietara iritsi zen taldea, inoizko urrunen. Alemaniako Hanburg-en aurka galdu zuten final handira sartzeko aukera.

• 1987an Errege Kopa lortu zuten Zaragozan, Atlético de Madrid partida ondoko (2-2) penaltien bidez garaitu ondoren. J. B. Toshack-en urte arrakastatsuak ziren hau eta ondokoak, Bakero, Begiristain edo López Rekarte jokalariak tartean zeudela.

• 1988an Errege Koparen finalera ailegatu ziren bigarren aldiz jarraian. Oraingo honetan FC Barcelonak (hirugarren aldiz txuri-urdinen historian) eragotzi zien trofeoa lortzea. Bestalde, Ligan ere azpitxapeldun gelditu ziren.

• 1989an UEFA-ko final-laurdenetaraino iritsi ziren, inoizko urrutien. Alemaniako beste talde batek, Stuttgart-ek oraingoan, blokeatu zieten aurrerako bidea.

• 2003an, aurreko urteetan Bigarren Mailara ez jaisteko lanak eduki ondoren, denboraldi bikaina burutu zuten eta Liga txapeldunorde izan ziren azkenean, Real Madrid-en atzetik. Denoueix zen orduko entrenatzailea, eta aipatzeko jokalarien artean Xabi Alonso, De Pedro, Kovacevic eta Nihat zeuden.

• 2004an, urte asko ondoren Champions Leaguean estreinatzen dira. Lehenengo fasea pasa ondoren(Olinpiacos,Galatasaray eta Juventus), hurrengo fasean Lyonen kontra galduko dute. Eta ligan gorriak pasako dituzte. Championseko alineazioa hauxe zen: Westerveld; Aranzabal, Schurrer, Kvarme, Rekarte; De Pedro, Xabi Alonso, Alkiza (edo Aranburu), Karpin; Nihat eta Kovacevic.

• 2006an, errealak aldaketa ugari jasan ditu. Hasteko 5 fitxaje berri egon dira, Gerardo, Malagako lateral ezkerra, Bravo, Colo Colo taldetik etorritako atezain gaztea, Diego Rivas, Getafeko erdilaria, Fabio Felicio erdilari portugaldarra eta Juanito, Alaveseko atzelaria. Gainera Gabilondo, Boris eta Barkero taldetik joan dira.

• 2007ko ekainaren 17an, 40 urtez lehenengo mailan aritu ondoren, bigarren mailara jaitsi zen taldea.

Ekipamendua

• Lehen ekipamendua: Taldea sortu zenetik jantzi berbera eraman du taldeak: kamiseta txuri-urdina eta galtza zuriak. Aldatu den gauza bakarra galtzerdiak izan dira; batzutan txuri-urdinak izan dira, eta beste batzutan guztiz urdinak.
• Bigarren ekipamendua: Taldeak behin baino gehiagotan aldatu du bere bigarren jantzia. Normalean guztiz urdina izan da, goitik behera, baina gorria, berdea eta zuria ere jantzi izan ditu. 2006/2007 denboraldian lerro horizontal beltz eta urdinez osatutako kamiseta jantzi zuen, galtza beltzak eta galtzeri urdin-beltzak zituela.

Ereserkia

1970eko hamarkadan Ricardo Sabadiek konposatua.

Txuri-urdin

Txuri-urdin maitea

Txurri-urdin

Txuri-urdin Aurrera

Beti, Beti maite

maite, maitea

Donostia, donostiarra

(bis)

Aurrera mutilak!

Aurrera Gipuzkoa!

Aurrera txuri-urdinak!

(bis)

Gazte, gazte, gazte,

gazte, gaztedi,

Gaztedi aupa!

Aupa mutilak!

Gazte, gazte, gazte,

gazte, gaztedi,

Gaztedi txuri-urdinak!

