Joan Mari Torrealdai

Wikipedia, Entziklopedia askea
Hona jauzi: nabigazioa, Bilatu
Joan Mari Torrealdai
Joan Mari Torrealdai.jpg
Bizitza
Jaiotza Forua1942ko azaroaren 24a (74 urte)
Herrialdea  Bizkaia, Euskal Herria
Hezkuntza
Heziketa Tolosako Institutu Katolikoa
Euskal Herriko Unibertsitatea
Pariseko Letren Fakultatea
Deustuko Unibertsitatea
Hizkuntzak euskara
gaztelania
Lanbidea
Lanbidea kazetaria, soziologoa, idazlea eta liburuzaina
Jasotako sariak
Kidetza Euskaltzaindia
Sinesmenak
Erlijio-ordena Anaia txikerren ordena

Joan Mari Torrealdai Nabea (Forua, Bizkaia, 1942ko azaroaren 24a - ) euskal idazle, euskaltzain, kazetari eta soziologoa da, frantziskotarra izandakoa.[1]

1977az geroztik landu duen lan bibliografikoak bi alor nagusi ditu:

  • Batetik, liburua bera gizarte adierazle gisa ulertuta liburugintzaren azterketa, Jakin aldizkariaren 30 zenbakitan emana, eta modu zabalagoan Euskal idazleak, gaur eta Euskal Kultura gaur. Liburuaren mundua liburuetan sakondua.
  • Eta, bestetik, liburuen katalogoa, fitxa bibliografikoz osatua. Euskal Liburuaren Behatokia sortzeko lanean dabil.

Euskaltzale sutsua da, eta behin baino gehiagotan salatu du diglosiak dakartzan kalteak:

« Euskal prentsa euskaraz dela aitortu, onartu eta laguntzen ez duen erdal prentsak diglosia finkarazten du. Aldizkarien euskal izenak eta tituluak ez daitezela inoren engainutarako izan.

Hona hemen euskal kazetaritzaren puntu larri batzuk. Aztertzeak merezi du, eta aurrez aurre ez ikusi nahia geure buruaren kaltetan da. Erdal eta euskal prentsaren arteko erlazio hau, euskal kazetaritzaren urtea amaitu orduko argitan jarri behar genukeen arazo bat da.

 »
Joan Mari Torrealdai[2]

Biografia[aldatu | aldatu iturburu kodea]

Soziologiako ikasketak egin zituen Parisko Unibertsitatean, eta teologiakoak Okzitaniako Tolosan. Soziologia eta Zientzia Politikoetan doktorea da Deustuko Unibertsitatean. Jakin aldizkaria zuzendu zuen 1964-1969 eta 1977-2002 bitartean. Euskal Idazleen Elkarteko idazkaria izan zen 1969tik 1977ra, eta Euskal Soziologoen Elkarteko idazkaria 1979tik 1980ra. Euskaldunon Egunkariaren Administrazio Kontseiluko kide izan zen egunkariaren sorreratik bertatik. Euskaltzain urgazlea da. Argitaratu dituen lanik ezagunenak dira: Iraultzaz (1973), Euskal idazleak gaur (1977), Euskal Telebista eta euskara (1985), XX. mendeko euskal liburuen katalogoa (1990-1992), Euskal kultura gaur (1997), El libro negro del euskara (1998), Martin Ugalde (1998), La censura de Franco y el tema vasco (1999), Artaziak. Euskal liburuak eta Francoren zentsura, 1936-1983 (2000). 2003an espetxean sartu zuten, Euskaldunon Egunkariako Administrazio Kontseiluko beste kideekin batera, egunkaria ETArekin harremanetan egotea leporatuta.

Kronologia[aldatu | aldatu iturburu kodea]

Lanak[aldatu | aldatu iturburu kodea]

Saiakera[aldatu | aldatu iturburu kodea]

Biografia[aldatu | aldatu iturburu kodea]

Bibliografia[aldatu | aldatu iturburu kodea]

Artikuluak aldizkari orokorretan[aldatu | aldatu iturburu kodea]

Sariak[aldatu | aldatu iturburu kodea]

Besteak beste, sari hauek jaso ditu:

  • Zilarrezko Euskadi Saria (1997), Euskal kultura gaur liburuari liburu dendariek emana, Donostian ospaturiko Liburu Eguneko Azokan liburu salduena izateagatik.
  • Zilarrezko Euskadi Saria (1998), El libro negro del euskera liburuari liburu dendariek emana, Donostian ospaturiko Liburu Eguneko Azokan liburu salduena izateagatik.
  • Ohorezko aipamena, XIX. Rikardo Arregi Kazetaritza Sarian (2007).
  • Lauaxeta Saria (2010), euskara eta euskal kultura sustatu, zabaldu eta normalizatzeko egindako lanagatik, Bizkaiko Foru Aldundiak emana.
  • Dabilen Elea saria (2011)

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Joan Mari Torrealdai Aldatu lotura Wikidatan