Zerrenda:Dena da ETAren data aipagarri batzuk

Sakontzeko, irakurri: «Dena da ETA»

Behean daude idatzita Dena da ETAren data aipagarri batzukː

1996. PPk Espainiako hauteskundeak irabazi zituen

1996ko martxoan Espainiar Hauteskunde Orokorrak izan ziren. Alderdi Popularrak garaipena lortu zuen baina gehiengo absoluturik gabe.

1996ko apirila: Itoitzekiko Elkartasun Taldeak edo "Solidarioak" zeharka ETAren bortizkeriarekin harremana izan ahal zutela esan zuen César Milanok, Nafarroako Gobernuaren Ordezkariak. Besteak beste honen ondorioz, lau urteko kartzela zigorra jazo zuten Itoizen urtegiaren aurkako ekintza antolatu zutenak.

1997ko uztaila. Miguel Ángel Blanco Alderdi Popularraren zinegotziaren erailketa.

1997ko abendua. Herri Batasunako Mahai Nazionala gartzelera bidali zuen Baltasar Garzonek eta zazpi urteko gatzela zigorra jazo zuten. Arrazoiaː ETAk egin zuen "Alternatiba Demokratikoa"ren bideoa, HBren bere doako hauteskunde kanpainiarako zuen telebistako espazioan zabaltzea. Jauzi bat izan zen, baina Enrique Pamies Euskadiko Espainiako Polizia Nazionalaren iritzian poliziari balio izan zion, aurrera begira, erreakzioak neurtzeko. Zera idatzi zuen Enriquek 2021eanː «Operazio hura egin zenean, Xabier Arzalluzek, EAJren buruzagiak, esan zuen (atxiloketena) egia bazen, 'mendira jotzera behartuko gaituztela'. Kontua da ez zela ezer gertatu, lau manifestazioz harago. Gizartea ez zen mobilizatu, eta garrantzitsua izan zen hori frogatzea, terrorismoaren aurkako borrokaren ikuspegi berriarekin, argi zegoelako operazio sentsible gehiago egingo zirela».

1998ko uztailaren 15a Dena da ETAren lehenengo mugarria. Baltasar Garzon epaileak Egin eta Egin Irratia ixteko agindua eman zuen. Nahiz eta orduan esaldi hau ez erabili, Eginen itxiera Dena da ETAren lehenengo mugarria izango zen.

Egin Irratiaren poster bat. Egin eta Egin Irratiaren itxiera izan ziren Dena da ETAren lehenengo mugarria

• Irailaren 13an Lizarra-Garaziko akordioa hortik gutxira ETAren su-etena.

• Irailan, Euskal Herritarrok alderdia sortzen dute ezker abertzaleko hainbat pertsonek. Besteak beste, Herri Batasunaren ilegalizazioa aurreikusten zutelako. Ilegalizazioa aurreikusten dutenek, Jaime Mayor Oreja ilegalizazioaren sustatzaileen buru eta Garzón epailea ilegaziorako autoak egiten dituena dela ziurtatzen dute.

1999. Enrique Villarren iritziz, Eusko Jaurlaritzak, ETArekin kolaboratzen du. Enrique Villaren iritziz, Aitor eta Asier asko daude Kale Borrokaren ekintzen atzean.

• azaroa: ETAk su-etena bertan behera utzi zuen.

2000: Kale borroka ETAren estrategiarekin bat datorrela, hots, kale borroka egiten dutenak etakideak direla legeztatu zen. Adingabeen erantzukizun zibilen lege aldaketa, Zigor Kodeko 577. artikulua aldatuta.

Kale Borroka, (kasu honetan Getxoko batzoki baten aurkakoa) "ETAren ekintza" bihurtu zen 2000. urtetik aurrera. Sasoi hartan ohikoak ziren ezker abertzalearen ideologia zuten gazte antolatuak egindako bortizkeriazko ekintzak.

• Abuztuan, Jon Abril atxilotu zuten Audientzia Nazionalaren kanpoaldean, akreditazio gabe grabatzen ari zelako, ETArekin lotura zuelakoan. Aske utzi zuten, fidantza ordainduta.

2001: * Martxoa. Euskal Oiloaren ezaugarriak zehaztu eta gero, Alderdi Popularraren aldetik, honen aurkako kanpainia egiten du. Besteak beste, gainerako "Euskal Arraza" ez duten oiloak erail egingo direla ziurtatzen du La Razón egunkariak. Espainiako Gobernuak, Euskal Oiloa dagoenik ukatzen du, eta oilo guztiak espainiarrak direla eta denak babestuko dituela agintzen du.

• Maiatza. Haika ilegalizatua. Jadanik desagertuta zegoen Jarrai ilegalizatuta auto berean.

• Abenduan, Amnistiaren Aldeko Batzordeetako hainbat arduradun atxiloarazi zituen eta erakunde hori legez kanpo utzi zuen Espainiako Auzitegi Nazionalak.

2001eko irailaren 11ko atentatuak Amerikako Estatu Batuetan

• Iraila. 2001eko irailaren 11ko atentatuak astinaldi politiko eta moral handi bat eragin zien AEBtako Europako gizarteko zati handi bati.

• 2021ko maiatzean argitaratu ziren AEBko dokumentu desklafikatuetan zera agertu zenː 2001eko irailaren 11ko atentatuak izan eta gutxira José María Aznar Espainiako lehendakariak, George W. Bush AEBko lehendakaria ETAren "ingurukoen" aurka egiteko bultzatu zuen. Amerikako Estatu Batuak Alderdi Popularrak gidatutako Dena da ETAren politikarekin bat egitea lortu zuen eta honen trukean estatubatuarrek Espainian dituzten Rota eta Moróneko baseetan nahi zutena egin ahal izan zuten. Baita ere, Espainiak laguntasun osoa eskaini zion AEBri Afganistan eta Irakeko Gerran.

Irakeko inbasioan Espainiak laguntasun osoa eskaini zion AEBri herrialde honek "Dena da ETA"ren printzipioarekin bat egin zuenean.

2002: Otsailean, Segi ilegalizatua, ETAk dituen helburu berak dituelako. Aldi berean, Haikaren ondorengoa dela argudiatu zuen Garzon epaileak. Askatasuna ilegalizatua.

• Euskal Autonomia Erkidegoko eskola eta institutuetako liburu batzuk ETAren alde mintzo zirela adierazi zuen Espainiak erkidego horretan zuen ordezkari Enrique Villarrek; eta liburu horiek Eusko Jaurlaritzaren laguntasuna izan zutela.

• Martxoa. Hego Euskal Herriko 18.000 gazte, "kale borrokan sartzeko prest" omen daude. El Mundo egunkarian agertzen den arabera.