(bis)

2007/2008 denboraldiko taldea

Zbk. Postua Jokalaria 1 ATE Asier Riesgo 2 ATZ Xabier Castillo 3 ATZ Mikel Gonzalez 4 ERD Gorka Elustondo 5 ERD Markel Bergara 6 ATZ Mikel Labaka 7 AUR Gari Uranga 8 ERD Gaizka Garitano 9 AUR Andrija Delibasic 10 ERD Alvaro Novo 11 ERD Mikel Aranburu 12 AUR Morten Skoubo 14 ERD Pep Martí 15 ATZ Ion Ansotegi 16 ERD David Vaughan

Zbk. Postua Jokalaria 17 ATZ Gerardo Garcia 18 ATZ Víctor López 19 ATZ Gorka Larrea 20 ATZ Carlos Martinez 21 ERD Dalibor Stevanovic 22 ERD Dani Estrada 23 AUR Iñigo Diaz de Cerio 24 ERD Xabi Prieto 25 ATE Claudio Bravo 26 ATZ Iñigo Sarasola 28 AUR Imanol Agirretxe 32 AUR Borja Viguera 42 ERD Fran Mérida

Futbol zelaia

Anoetako Futbol Zelaia 1993ko abuztuaren 13an inauguratu zuten. 32.000 pertsonarentzako tokia du. Zelaiak 105 m. luzeran eta 70 m. zabaleran ditu. Futbolerako erabiltzeaz gain, atlestismorako ere prestatuta dago.

Errealak partida ofizialak bertan jokatzen ditu, baina entrenatzeko Zubietako zelaiak erabiltzen ditu (Lasarte ondoan). Bertan, saskibaloi kokalekuak ere badaude, bai eta errehabilitaziorako eremua, proiekzio aretoak eta gimnasioa ere.

Irabazitako txapelketak

Espainiako txapelketak

• Espainiako Lehen Maila (2) :
  • 1981, 1982
  • Txapeldunorde 1980, 1988 eta 2003an.
• Errege Kopa (2) :
  • 1909, 1987
  • Txapeldunorde 1910 (Vasconia izenarekin), 1913, 1928, 1951 eta 1988an.
• Espainiako Superkopa (1) :
  • 1982

Beste batzuk

• Pitxitxiak (ligako golegilerik onenak):
  • Paco Bienzobas, 1929an.
• Zamora (gol gutxien jasotako atezainak):
  • Luis Miguel Arconada, 1980, 1981 eta 1982an.

Markarik onenak

• Partida gehien jokatutakoak
  • Alberto "Bixio" Gorriz: 461 partida
  • Juan Antonio Larrañaga: 460 partida
  • Jesus Mari Zamora: 455 partida

• Gol gehien sartutakoak
  • Jesus Mari Satrustegui: 133 gol
  • Roberto Lopez Ufarte: 101 gol
  • Darko Kovacevic: 92 gol

• Irabazirik handiena (lehen mailan)
  • 1933ko martxoaren 19an Racing de Santanderen aurka, 8-0.

• Porrotik handiena (lehen mailan)
  • 1967ko irailaren 16an Real Madrilen aurka, 9-1.

• Denbora gehien entrenatzaile bezala
  • John Benjamin Toshack: 322 partida
  • Alberto Ormaetxea: 238 partida
  • Andoni Elizondo: 169 partida

• Espainiako ligan jarraian galdu gabeko partiden errekorra: 38 partida (1978-79 denboraldiko 29. ihardunalditik 1979-80 denboraldiko 32. ihardunaldira bitartean).

• Partida ofizial batean lorturiko emaitzarik onena lortu zuen 1941ean: Real Sociedad 14 - Valladolid 2.

Taldetik pasatako jokalariak

Artikulu nagusia: Errealeko jokalarien zerrenda

• John Aldridge
• Periko Alonso
• Xabi Alonso
• Luis Miguel Arconada
• Mariano Arrate
• Jose Mari Bakero
• Txiki Begiristain
• Paco Bienzobas
• Gheorghe Craioveanu (Gica)
• Javier De Pedro
• Alberto Gorriz
• Meho Kodro
• Darko Kovacevic
• Roberto Lopez Ufarte
• Jesus Mari Satrustegui
• Jesus Mari Zamora
• Valery Karpin
• Nihat Kahveci
• Savio Bortolini

Entrenatzaile onenak

Artikulu nagusia: Errealeko entrenatzaileen zerrenda

Taldeko entrenatzaile garrantzitsuenen artean, hasierako urteetan Benito Diaz (1926-1930 eta 1942-1951) azpimarratzekoa da. 13 urtez Erreala zuzentzen egon zen, estatistika bikainarekin. Halaber, 1946an "WM" sistema lehen aldiz erabili zuen Espainiako Ligan.

