Añanako kuadrilla

Añanako kuadrilla
Euskal Herria
Bergantzu.
Administrazioa
Herrialdea	Araba
Udalerriak	10
Eskualdeburua	Erriberabeitia
Herri handiena	Iruña Oka
Izen ofiziala
Presidentea	Rubén Torremocha Galán (EAJ)
Geografia
Koordenatuak	42°46′17″N 2°55′08″W
Azalera	698,72 km²
Demografia
Dentsitatea	ERROREA: ezin izan da automatikoki kalkulatu, arazoa konpontzeko egin klik hemen biztanle/km²

Añanako kuadrilla Araba osatzen duten zazpi kuadrilla edo eskualde administratiboetako bat da, probintziako hegomendebaldean kokatuta dagoena. Ebro ibaiaren inguruko zenbait haranek osatua da, eta "Arabako Ibarrak" izena ere hartzen du. Eskualdeko administrazio erakundeak Ribabellosan (Erriberabeitia) daude, nahiz eta biztanle gehien dituen udalerria Iruña Oka den.

Añanako kuadrilla 1840. urtean sortu zen. Garai hartararte, kuadrillako udalerriak Gasteizko kuadrillan barna zeuden. Gaur egun, oso gutxi populatutako eskualdea da, 700 km2 inguruko azalera batean 8.700 biztanle inguru bizi direlarik (12,49 biz/km²).

Mugakideak

Iparraldean Aiarako kuadrilla eta Zuia-Gorbeialdea, hegoalde eta mendebaldean Burgosko probintzia (Espainia) eta ekialdean Gasteizko kuadrilla, Trebiñuko Konderria eta Urizaharra eta Bastidako udalerriak mugakide ditu.

Udalerrien eta kontzejuen xehetasunak

Hamar udalerri biltzen ditu kuadrillak:

10 udalerri hauetan 113 herri kokatzen dira eta hauetatik herri bakarrak du 1.000 biztanle baino gehiago.

#	Udalerria	Kontzejuak	Alkatea	Alderdi politikoa	Biztanleria (2016)	Biztanleriaren  %-a	Azalera (km²)
1	Añana	Atiaga Gesaltza Añana	Juan Carlos Medina Martinez	Euzko Alderdi Jeltzalea	159	%1,79	21,92
2	Armiñon	Armiñon Estavillo Lacorzana	Juan Muñoz Bartolome	Euzko Alderdi Jeltzalea	234	%2,65	10,57
3	Berantevilla	Berantevilla Escanzana Lacervilla Lacorzanilla Mijancas Santa Cruz del Fierro Santurde Tobera	Isabel Arbaizagoitia Peral	Euzko Alderdi Jeltzalea	449	%5,06	35,73
4	Erriberabeitia	Igaegi Melledes Quintanilla de la Ribera Rivaguda Ribabellosa Manzanos	Amado Martinez de Iturrate Kuartango	Ribera Baja Bizirik	1.353	%15,25	27,74
5	Erriberagoitia	Antezana Anuzita Arbigano Arreo Artatza-Axkoeta Barron Basquiñuelas Biloria Caicedo-Sopeña Castillo-Sopeña Hereña Lasierra Leziñana Oka Mimbredo Morillas Nuvilla Ormijana Padul Pobes San Miguel Subilla Morillas Tuyo Villabezana Villaluenga Villambrosa	Javier Gallego Rodriguez	Euzko Alderdi Jeltzalea	745	%8,39	119,78
6	Gaubea	Astulez Acebedo Bachicabo Barrio Basabe Boveda Corro Espejo Fresneda Uribarri Gaubea Ginea Gurendes Karanka Karkamu Mioma Nograro Osma Pinedo Quejo Kintanilla Tobillas Tuesta Valderejo Valluerca Villamaderne Villanañe	Gorka Salazar Senso	Euzko Alderdi Jeltzalea	1.015	%11,43	244,06
7	Iruña Oka	Billoda Langraiz Oka Mandaita Olabarri Tresponde	Migel Angel Montes Sanchez	Euskadiko Alderdi Sozialista - Euskadiko Ezkerra	3.270	%36,83	53,25
8	Kuartango	Anda Andagoia Aprikano Artxua Arriano Etxabarri Gilarte Inurrieta Jokano Katadiano Luna Marinda Santa Eulalia/Ondokolanda Sendadiano Tortura Urbina Basabe Urbina Eza Uribarri Villamanca Zuhatzu Kuartango	Miren Meabe Carro	Euzko Alderdi Jeltzalea	368	4,1	84,39
9	Lantaron	Alcedo Bergonda Caicedo Yuso Fontecha Komunioi Larrazubi Leziñana Molinilla Salcedo Sobrón Turiso Zubillaga	Jesús Barredo Arana	Euzko Alderdi Jeltzalea	888	%10	61,77
10	Zanbrana	Bergantzu Ozio Zabalate Zanbrana	Aitor Abecia Jiménez	Independentea	398	%4,48	39,51
	Añanako kuadrilla				8.879 bizt	100	698,72

Inguru naturala

Valderejoko natura parkea eskualde honetan kokatuta dago eta zonalde honetako ondare natural ikusgarria da, Vallegrull mendia (1.226 m) tontor nagusia duelarik.

Kultura

Ondarea

Erromatar Inperioaren sasoiko Iruña-Veleiako aztarnategia nabarmentzekoa da, Iruña Oka udalerrian kokatutakoa. Bertan euskarazko idazkunak topatu zituztela iragarri zuten, inoizko zaharrenak izango zirenak, baina aditu batzorde batek faltsutzat hartu zituzten azkenean 2008an.

Ondare erromanikoa azpimarratzekoa da, eliza hauek eskualdean daudelarik: Tuestako Jasokundearen Andra Marirena, Karkamoko San Joanena eta Toberako Andra Marirena.

Euskara

Euskal Herriko eskualderik erdaldunetarikoa dugu Añanakoa, izan ere euskara desagertu zen XVI. mendean edo toki batzuetan lehenago.

Hala ere, 1995ean antolatu zuten lehenenengo aldiz "Euskara Añanan" izeneko festa eta aldarrikatzeko eguna, eta urtero udalerri bat jardunaldi honetaz arduratzen da. Ikastolarik eza eta biztanleen zahartzea bi oztopo nagusien artean daude eskualdean euskal hiztunak irabazi eta pizteko, antolatzaileen iritziz.

Kanpo estekak

• (Gaztelaniaz)Añanako koadrilaren webgunea

• Datuak: Q281999
• Multimedia: Kuadrilla of Añana / Q281999