• Maiatza. Polizia espainiarrak Euskadiko Kutxako buruzagi bat, Iñaki Mallagarai Kortazar atxilotu zuen. Arrazoiaː ETArekin kolaboratzea. Hau da, kasu honetan ofizialki, Herriko tabernen, ETA, KAS eta EKINeko arduradunei beraien kontuak blokeatuta izango zirela informatzea.

• Ekainaren 27a, Dena da ETAren bigarren mugarria. Espainiako Alderdien Legea onartu zuten Espainiako Gorteek.

Euskal Herritarrok ilegala Alderdien Legearen ondorioz.

• Irailaren 14an Batasuna debekatzearen kontra "Gora Euskal Herria" lelopean Bilbon antolatutako manifestazio isila galarazi zuen Ertzaintzak, oldartuta. Ura botaz saiatu ziren jendea sakabanatzen. Garzonek Eusko Jaurlaritzari ohartarazi zion manifestazioa ETAk antolatu zuela, eta galarazteko «neurriak» hartzeko eskatu zion. Urte horretan Garzonek agindutako Batasunaren egoitzak ixteko eta alderdiaren jarduerak eteteko agindua (2002-8-26), Batasunaren egoitzen itxiera, Espainiako Gobernuak eta Fiskaltza Nagusiak egun berean aurkeztutako Batasuna legez kanpo uzteko eskaera Auzitegi Gorenean (2002-9-3) eta Euskal Herriko erantzun mugatua eta Espainiako komunikabideen bertsio eztabaidaezina eta bateratua "Dena da ETA"ri egin zitzaion erantzuna nahikoa ez zela baieztatu zuen. Kontutan hartu behar da baita ere Jaurlaritzak helegitea jarri zuela Konstituzionalean (2002-9-28) Alderdien Legearen aurka, Konstituzionalean. Legeak oinarrizko eskubideak urratzen dituela argudiatu zuen. Erantzuna Jaurlaritzaren helegiteari 2003-3-12an heldu zen eta Auzitegi Konstituzionalak Alderdien Legearen baliagarritasuna berretsi zuen, eta Jaurlaritzaren helegitea atzera bota.

2003tik salbuespen txikiekin ezker abertzalea ilegala hauteskundeetan

2003ko urtarrilean, etakideentzat eta "delitu oso larriak egin dutenentzat" gehieneko espetxealdia 30 urte izatetik, 40 izatera luzatu zuten.

Egunkaria, euskaraz idazten zen egunkari bakarra "ETAren tresna" zelakoaren akusaziopean itxiarazi zuten.

• Otsaila Dena da ETAren hirugarren mugarria, Espainiako Audientzia Nazionaleko epaile Juan del Olmok Euskaldunon Egunkaria —euskara hutsean argitaratzen zen egunkari bakarra— itxiarazi zuen, nahiz eta urte batzuk beranduago Egunkariaren aurkako salaketa guztian bertan behera geratu.

Amnistiaren Aldeko Batzordeak eta Batasuna ilegalizatuak.

• Udal hauteskundeetan, de facto, ezker abertzaleko lista gehienak ilegalizatuak. Eusko Abertzale Ekintzak legezko izaten jarraitu zuen; Autodeterminaziorako Bilgunea (AuB), berriz, ilegal deklaratu zuten.

• Ekaina: Europar Batasuneko Kontseiluak ETAren partaide edo zatitzat hartu zituen erakunde hauekː Kas, Xaki, Ekin, Jarrai, Haika, Segi, Amnistiaren Aldeko Batzordeak, Askatasuna, Batasuna, Herri Batasuna eta Euskal Herritarrok. Aldi berean eta era kontraesankorrean Koldo Gorostiaga Euskal Herritarroken europarlamentarioa zen Estrasburgon. Hau da, Europako Kontseiluaren arabera etakide bat zegoen Europako Parlamentuan.

• Iraila: Euskal Pilota. Larrua harriaren kontra dokumentala. ETAren alde dagoen dokumentala dela diote PPren gobernuko zenbait ministrok.

Segi eta Jarrai ilegalak.

• Azaroaren 13a: Sasoi hartako Espainiako Barne Ministerioaren buruzagiaren arabera, (Ángel Acebesen arabera), Frantziak lehenengo aldiz deportatu zuen berez ETAkoa ez zen baizik eta ETAren "egiturakoa" zen Juan María Olano, Gestoras pro Amnistiako ordezkaria izandakoa.

2004ko otsaila. ETAren suetena Kataluniarako.

• Apirila. Xabier Zumalde "El Cabra" ezizena zuena, Francoren garaiko ETAri buruzko museo txiki eta sinple bat zabaldu eta hortik gutxira ixtera behartzen dute Euskadiko PSE eta PPren presioen ondorioz. "Museoa" zabalduta mantentzearen alde badago ere, azkenean, mehatxuen ondorioz, itxi egiten du.

• Bilboko ihauterien desfilea bertan behera geratzen dira Txori Barroteko konpartsak presoen aldeko argazkiak dituelako eta Alderdi Popularraren eskaerari kasu eginez.

• 2004ko Espainiar Hauteskunde Orokorrak. PSOEko Zapaterok irabazi zituen, gehiengo absoluturik gabe. Ezker abertzaleko hautagaitzak ilegalizatuak.

• Europar Batasuneko hauteskundeak. Herritarren Zerrendako hautagaitzak ilegalizatuak.

• Eskuin muturreko ideologia duen Libertad Digital komunikabideak diru laguntza handi bat jasotzen du (salaketaren arabera 400.000 euro izan ziren) PPren aldetik. Ángel Acebesek 10 urte pasata, gai honen inguruan honen kontura epaitua izango da.

2005eko urtarrilean, Ibarretxe Plana bertan atzera botatzen du Espainiako Kongresuak.

2006 ETAko su-etena. Abenduaren 30ean ETAk su-etena apurtu zuen. Arnaldo Otegi kartzelatu dute handik lasterrera, besteak beste su-etena amaitzearen ondorioz.

Alderdi politiko hau aurkeztu eta bereala salatua eta epaitegietara heldu zen bere kasua. 2009an Demokrazia Hiru Milioi ilegala bihurtu zen Hego Euskal Herrian. 2003. urtetik 2011. urtera alderdi askorekin gertatu zen hau horretarako Alderdien Legea era azkarrean eta irmoan erabili baitzuen Espainiako Gobernuak. Besteak beste honen ondorioz Patxi Lopez lehendakari bihurtu zen.

• Azaroa. Iñaki de Juana Chaos kartzelan mantentzearen alde, Espainiako Justiziako ministro Juan Fernando López Aguilarrek zera dio: "Iñaki de Juana Chaos gartzelan mantentzeko, inputazio berriak eraikiko ditugu".

