Kanada
Kanada Ipar Amerika iparraldea hartzen duen estatua da, luze-zabaleran munduko bigarrena. Goiburu nazionalak dioen bezala, A mari usque ad mare (Itsasotik itsasora) doan herrialdea da, hau da, Ozeano Atlantikotik Ozeano Barera.
Hiriburua Ottawa da eta lurreko muga politikoak Ameriketako Estatu Batuekin bakarrik ditu.
Kanada izena San Laurendi inguruan hitz egiten zen irokes hizkuntzako Kanata hitzetik dator: herrixka baino ez zuen esan nahi, baina XVI. mendean Jacques Cartier frantziarra heldu zenean, gaur egungo Quebec Hiriaren ondoan zegoen Stadacona herrixka ez ezik, bere inguruko eremua izendatzeko ere erabili zuen.
Historia
Historialarien arabera, egungo Kanadako lehen biztanleak orain dela 26.500 urte heldu ziren Yukon lurraldera (Kanada iparraldean, Alaskarekin mugan. Ontario hegoaldean, aldiz, orain dela 9.500 urteko aztarnak aurkitu dituzte. Bikingoak K.o. 1000 urtearen inguruan iritsi ziren, Groenlandiatik abiatutako espedizio batean. Ternua uhartera iritsi eta ziren Leifbundir kolonia sortu zuten bertan.
1497an Giovani Caboto marinel italiarra Kanadako kostalde atlantikora iritsi zen eta Ingalaterrarentzat hartu zuen Ternua. 1534an, Jacques Cartierrek Frantziaren izenean San Lorentzo badia kokistatu zuen. Frantziak Quebec, Montreal eta Frantzia Berria koloniak sortu zituen. Kanadako baliabide naturalen inguruko gatazka ugari egon ziren ingelesen, frantziarren, nederlandarren eta bertako indigenen artean. 1713an Utrechteko Ituna izenpetu zen, eta Ternua eta Hudsoneko badia ingelesen esku getatu ziren.
1744an Britainia Handiak Luisburgo inbaditu zuenean, Zazpi Urteko Gerrari hasiera eman zion: 1763an, Frantzia Berria eta Quebec bereganatu zituzten. 1867an Iparramerikako Akta Britainiarrak Kanadako Domeinua sortu zuen, Ontario, Quebec, Eskozia Berria eta Brunswick Berria barne hartuz. Geroago, Kolunbia Britaniarra eta Eduardo Printzearen Uhartea ere Domeinu horretan sartu ziren. Britainiar koroaren menpeko lurraldea bihurtu zen, gobernu parlamentario federal batekin. 1931tik aurrera, Erresuma Batuko monarkak Kanadako estatuburua izaten segitzen duen arren, Britainia Handiko parlamentuak ez du inolako eskumenik Kanadako politikan.
Geografia
Kanada bost eskualde geografiko handitan bana daiteke: Kanadar ezkutua, Apalatxe mendiak, Aintzira Handien eta San Laurendi ibaiaren arroa, Erdialdeko Zabaldiak eta Kostaldeko mendiak.
Iparraldeko kostak sartu-irten eta uharte ugari ditu, hedadura handikoak, hala nola Baffin, Victoria, Ellesmere eta Banks. Ternua ekialdeko kostan dago, Atlantikoan, eta Vancouver uhartea mendebaldean, Ozeano Barean. Horri buruz paralelo doaz Mendi Harritsuak, gailur garaiena Logan mendia duela (6.050 m), Alaskarekin mugan.
Ibai nagusiak Mackenzie eta San Laurendi dira. Ameriketako Estatu Batuekin mugan ditu bost Aintzira Handietatik lau: Superior, Huron, Erie eta Ontario.
Banaketa administratiboa
Probintziak eta lurraldeak
Kanada hamar probintziatan eta hiru lurraldetan banatuta dago. Lurraldeekin alderatuta, probintziek autonomia zabalagoa dute. Hala ere, hamahiruek dute ganbera legegilea. Hamar probintziak hauek dira:
- Alberta
- Columbia Britainiarra
- Saskatchewan
- Manitoba
- Ontario
- Quebec
- Brunswick Berria
- Eduardo Printzearen Uhartea
- Ternua eta Labrador
- Eskozia Berria
Hiru lurraldeak hauek dira:
Metropoli-gune nagusiak
- Toronto (Ontario): 5.304.600 biztanle (2005).
- Montreal (Quebec): 3.635.842 biztanle.
- Vancouver (Columbia Britainiarra): 2.208.300 biztanle.
- Ottawa (Ontario): 1.148.800 biztanle.
- Calgary (Alberta): 1.060.300 biztanle.
Azpiegiturak
Aireportuak
Ikus jatorrizko Wikidatako eskaera eta iturriak.
Kultura
hizkuntza_ofizialak
Ingelesa hizkuntza nagusia da, frantsesarekin batera (Quebecen, frantsesa mintzaira ofizial bakarra da). Herrialdea ofizialki elebiduna da, frantses hiztunak ekialdean (Quebecen, Eduardo Printzearen Uhartean eta Ontarion) eta Albertan bereziki badira ere.
Bestela, iparraldean inuktituterazko hiztunak bizi dira, Yukon, Ipar-Mendebaldeko Lurraldeetan, Nunavut, Quebec eta Ternua eta Labradorgo iparraldean hain zuzen ere. Azkenik, Eskoziako gaeleratik eratorritako Kanadako gaelera oraindik hitz egiten dute Eskozia Berria, Eduardo Printzearen Uhartea eta Ternua eta Labradorreko biztanle batzuek.
Musika
- Folk musika:
- La Bottine Souriante taldea.
- Loreena McKennitt abeslaria.
Literatura
- Margaret Atwood (1939-), idazlea.
Kanpo loturak
Wikimedia Commonsen badira fitxategi gehiago, gai hau dutenak: Kanada |
- (Ingelesez)(Frantsesez) Kanadako gobernuaren webgunea
- Zazpiak Bat Vancouver Basque Club
- Euskaldunak, l'Association des Basques du Québec
- Hizkuntzen mapa- Kanada
Commonwealtheko estatu kideak | ||
---|---|---|
Antigua eta Barbuda • Australia • Bahamak • Bangladesh • Barbados • Belize • Botswana • Brunei • Dominika • Erresuma Batua • Fiji (baliogabetua) • Ghana • Grenada • Guyana • India • Jamaika • Kamerun • Kanada • Kenya • Kiribati • Lesotho • Malawi • Malaysia • Malta • Maurizio • Mozambike • Namibia • Nauru • Nigeria • Pakistan • Papua Ginea Berria • Ruanda • Saint Kitts eta Nevis • Santa Luzia • Saint Vincent eta Grenadinak • Samoa • Seychelleak • Sierra Leona • Singapur • Salomon Uharteak • Hegoafrika • Sri Lanka • Swazilandia • Tanzania • Tonga • Trinidad eta Tobago • Tuvalu • Uganda • Vanuatu • Zambia • Zeelanda Berria • Zipre |
Amerikako herrialde eta lurraldeak | |||
Ipar Amerika eta Karibea |
Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago
|
Hego Amerika |
Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguai • Peru • Surinam • Uruguai • Venezuela
|