Andoni Elizondo (1966-1970 eta 1974-1976) izan zen 1967an taldea Lehen mailara igo zuena, bigarren mailan 5 urtez egon ondoren. Denbora aurrera, Erreala mantenduko zen 40 urtez maila gorenean, Elizondok igo zuen urte hartatik 2007 arte.

Alberto Ormaetxeak 1978an hartu zuen taldea, eta zazpi urtez bertan lan egin zuen. Eibartarrak lortu ditu taldeko inoizko emaitzarik hoberenak, Espainiako Futbol Liga Txapelketa bi aldiz jarraian eskuratuz, 1981 eta 1982an. Halaber, 1983an Europako Kopan final-erdietara iritsi zen, nazioarteko txapelketa batean taldeak daukan markarik onena izanda.

John Benjamin Toshack galestarrak ordezkatu zuen aulkian, bertan zortzi urtez egonda, tarteka. Berarekin, 1987an Errege Kopa irabazi zuen, eta hurrengo urtean Liga eta Kopako txapeldunordea izan zen. 1989an UEFA Kopa-ko final-laurdenetaraino iritsi ziren txuri-urdinak berarekin.

Urte batuzk geroago, Raynald Denoueix frantziarrak kargua hartu zuen, 2002an. Ez zen taldera iritsi momentu errazetan, aurreko urteetan bigarren mailara jaisteko zorian egon baitzen, baina 2003an Ligan txapeldunordea izatea lortu zuen.

Azkenik, onenen artean ere, Rafael Iriondo eta Jose Antonio Irulegi baditugu.

Beste Sekzioak

• Emakumezkoen belar hockeya: 1932an sortua, sekzio hau izan da guztien artean arrakastatsuena historia osoan, nahiz eta hemen bazter batean agertu. 1992, 1996 eta 2000. urteetako Joko Olinpikoetan Errealeko hainbat jokalarik hartu zuten parte, eta Bartzelonako Olinpiadetan Urrezko Domina ere lortu zuten bost jokalarik Espainiako taldearekin.

Hiruna aldiz irabazi dituzte hala Liga txapelketa (1992/93, 1997/98 eta 1998/99an) nola Erreginaren Kopa (1986/87, 1993/94 eta 2001/02an). Aretoko hockeyan, aldiz, 4 aldiz izan dira txapeldunak (1976/77, 1980/81, 1991/92 eta 1997/98an).

Jokalari aipagarriak: Teresa Motos (Klubaren Urre eta Diamantezko Domina), Nagore Gabellanes, Maider Telleria, Silvia Manrique, Mª Carmen Barea, Arantza Urruzuno (Klubaren Urrezko domina), Mari Ayestaran (Klubaren Urrezko domina), Begoña Larzabal, Elena Urkizu eta Erdoitza Goikoetxea.

• Atletismoa: 1914tik dago martxan sekzioa. Aipatzeko atletak, historian zehar, ondokoak ditugu: Jose Luis Elosegi, Fernando Aguilar, Arantza Vega, Felix Mendizabal, Diego Ordoñez, Jose Luis Falcon, Ramon Cid, Juan Jose Prado eta Mikel Odriozola.

• Gizonezkoen belar hockeya: 1916 inguruan abiatua. Palmares oparoa dauka sekzioak, baina ez emakumezkoena bezain distiratsua: Gipuzkoako Txapelketa (1960/61, 1961/62, 1964, 1965, 1966/67, 1976/77, 1981/82, 1982/83, 1983/84 eta 1985/86), Euskal Kopa (1928, 1929/30), Errege Kopa (1919), Espainiako txapelketa (1929/30).

• Pilota: Besteak beste, Errealeko hurrengo pilotariek ospea lortu dute historian zehar: Jesus Gurrutxaga, Juan Cruz Artola, Lucio Unanue, Jose Eugenio Fernandez, Ramón Ezkurdia, Oscar Herrera eta Javier Letamendia.

• Urpeko jarduerak: 1968an abiatuak. "Itsaspeko Zinemaren Nazioarteko Zikloa" delako zinemaldia antolatzen dute urtero, Europa mailan ezaguna dena.

Ikus, gainera

• Errealeko presidenteen zerrenda
• Errealeko entrenatzaileen zerrenda

Kanpo loturak

• Errealaren webgune ofiziala