2007ko urtarrilean, Espainiako Auzitegi Gorenak Jarrai, Haika eta SEGIko kideak etakidetzat jo zituen. Beraien erakundeak talde terrorista bihurtu zituen Espainiako Auzitegi Nazionala edo Entzutegi Nazionalaren iritziaren aurka. Espainiako Auzitegi Nazionalak erakunde hauek legez kanpo egotearen alde zegoen baina ez terrorista izendatzearekin. Azken hauen iritziz, ETAren helburu berdina izateak ez zuen derrigorrez terrorista bihurtzen erakundeak azkenean gertatu zena. Beraz, besteak beste talde terroristatzat hartu zuten SEGI, eta haren militanteak epaitu eta kartzelatu zituzten.

• Nafarroa Garaia "ETAren mende", Alderdi Popularraren arabera. Geroago, PSOEko buruzagiak atzera egin zuen, eta UPNren aurkako bozketarik ez zuten egingo, Nafarroa Bairekin bat egiteak Madrilen ekarriko liokeen eragin orokor txarrengatik.

• Azaroa. Polizia frantzesak Gernikako gazte bat Borja Urberuaga "ustezko Etakidea" atxilotu zuen Baionan eta gero Espainiako polizien esku utzi zuen. Arrazoiaː ETAren alde idazteagatik eta 1999 y 2002 tartean egindako "mehatxu terroristak" egindako pintadengatik. Honengatik bi urteko kartzela zigorra jaso zuen.

• Azaroa. Alfredo Pérez Rubalcabaren iritziz, kale borrokan parte hartzen duten %30a ETAn amaitzen dute, nahiz eta legalki, kale borrokako kideak, ETAkide moduan epaituak izan.

• Abendua. Ekin, Xaki eta aspaldi autodeseginda zegoen KAS, ilegalizatuak izan ziren.

2008ko urtarrila. Igor Portu eta Mattin Sarasolaren atxiloketen ondoren, eta torturak zantzuak dituztela ikusi eta gero, Espainiako hedabideetan bertsio hau agertu zen: ETAren aginduz, atxilotutako guztiak torturatuak izan direla esan behar dute. Horretarako, eskuliburu bat eman omen die ETAk, nola egin behar duten agintzeko: "ETAren torturen eskuliburua".

2008ko Espainiar Hauteskunde Orokorrak martxoaren 9an izan ziren. Bigarren aldiz PSOEko José Luis Rodríguez Zapatero atera zen garaile.

• Maiatza. EAJko alkatea (Arrigorriaga eta Zizurkil) eta EAEko alkatea (Hernani) inputatuak Santiago Pedraz eta Fernando Grande-Marlaska epaileengatik. Arrazoia: Bere herrietako plaza eta kale batzuen izenak aintzinako ETAkide batzuen izenak dutela.

EAJ eta EAEko alkate batzuk inputatuta bere herriko kaleetako batzuk antzinako Etakideen izena zutelako.

Logo EAJ-PNV de 2012

• ETAren mehatxupean dauden pertsona oro, terrorismoko biktimak bihurtu ziren legearen aurrean

• Iraila: Eusko Abertzale Ekintza eta EHAK ilegalizatuak.

• Juan José Ibarretxek proposatutako herri galdeketa ilegala bihurtu zuen Espainiako gobernuak.

• Abendua: Europar Batasunak terroristen zerrendan sartu zituen bai Eusko Abertzale Ekintza bai EHAK ere. Erabaki hau Espainiako Barne Ministerioaren eta Espainiako Kanpo Arazoetako ministerioaren presioen ondorioz eman zen. Izan ere, Europar Batasunak sei hilero berrizten ditu zerrendak baina kasu honetan, lehenago batu ziren Espainiako Gobernuak irailean eman zuen erabakiari babesa emateko .

• Abendua: Ordiziako Xabier Telletxea urte eta erdiko gartzela zigorra eta 2.850 euroko izuna jazo zuen "Foroasturias" delako foro pribatu batean, 2008an "Terrorismoko (hau da ETAko) biktimak umiliatzeagatik".
• Abendua: Hamar euskal herritar, Ezker Abertzaleko militanteak, ETAn sartzea erabakitzen dute. Beraien iritziz, Espainian demokrazia ez dagoenez, beste aukerarik ez dute izan.

"Gure antolakundeetan borrokatzeko aukerarik jada ez dugula ikusirik, adierazpen hau izenpetzen dugunok ez dugu borrokarako etsipenean erortzeko edota gure burua Espainiako «Audiencia Nacional»ean aurkezteko inongo asmorik. Etsaiak gu neutralizatzeko asmoa bazuen, oker dabil.

Guk hartua dugu gure erabakia: Armekin etorri dira gure etxeko atea botatzera, torturatzera eta espetxeratzera. Espainian hain errotuta dagoen armen arrazoiarekin etorri zaizkigu, eta guri bederen, borrokarako beste aukerarik ez digute utzi; armen inposizioari armen bidez aurre egitea geratzen zaigu, eta determinazioz egingo dugu!

ETAkoak ez izan arren, ETAko kide bagina bezala epaitu eta bahitu nahi izan gaituzte, eta horren aurrean ez gara kikiltzen: Armak eskutan hartu eta, gure aurretik beste askok egin duten bezala, Euskadi Ta Askatasunean sartzeko hautua egin dugu."

2009: Europako hauteskundeak. Iniziatiba Internazionalista inputatua. Azkenean hauteskundeetara aurkeztu ahal izan zen.

• Euskal Autonomia Erkidegoko hauteskundeak. Demokrazia Hiru Milioi ilegalizatua.

• Ekaina. Euskal preso politikoen argazkiak erakusteagatik, kartzelara zigortutako hainbat lagun.

• Ekaina. PPko Marisa Arrueren aurkako hiltzeko mehatxuak egiteagatik, bi urteko kartzela zigorra Getxoko Zigor Goikoetxeari.

• Ekaina. Lekeitioko udalak 24 ordutan ETAren aldeko pintadak ezabatu behar zituela agindu zuen PSEko Rodolfo Ares Barne Arazoetako sailburuak.

• Abuztua. Bilboko Aste Nagusia. Bilboko Udalak Kaskagorri eta Txori Barrote konpartsei txosnak paratzeko baimena kendu zien, presoen argazkiak erakusteagatik.

Argazkian Joxe Mari Agirretxe, Porrotx. Pirritx, Porrotx eta MariMototsek boikot latzak jaso zituzten euskal presoen eskubideen aldeko adierazpenak egiteagatik, eta Zulaika (Pirritx) eta Agirretxe (Porrotx) ezker abertzaleko kideak direlako.

