Karotenoide
Karotenoidea isoprenoideen taldeko pigmentu organikoen sailetako bat da, oso ugaria naturan. Karotenoideak hainbat koloretakoak dira (horia, laranja, gorria edo ubela)
Guztiz hedatuak daude landareen artean, algetan, zenbait onddotan eta bakterioetan. Animalietan ere agertzen dira, landareetatik hartzen baitituzte. 700 karotenoide ]deskribatu dira, gutxi gorabehera. Landareetako loreetan, fruituetan eta sustraietan aurkitzen dira; fotosintesian parte hartzen dute, eta lipodisolbagarriak dira. Animalietan egitura anitzen osagai izaten dira, eta egitura horien kolorea haiek emana izan ohi da, hala nola arrautzaren gorringoarena eta krustazeo askoren oskolena. Karotenoideetan bi sail nagusitan bereizten dira: karotenoak eta xantofilak (neguko hostoei eta artoari kolore horia ematen dietenak).
Erreferentziak[aldatu | aldatu iturburu kodea]
 |
Wikimedia Commonsen badira fitxategi gehiago, gai hau dutenak: Karotenoide  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
