San Mames Barria
 |
Artikulu hau etorkizunean gerta litekeen gertakari bati buruzkoa da. Litekeena da orri honetako informazioa edozein unetan aldatzea, beraz. |
UEFA   |
|
| Lursail horretan ari dira estadio berria eraikitzen. | |
| Datuak | |
|---|---|
| Kokapena |  Bilbo, Bizkaia Euskal Herria  San Mames Barria
|
| Inaugurazioa | 2014 |
| Mota | Belarra |
| Edukiera | 53.000 ikusle |
| Neurriak | Jakiteke |
| Jabea | San Mames Barria S.L (Athletic Club, Eusko Jaurlaritza, Bizkaiko Foru Aldundia eta BBK) |
| Etxeko taldea | Bilboko Athletic Kluba |
San Mames Barria, E.M, (San Mames Berria euskara batuan), Bilboko Athletic Club taldearen San Mames zaharra ordezkatuko duen estadio berriaren eraikuntza kudeatuko duen elkartea da. Bilboko (Bizkaia, Euskal Herria) estadioa 2007ko martxoan aurkeztu zen, 2009ko amaiera eta 2010eko hasiera aldean bere eraikuntzari ekingo zaio;[1] 2014 urterako martxan egotea aurreikusten da.[2] Estadioaren zati bat xede honetarako eraitsi zen antzinako Erakustazokaren gainean eraikiko da.
Zelai berriak 53.000 eserleku, VIP 122 palko eta lurrazpiko 301 aparkaleku izango ditu, UEFAren Estadioetako Azpiegituren Erregulazioak eskatzen dituen baldintza guztiak betetzen ditu, hortaz bertan Txapeldunen Liga, Munduko Futbol Txapelketaren finalak eta beste hainbat nazioarteko ekitaldi ospatu ahal izango dira. Estadioaren kanpoko aldea metalezko egitura batek sostengatutako beirazko ezkatez osatua egongo da. Jatetxea, klubaren museo handia, txokoa, gimnasioa, palkoa, VIP guneak eta aparkalekua izango ditu. (Ikus estadio berriaren bideoa)
2010eko martxoaren 9an iragarri zenez, 2012-2013 denboraldi hastapenean hasiko litzateke Athletic estadio berrian jokatzen.[3]
Eduki-taula |
Eraikitzea [aldatu]
Eraikitze era [aldatu]
San Mamés Barria antzinako erakustazoka eta San Mames estadio zaharra zegoen lursailean eraikiko da, San Mames Barria estadioaren 3/4 eraikitzean San Mames zaharra eraitsi egingo da. Lehenbizi alboetako harmailak eta ondoetako harmaila bat jasoko dira. Behin hauek eraiki ostean, Athletic taldea bere zelai berrira lekualdatu eta alboetako harmaila bat oraindik amaitzeke izango delarik bertan jokatzen hasiko da. Ondoren, San Mames zaharra eraitsiko da (2013. urtean zehar, honela San Mames historikoak 100 urteko historia betetzea lortuko du). Behin hondakinak kendu eta gero, San Mames zaharreko antzinako tribuna nagusia zegoen lekuan azkeneko ondoko harmaila eraikiko da. Ondoko harmaila hori eraiki ondoren, estadioa erabat amaituta egongo da (2014ko hasiera alderako aurreikusten da). Gainontzeko lursaila EHUren zenbait eraikin altxatzeko berrerabiliko da.
2009ko urriaren 19an Jose Luis Bilbao Bizkaiko ahaldun nagusiak jakinarazi zuenez,[4] 2010eko udaberrian San Mames berriaren lehen harria jarriko da, eraikinak 160 milioi euroko aurrekontua izango du eta 2015ean amaitzea aurreikusten dute. Guztira 53.000 lagunentzat lekua izango du San Mames berriak.
- Oharra: Eraikitze era hau 2007an aurkeztutako lehenbiziko proiektu ofizialari dagokio, halere 2009/10eko Espainiako Futbol Ligan zehar aurkeztutako behin-behineko proiektuarekin parekatuz gero aldaketa batzuk izan litzake.
Proiektuaren bilakaera [aldatu]
| Proiektua | Urtea | Estadioaren edukiera | Kostua | Zehaztapenak |
|---|---|---|---|---|
| Hasierako proiektua | 2007 | 55.000 | 200.000.000€ | Estadioa Allianz Arenan oinarritua legoke eta 3 harmaila, gaueko argiztapena eta bertako taldeak gola sartzen duen aldietarako argi dirdiragarriak lituzke. |
| Hobetutako proiektua | 2008 | 58.000 | 240.000.000€ | Estadioak bere edukiera 3.000 eserlekutan gehituko luke. |
| Behin betiko proiektua | 2009 | 53.100 | 211.000.000€ | Krisia eta aurrekontu arazoen ondorioz estadioko kostuaren murrizketa burutu zen, beste gauzen artean, hirugarren harmaila eta gaueko argiztapena sakrifikatuz. |
Finantzaketa [aldatu]
Estadioaren eraikuntzaren finantzaketa San Mames Berria S.L.-k burutu du. Elkartea 5 bazkideek osatzen dute eta bakoitzak ondorengo diru-kopurua eman du:
| Bazkidea | Emandako dirua |
|---|---|
| Athletic Cluba | 50.000.000 € |
| Eusko Jaurlaritza | 50.000.000 € |
| Bizkaiko Foru Aldundia | 50.000.000 € |
| BBK | 50.000.000 € |
| Bilboko Udala | 12.000.000 € |
Erreferentziak [aldatu]
- ↑ San Mames Barriaren eraikuntzari 2010an hasiera emango zaio. EITBko bideoa.
- ↑ http://www.athletic-club.net/pdfsrevista/191.pdf
- ↑ http://www.berria.info/albisteak/39733/San_Mames_berriaren_lanak_aste_gutxi_batzuk_barru_hasiko_dituztela_dio_Athleticeko_presidenteak.htm "Epeak beteko balira, 2012-2013 denboraldi hasierarako taldeak estadio berrian jokatuko lukeela uste du Makuak... Estadio inguruko lanak, berriz, 2013-2014 sasoian amaituko lituzkete". Berria egunkaria, 2010eko martxoaren 9a.
- ↑ Datorren udaberrian San Mames berriaren lehen harria jarriko dute. Berria.info. 2009-10-19.