• Abuztua. Etakideen argazkiak tabernetan agertzea edo edonon jartzea, ETAren aldeko apologiatzat hartu zen leku askotan.

• Bilboko udalak ez zituen Pirritx eta Porrotx kontratatu, PPren presioagatik, ETAren ingurukoak direlakoan. Presio hori 2011 arte helduko da Euskal Autonomia Erkidegoko herri askotan, besteak beste PPren presioen ondorioz.

2010ko urtarrila. Nahiz eta aurkako froga ugari izan, Begoña Urroz izendatu zuen ETAren lehenengo biktima Espainiako Gobernuak egindako lege batek.

• Urtarrila. Gaztesarea itxita.

• Martxoa. Espainiako Gobernuaren aginduz, ETAren lehenengo biktimatzat izendatu zuenaren omenez (hau da, Begoña Urroz), ekainaren 27a bihurtu zen Espainiako Terrorismoko Biktimen Eguna.

• ETAri droga trafiko egitea leporatu zitzaion.

• Abuztua. "Gora ETA" eta "Euskadi Ta Askatasuna" oihukatu zutela dioen pertsona anonimo baten lekukotasuna froga nahikotzat hartuta, Espainiako Audientzia Nazionalak Aritz Labiano eta Haritz Garatxotenea urtebeteko kartzela zigorra betetzera zigortu zituen. 2013an epaitegiak arrazoia emango zien Labiano eta Garatxoteneari baina jadanik kartzela zigorra bete eta gero.

• Uztaila. Espainiako Barne Ministerioak milioi bat euroko diru laguntza ematen zien terrorismoaren aurkako hogeita hamar erakunderi. Gehiena AVT erakundearentzat da.

• Iraila. Askapena, "ETAren beso internazionala" delakoan inputatua.

• Azaroa. Lander Fernandez Santutxuarra 3 urteko gartzela zigorra jaso zuen euskal presoen aldeko 600 eurotan saltzen ziren 300 txartel zituelako.

2011tik ezker abertzalea de facto legala Bildurekin. Gutxira PPk gehiengo absolutua lortu zuen

Epaile batek Ernairen web orria itxi zuen "ETAkide baten aldeko apologia" egiteagatik. Sasoi hartan ezker abertzalearen gazteen erreferentea zen.

Hego Euskal Herrian maiatzean egindako toki hauteskundeetan, Bildu ilegalizatzeko besteak beste, poliziak froga hauek erabili zituen: D3Mren alde sinatzea, Gazte Topagunera joatea, ilegalizatu dituzten alderdietakoa (Batasuna, EAE...) izan den ahaideren bat izatea.

• Iraila. Basauriko jaietan ETAko presoen aldeko kartelak jartzeagatik, lau lagun urtebetera kondenatuta.

• Iraila. Espainiako erregearen diskurtsoaren parodia bat dela eta Koroa iraintzea eta Espainia iraintzea leporatzen diete altsasuko bi gazteei eta altsasuko alkateari. AVT eta Manos Limpias herri akusazioek egindako salaketaren ondorioz, Santiago Pedraz epailearen aurrean bi altsasuarrez deklaratu behar dute Madrilen. Bideoa gaur egun ere, ikusgai dago Youtuben.

• Urria. Gatazkaren konponbidea sustatzeko nazioarteko konferentzia izan eta hiru egunetara, ETAk borroka armatua behin betiko alde batera uzten zuela aldarrikatu zuen.

2011ko urriaː ETAk indarkeria behin betiko utzi zuela adierazi zuen

• Azaroa. Nafarroako Foru Erkidegoko Auzitegi Nagusiak Arbizun dauden ETAko presoen aldeko argazki eta pankartak kentzera behartu zuen udala. 2011ko azaroaren 20an Espainiako Gorte Orokorretarako hauteskundeak egin ziren. PPk gehiengo absolutua lortu zuen.

• Hasiera batean, Joseba Sarrionaindiari esleitutako Euskadi saria ukatu zioten. Blanca Urgellen hitzetan, Eusko Jaurlaritzak jasan zituen presio larriengatik.

2012 urtarrila. Asturiasko Alberto Ortega Rivas gazteari, Tuentin ETAren alde eta Guardia Zibilaren aurka egindako irainengatik, urtebeteko kartzela zigorra.

• Urtarrila. "Gora ETA" Munduko trending topic bihurtzen da. Guardia Zibilak Twitter eta Facebooken "Gora ETA" ez idaztea eskatzen du, espero zuenaren aurkakoa lortuz.

• Otsaila. Audientzia Nazionalak kartzelara urte eta erdirako kondenatzen du Joseba Andoni Ullibarri Gasteiztarra. Arrazoia: PPko Teresa Jiménez Becerril "iseka egitea eta humiliatzea" 2010eko ekainean interneta erabiliz.

2013ko apirila. Argi Gastaka, Telecincoko Anaia Handia saioan parte hartzen ari zen neska, Gran Hermanotik kanporatua, ETAri buruz egin zuen txantxa bategatik. Badirudi Víctimas del Terrorismo taldearen presioen ondorioz kanporatu zutela.

• Apirila. Ernairen web orrialdea itxiarazita Eloy Velascoaren aginduz Francisco Javier Lopez Peña, "Thierry" ETAkidearen apologia egiteagatik.

• Ekaina. BurlataHerria.org web orria itxiarazita ETAren alde dagoelakoan.

Xabier López Peña, ETA kidearen heriotza salatzeagatik edo bere heriotzaren argibidea eskatzeagatik, hainbeste pertsona eta erakunde epaitua izan zen "terrorismoa goratzea"gatik.

• Abuztua. Etxarri Aranatzeko jaietan txupinazoan ETAko presoen argazkiak ateratzeagatik ikerketa fiskaltzara eraman zuen Guardia Zibilak eta Polizia Foralak.

• Bilboko Aste Nagusia. Txori Barroteko Jone Artola Txupineraren izendapena atzera bota zuen Bilboko epaitegi batek, Dignidad y Justicia eta Covite elkarteek eta —geroago— Carlos Urquijok hala eskatuta. Antzera gertatu zen Laudion, Pablo Gorostiagari pregoilari izateko debekua ezarrita.

• Uztaila. Luis Bárcenasen arabera, Libertad Digital Interneteko egunkari digitalak PPren diru laguntza ilegala izan zuen.

• Iraila. Herriraren aurkako sarekada.

• Iraila. Carlos Urkijok ETBri zera eskatzen dio: Pirritx eta Porrotx telebistan ez agertzea "ETAko presoen alde daudelako".

