Erge

Wikipedia, Entziklopedia askea
Neste ibaia. Neste ibarrean Erge jainkoari eskainitako hiru inskripzioa agertu dira.

Erge akitanierazko izena zuen jainkoa izen zen. Piriniotako panteoiko jainkotzat klasifika daiteke eta gurtzza jaso zuen Akitanian erromatarren garaian eta agian lehenago ere bai.

Izenaren etimologia argitu gabe dago. Pirinio Garaiak departamenduko Montsérié herrian Erge jainkoari eskainitako santutegi garrantzitsu bat omen zen. Herri horretako mendi batean (Erge mendia, Marteau mendia, Marto mendia, Marto auzoa, cap del Martel auzoa edo Cap des Pènes) herri harresitu bat aurkitu zen eta barruan artefaktu arkeologiko ugari. Besteak beste, mailukaketaz landutako brontzezko mozorro bat topatu zuten, (akaso jainko baten irudia edo, botozko opari bat) eta Ergeri eskainitako esker oneko 12 aldare inguru. Haiekin batera beste aldare bat Marteri eskainita eta beste bat Jupiterri. Baina Leherenen kasuan ez bezala, aldaretan Marterekin lotuta agertzen dena, Erge izena sekula ez da erromatar Jainkoen izenenekin nahastu.

Orain arte 20 idazkun ezagutzen ditugu jainko honi eskainita: hamabi inskripzio inguru aurkitu dira Montsérién, bi Montéguten, hiru Hautageten eta beste hiru Neste haranean.

Erge jainkoari eskainitako aldaretxoa
Erge jainkoari eskainitako aldaretxoa.

Santutegiaren inguruan agertzen diren zenbait egiturek K.a.III. mendekoak ematen dute. Agertutako zenbait objektu, berriz, K.a. I. eta II. mendekoak dira.

Ergeren medipean dagoen haitzuloa
Ergeren medipean dagoen haitzuloa

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]