• Urria. Bilboko prostituten erakunde bat, Askabide, ETAkidea delakoan inputatua izan eta gero, absolbitzen dute. Izatez, Herriko Taberna batekin errakuntza bat egon zela esan zuten geroago. Errakuntza honen ondorioz, izen berdina zuen Zorrotzako Askabide taberna, Herriko Tabernen aurkako epaiketatik kanpo geratu zen.

• Azaroa. Espainiako hainbat eskumako komunikabideentzat (Nafarroako Diario de Navarra barne), Euskal Abertzaleak eta I-E, hau da, Nafarroako Izquierda Unida honen alde daude: ETAkideak eta pederastak irakasleak izatea babesten dute.

• Azaroa. www.ateakireki.com, www.egindezagunbideadonostia.com, www.etengabe.wordpress.com eta www.zarauzkoherrira.wordpress.com. webguneak itxiarazi zituzten, ETAren aldekoak zirela leporatuta.

• Abendua. Guardia Zibilaren arabera Nafarroako D eredua eta ikastolak, ia-ia ETAren eskuetan daude.

2014ko urtarrila.

• Tantaz Tanta, Herriraren oinordekoa zela argudiatuta, eta beraiek antolatutako manifestazioa "izaera terrorista" izan ahal duela argudiatuta, urtarriaren 11an egingo zen manifestazioa debekatu zuen Eloy Velaskok aurreko egunean. Honen ondorioz ordu berean antzeko manifestazio baten deia egin zuten beste eragile batzuk inoiz Bilbon egon den manifestaziorik jendetsuena bihurtuz.

Tantaz Tantako ekimena ilegala Herriraren oinordekoa zela argudiatuta.

• Santiago Pedraz, Auzitegi Nazionaleko epailea, PPk eta hainbat taldek presionatua, Parot Doktrina baliogabetu eta gero Durangon euskal presoek egin zuten ekitaldia ez ilegalizatzeagatik.

• Urtarrila. Atxiloketak egon baino lehenago, atxiloketak egon direla informatzen dute Barne Ministeritzatik. Kasu honetan, ETAren abokatuak atxilotzen dituzte, ETAren agindupean lanean, eta ondorioz ETAkideak direlakoan.

• Otsaila. Bilboko bost pertsonei urte osoko zigor batetara kondenatu zituzten Gara egunkarian iritzi artikulu bat emateagatik. Audientzia Nazionalak aipatutako esaldi bat "herri honen iparrorratzetako bat bihurtu zinenean" izan zen. Honen ondorioz terrorismoa goratzearen helburua argia zela ziurtatu zuten epaileek. Artikulu horregatik Iñaki Soto, Garako zuzendaria ere auziperatua izan zen. Bitxikeri moduan, sarean oraindik topatu daiteko besteak beste gararen web orria den naiz.eus-en.

Ibarra herriko jaien txupinazoa debekatu zuten "terrorismoa goratzen" zuelako. Urte horietan herri askotan gertatu zen hau gehienbat Carlos Urkijok bideratutako salaketen ondorioz.

• Ekaina. Guardia Zibilak Aritxulegiko gainean dagoen ‘Gudarien Basoa’ suntsitu eta lau lagun atxilotu zituen, «terrorismoa goratzea» leporatuta. Hildako euskal militanteen omenez landatutako haritzak eta hauek identifikatzeko hesolak eta txapak erauzi eta eraman egin zituzten.

• Iraila. GAL, Batallón Vasco Español, Triple A, GANE eta Euskal Herritarren aurka ibilitako talde paramilitarren biktimak, ez dituzte indemnizazioak ezta dirulaguntzarik jasotzen, ETAren ingurukoak direlako Jorge Fernández Díaz Barne ministroaren arabera.

• Apirila 21 atxilotu interneten sareetan "terrorismoaren" (gehienbat ETAren) aldeko idatziak egiteagatik interneten. Euskal Herritik gainera, atxilotuak Gaztela eta Leon, Galizia, Asturias eta Kataluniakoak dira. Atxilotutako bi adin txikikoak dira.

• Abuztua. Guardia Zibilak 21 urteko gazte leitzarra inputatu zuen, bideo parodia batean terrorismoa gorazatzeaz akusatuta. Bideoko protagonista “ETAren aldeko pintadak” egiten agertzen dela argudiatuta atxilotu du poliziak. “Zakarrak botatzen” izenburupean, Leitzako Atekabeltz gaztetxeak antolatutako film laburren lehiaketako irabazlea da bideoa. Gaur egun, Youtuben jarraitzen du ikusgai.

• Azaroa. 19 atxilotu, Interneten "terrorismoaren" (gehienbat ETAren) aldeko idatziak egiteagatik. Euskal Herriko atxilotuez gainera, badira Madrilgoak, Bartzelonakoak, Toledokoak eta Leongoak ere. 14 urteko beste bi gazte, inputatuta, arrazoi beragatik. Hilabete bat geroago, Kataluniaren aurkako antzeko mehatxuak egitea, aldiz, ez da larria epaile batzuentzat.

• Abendua. Europak zigorrak batzeko 2008an hartu zuen erabakia aplikatu zuen Espainiak. Lege agindu hori ezartzea ahal zuen guztia atzeratu eta gero, erabakia hartu zuen. Frantzian zigorra bete zuten euskal presoei Espainian bete beharrekoa ez gutxitzeko neurriak hartu zituen PPk.

2015ko urtarrila. Euskal presoen abokatuen eta Herrira erakundeko hiru lagunen aurkako sarekada.

• Urtarrila. ETAko kide izandako Santiago Arrospide espetxeratua. Espainiako Gobernuak dioenez, hauek izan ziren arrazoiak: 1987ko atentatu baten ardura izan lezakeela, eta berriro atentatuak egin ahal dituela. 2015eko maiatzean 17 urteko gartzela zigorra ezarri zioten Luis Antonio Buron Barba Espainiako fiskal nagusi ohia hiltzeko agindu omen zuelako.

Areatza herriko euskal preso politikoen aldeko txokolatada debekatuta "terrorismo goratzearen" salaketapean. Carlos Urkijok egin zituen bulkada politikoen ondorioz Euskadin horrelako kasu asko egon ziren urte horietan.

• Urtarrila. Goardia zibilak, presoen aldeko Sarek aurreko egunean lortu zuen 104.000 euro "konfiskatu" zituen LABen egoitzan. Oraindik (2018) ez dute diru hori itzuli Herria erakundearekin lotzen baitute dirua eta ikerketa ez delako amaitu.Aldi berean Herrira eta LAB sindikatuaren artean harremana zegoela idatzi zuten erakunde batzuek.

• Urtarrila. PSOEren idazkari ohi Rafael Verak GALen aldeko hitzaldi publikoa eman zuen TVE telebista katean.

• Otsaila. De facto, biziarteko gartzela zigorra ezarri zen etakideentzat eta delitu oso larriak egin dituztenentzat. Era berean, irakasle izatea debekatu zaie Dena da ETA ideiari jarraituz zigortutako pertsona guztiei. Interneten terrorismoari buruzko informazioa bilatzeak etakide bihur dezake pertsona bat.

• Otsaila. Jorge Olaiz espetxeratua, salaketa anonimo baten ondorioz, etakideen laguntzarekin ihes egingo duelako arriskua dagoela argudiatuta. 13 urte ziegan eman eta gero kanpoan zeraman urte bat. Presio mediatiko baten ondorioz, jadanik artxibatuta zegoen 2002ko ekintza bat leporatu zioten eta epaitu baino lehen gartzelara sartu zuten.

• Martxoa. Fernando Grande Marlaskak, euskal presoen kartzelaldia murriztu edo ez erabakitzeko Luxenburgoko auzitegiari egin ahal zaion zuzeneko galdera eragoztzi zuen. Luxenburgok 15 hilabetean erantzungo luke. Horiek horrela, eta agian Estrasburgora helduko denez kasua, Europatik etorritako 2010eko legea beste 7 urte atzeratu ahal zen, hau da, 2022raino. Azkenean 2018an eman zuten erantzuna eta presoen interesen aurkakoa atera zen.

• Ekaina. "Jotake irabazi arte" dioen pankartek, izuna jaso ahal dute Gobernu Espainiarraren aldetik.

• Abuztua. Nafarroako Gobernuak auzitara eramango zuen egunkari bat, institutu bat "etazalea" dela esateagatik. Hezkuntza Departamentuak azaldu zuen La Gaceta de los Negocios egunkariak "irain larriak" argitaratu zituela Iruñeko Iturrama institutuaren aurka.

• Abuztua. Gipuzkoako Lurralde Auzitegiak Ibarra herriko txupinazoa bertan behera uztea erabaki zuen, “prebentzio gisa”. Carlos Urkijok azaldu zuenez, Euskal Autonomia Erkidegoko fiskal nagusiari, Juan Kalparsorori jakinarazi zion euskal errepresaliatuen senide eta lagunek botako zutela jaiak hasteko suziria. Txupinazoa bertan behera uzteko agindua ordu erdi lehenago jaso zuten udaleko ordezkariek.

• Abuztua. Bilboko epaitegi batek bertan behera utzi zuen 25ean, goizaldean Areatzan, Udalak jai egitarauaren barruan antolatuta, egitekoa zen presoen aldeko "txokolatada", Carlos Urkijok egindako eskaeraren ondorioz.

• Abuztua. Tafallako festetan presoen alde egindako ohiko brindisean parte hartzeagatik hiru tafallar epaituko zituen Angela Murillok. Bi urteko kartzela zigorra, hiru urteko zaintzapeko askatasuna, bederatzi urteko inhabilitazioa eta 4.800 euroko isuna eskatu zituen fiskaltzak.

Euskal presoen alde topa egiteagatik zigor gogorrak eskatu zituzten Espainiako epaileek. Sasoi hartan ohikoa zen preso politikoen alde topa egitea herri eta auzo askotan

• Iraila. Bermeon presoen alde egitekoak ziren bi ekitaldi bertan behera utzi zituen epaileak. Carlos Urkijo Espainiako Gobernuaren ordezkariaren eskaria aintzat hartu zuen Bilboko Administrazio Auzietarako Epaitegiak.

• Iraila. Santurtziko Mamarigako jaietan, espetxean dauden auzokideen senideen pregoia –pregoi ofizialaren ondotik egitekoa zena– eta igandean ospatu behar zuten «pintxo solidarioa» debekatu zituzten Carlos Urkijoren ekimenez.

• Iraila. Berri Txarrak Zaragozan egin behar zuen kontzertua debekatzea eskatzen du Alderdi Popularrak beraien ustetan ETAren alde dagoelako eta "terrorismoa goraipatzen du eta ETAko presoei babesa ematen die".

• Iraila. Guardia Zibilak lau pertsona atxilotu ditu goizaldean, Otxandion (Bizkaia), ustez terrorismoa goratzeagatik. Lau lagunek ustez Luzia Urigoitia Ajuria ETAko kideari uztailaren 25ean, Otxandion, egindako omenaldia antolatu, zuzendu eta koordinatu zuten.

• Iraila. Espainiako Poliziak Gasteizen eta Donostian zazpi gazte atxilotu zituen, eta aske utzi ditu gero, karguekin. Joan den urteko eta aurtengo Gasteizko jaietan ETAren ikurrak soinean eramatea leporatzen zieten.

• Iraila. Herriko festetan udaletxeko balkoian zintzilik zegoen pankartarekin “terrorismoa goratzea” leporatu zioten Tafallako alkate Arturo Goldarazenari. EH Bildukoa.

• Urria. Atarrabian presoen aldeko kalejira debekatu zuten. Guardia Zibilaren txostenetan oinarrituta, "terrorismoa goratzeko aukera handia" zegoela ebatzi zuen Espainiako Auzitegi Nazionalak.

• Urria. "ETAkideak mikrobus batean sartzen dira", Jorge Fernández Díaz Barne ministroaren esanetan.

• Urria. ETBk emititutako Barrura begiratzeko leihoak dokumentalaren aurka jartzen dira Euskadiko PP, PSOE eta UPyD eta Covite. ETAren aldeko dokumentala da hauen iritziz, eta ondorioz, EITBk ETAren alde egin zuen. Besteak beste, Laura Garrido EAEko PPko bozeramailea, "ETAren historia kriminala zuritzen saiatzea" egotzi zion ETBri.

Titiritero batzuk bere antzezkizunean "Gora Alka-ETA" zioen kartekin satira egiteagatik, "terrorismoa goratu" zutelakoan espetxeratu zituzten. Sasoi hartan titiritero hauek Euskal Herriko politikarekin harremana ez zuten gazte batzuk ziren.

• Urria. Nafarroako Aldizkari Ofizialean argitaratu zen Hezkuntza Departamentuak Imanol Haranburu izendatu zuela Hizkuntza Eskolen eta Egiaztapenen bulegoko buru izateko. UPNk salatu zuen gobernuak «ETAko kide ohi bat» jarri zuela Hezkuntzako goi kargu batean, eta «terrorismoaren biktimekiko sentsibilitaterik eza» erakutsi duela. UPNren oharrean zioen Haranburu 1988an atxilotu zutela ETAko kide izatea egotzita, eta 21 urteko espetxe zigorra ezarri zizkiotela. 2003an Nafarroako Parlamenturako AuB ren zerrendatan 17. postuan aurkeztu zela gaineratu zuen. Handik gutxira, foru agindu bidez, Jose Luis Mendoza Hezkuntza kontseilariak atzera egin zuen.

2016ko urtarrila. Juan Antonio Chicharro erreserbako jeneral espainiarraren iritziz, "badirudi eurek (ETAkideak) agintzen dutela Nafarroan eta erregea bera ere bere erreinuak bistatzea debekatzeko gai dira”.

• Urtarrila. 04/08 sumarioan inputatutako 35 lagunek ez zituzten kartzelan sartu, Dignidad y Justiciak eta AVT Terrorismoaren Biktimen Elkarteak osatutako herri akusazioarekin eta fiskaltzarekin akordioaren ondorioz. ETAri laguntza ematea egotzita, «erakunde terroristako kide» izatea leporatu zien fiskalak. Auzipetuek, akusazioak onartu, eta aitortu zuten Espainiako legeria urratu zutela beren jardunean. «Indarkeriaren erabilera ororekiko arbuioan» beren konpromisoa agertu zuten, horrela biktimei «eragin zaien minaren aitortza eta erreparazioa» egiteko.

• Otsaila. Gora Alka-ETA zioen kartel bat erakusteagatik Madrilen atxilotu eta bost egunetako espetxealdia jaso zuten bi titiritero. Ikuskizunean "terrorismoa goratu" zutelakoan espetxeratu zituen Auzitegi Nazionaleko Ismael Moreno epaileak eta bertan 5 egun pasatu zituzten. Ihes egiteko eta delitua errepikatzeko arriskurik ez dagoela iritzita egin du Fiskaltzak eskaera. Hala ere, ustez terrorismoa goratzeagatik leporatutako delituak mantendu ditu epaileak bi titiriteroen aurka. 5. egunean, epaileak ontzat eman zuen Raul Garcia Perez eta Alfonso Lazaro de la Torre titiriteroek espetxeratze aginduaren aurka jarri zuten helegitea. Dena dela, baldintzapean aske utzi zituzten. Egunero joan behar izan ziren epaitegira, eta Espainiako Estatutik ateratzea debekatu zieten, pasaportea kenduta. Akusatuen defentsaren argudioak entzun ostean, epaileak uste zuen lotura familiarraren ondorioz, ez zirudiela "Justizia saihesteko" (hau da ihes egiteko) asmorik zutenik.

• Otsaila. Poliziak gazte bat identifikatu zuen Ourenseko inauterietan, titiriteroz jantzita, Gora Alka-ETA lelodun kartel bat soinean eramateagatik.

• Otsaila. Inauterietan bizkarrean titiriteroz mozorrotuta Gora la cuchufl-ETA zihoen kartel bat eramateagatik, Gijóneko neska bat eta berarekin zihoazten lagunak identifikatzen ditu poliziak.

• Otsaila. Jorge Fernández Díaz, Espainiako Barne Ministroaren arabera, ETA desiatzen dago Espainian PSOE eta Podemosen arteko gobernu eraketa bat.

• Martxoa. Javier Omaña Casanova galiziarra urte bateko kartzela zigorra jaso zuen "ETAri gorazarre" egin ziolako. Urte horietan oso ohikoak ziren horrelako gartzela zigorrak eta baita ere kondenatutako izen-abizen berari buruzko edozein datu agertzea komunikabideetan.

• Iraila. Lekeitioko udala Covitek inputatu zuen bere udaletxean ETAkidea izan zen Andoni Gabiolari alkatearen aulkian esertzea utzi ziolako.

• Urria. Hernaniko Institutu bat Covitek inputatu zuen bertan, Gudari Egunean ikasle batzuk ETAkide batzuen argazkiak erakusteagatik.

• Urria. Dena da ETAren laugarren mugarria Altsasun, larunbat goizaldean, 04:55ean, gazte batzuk Guardia Zibil batzuen eta bere neskalagunen aurkako borroka bat dela eta, ETAk Altsasun (Geroa Baiko alkatea izanda) gobernatzen duela ziurtatzen dute komunikabide batzuk.

bi Guardia Zibilekin izandako liskar baten ondorioz, Altsasuko gazte batzuk Etakide moduan epaituak izan ziren.

• Urria. Felipe Gonzalezen aurkako Escrache bat dela eta, ABC egunkariak ETAren aldeko banderak daudela idazten du. ETAren aldeko bandera omen zena, ETAren presoak Euskal Herrira hurbiltzearen aldeko bandera zen.

• Azaroa. ETAk bere ekintzat bertan behera utzi eta bost urte beranduago, Altsasuko zazpi gazte gartzeleratu zituzten terroristatzat (hots ETAkideak) hartuz bertako jaietan goizeko 4:55ak inguru bi guardia zibilekin egondako lizkarren ondorioz. Carmen Lamela epailearen aginduz gartzelara bihaldu zituzten. Lizkarretan min gehien egin zuena guardia zibil bat izan zen, eskumako orkatila apurtu omen ziotelako.

2017ko martxoa. Alfonso Alonso EAEko PPren presidentearen arabera, Iñigo Urkullu lehendakaria «ETAren bozeramaile»a zen. Preso politikoak gerturatzeko Jaurlaritzaren proposamenaren harira esan zituen hitz hauek.

Interneta erabiliz Itziar Ituñoren aktorearen aurkako boikota bultzatu zuten sarean hainbat espainiarrek. Arrazoia; era publikoan Euskal presoen sakabanaketaren aurka hitz egin zuela. Sasoi hartan aktore ezaguna zen bai Euskal Herri baita Espainia mailan ere.

• Martxoaren 11. ATAk Iruñean deitutako manifestazio baten ostean poliziarekin izandako istiluen ondorioz lau gazte auziperatu zituzten. Urte bat beranduago egin zen epaiketan eta kale borrokaren ekintza bat izen zela argudiatuta, fiskaltzak "desordena publiko terroristak" egin zituztela esan zuen Iruñeko kale istiluen auziaren epaiketan.

Iñigo Urkullu lehendakaria «ETAren bozeramaile»a Alfonso Alonso EAEko PPren presidentearen arabera.

2017ko apirilaː ETAk kontrolpean zituen armak gizarte zibilaren esku utzi zituen

• Iraila. Fe de etarras pelikula ETAren aldeko apologia egitetik hurbil dagoela adierazten du Guardia Zibilak. ETAren aurkako erakundeek pelikula honen aurkako salaketa jarri zuen eta ere baita horietako batzuk boikota bultzatu Donostin jarri zuten propaganda kartela dela eta.

• Urria. Alfredo Remirez amurriotarra 2009an Amurrioko txupinazoan preso baten panpina ateratzeagatik espetxeratzeko erabakia hartu zuen Espainiako Auzitegi Nazionalak. Terrorismoa goratzeaz akusatuta, urtebeteko zigorra jaso zuen.

• Azaroa. “Terrorismoari gorazarre” egiten dioten mezuak bertxiotzea delitu bihurtu zituen Espainiako Auzitegi Gorenak. Urte eta erdiko gartzela zigorrara zigortu zuten Andeka Jurado gaztea 2014 eta 2015 artean bideo batzuk zabaldu izan zituelako. Bideo hauetan Josu Uribetxebarriari eginiko omenaldiaren zati bat ageri zen. Epailearen ustez, irudi horiek “agur eta ohore” mezuarekin lagunduta terrorismo delitua ziren.

• Azaroa. Patxi Zamora, Iberia aire konpainiak kaleratu egin zuen Kontuz elkartean eta EAEko 2007an egin ziren hauteskundeetan zerrendetan parte hartu zuelako. Patxik CAN auzia salatu zuen Kontuz elkarteko eledunak, Iberia konpainian lan egiten zuen, hegazkin zerbitzari, harik eta 2017ko azaroaren 22an Guardia Zibilak hegazkinetan sartzeko baimena atzera bota zion arte. Ondorioz, aire konpainiak kanporatu zuen nahiz eta bertan 31 urte lanean eraman. 2021ean Espainiako Gobernuak aitortu zuen Zamora bere ideia politikoengatik egotzi zutela.

2018ko urtarrilaː 24 urteko Julen Ibarrola Pérez Amurriotarra urte bateko gartzela zigorra jazotzen du errotulki batekin orri baten neurriko ETAren anagrama margotzeagatik.

• Otsailaː Egoi Alberdi euskal preso ohiaren ama den Mari Paz Casanovari 50 eurotako isuna jarri zioten Mozal Legearen aplikazioan. Semea espetzetik atera zen egunean, Navalcarneroko espetxearen atarian identifikatu egin, ustez "komunikatu gabeko elkarretaratze baten arduradun izateagatik".

2018ko maiatzaː ETA auto-desegin zen

ETAren presoak Euskal Herrira hurbiltzearen aldeko bandera, ETAren aldeko bandera zen ABC egunkariaren arabera.

• Maiatza. ETAk audio bidez iragarri zuen bere desegitea, Suitzako Geneva hirian, nazioarteko hainbat eragileren aurrean. Euskal Herrian, hurrengo egunean Kanboko Arnaga Jauregian egin zen Gatazkaren Konponbidea Aitzinatzeko Nazioarteko Topaketa ekitaldian, ETAren amaiera ofizialki ziurtatu zuten euskal ordezkaritza politiko zabal baten parte hartzearekin.

• Uztaila. Euskal Preso Politikoen Kolektiboko kideak (EPPK) "preso politiko" izendatzeagatik, Auzitegi Nazionaleko Fiskaltzak ikerketa abiatu du 'Ahotsa.info'-ren aurka, terrorismoa goratzea egotzita.

• Uztaila. Deklaratzera deitu zituzten hainbat lagun, German Rodriguezen heriotza salatzeko pankartengatik. Espainiako Gobernu Ordezkaritzak bidali zien oharraren arabera, pankartetan ageri ziren leloak "Estatuaren kontrako irainak" izan zitezkeen. Esaterako, "Inpunitateari stop", "estatu krimenak" eta "herriak ez du ahaztuko" leloak ageri zituzten kartel horiek.

• Irailaː Espainiako fiskaltzak zalantzan jarri zuen ETAk armak benetan eman ba zituen hala ez. ETA indarrean zegoela, armatua eta berrantolatu ahal zela ziurtatu zuten. Beraien ustetan "inbentarioan" hutsuneak zeuden eta Kale Borroka indarrean zegoen. Aldi berean era kontraesankorrean "ETA garaitua izan delaren ziurtasuna" zuen.

• 2018ko irailaː Orain arteko "Dena da ETA"ko azken makroepaiketa. 11/13 sumarioko 45 auzipetu ez ziren espetxean sartu, aldeek akordioa lortu ostean. Akordioa lortzeko, 47 auzipetuek KT/Koordinazio taldearen parte zirela onartu zuten. Dagoeneko deseginda dagoen ETAren zuzendaritzapean aritzen zen taldea da hori, akusazioaren arabera. Hau da, ETAkoak zirela esan zuten gartzela sahiestearren. Bi pertsonek (Arantza Zulueta eta Jon Enparantzak) izan ziren salbuespen bakarra. Gainerako epaitatutakoen iritzian bi hauen bihotz zabaltasunari esker, Arantzak eta Jonek, "buruzagi"ak zera aitortu zuen eta 5 hilabete sartu zituzten kartzelara.

Bestalde, Carmen Ladron de Guevara AVTren abokatuaren hitzetan, akordioa "lorpen garrantzitsua izan da", auzipetuek leporatutakoak onartu zituztelako. "Biktimen elkartearentzat garrantzitsua da arlo juridikoan zein kontakizunean", adierazi zuen.

• 2019ko azaroaː Pirritx, Porrotx eta Marimotots pailasoek Iruñeko udaleko alkatearen betoa jaso zuten, arrazoia hau izan zen Enrique Maia alkatearen araberaː "Pailazo hauek ezker abertzaleari lotuta daude eta ETAko presoen omenaldiak bezalako gai gogorretan ere parte hartu dute".

Guardia zibilaren parodiak ETAren aldekotzat salatuak izan ziren Audientzia Nazionalagatik

• 2020ko urtarrilaː Guardia Zibilaren Sortuko lau kide atxilotu zituen Euskal presoei eginiko 95 harrera ekitaldi «antolatzea eta koordinatzea»gatik. Atxilotu eta gutxira askatu zituzten.

• 2021eko apirilak 7 Navarra Sumak ETArekin lotu zituen Pirritx, Porrotx eta Marimotots pailazoak. Burlatako Navarra Sumak zera esan zuenː «Ezin dugu babestu beren ibilbidea ETAren kausaren aldekotasunez markatua duten pailazo batzuk kontratatzea».

• 2021ko apirila. 2020ko azaroaren 7an Iruñeako Arrotxapea auzoan izan ziren istiluen harira, maiatzean atxilotutako 10 gazteak karguekin aske utzi zituzten Ikerketaren jatorria Poliziaren txosten bat zen, zeinak adierazten zuen gazteek ETAren zatiketa baten ondorengo taldea osatzen zutela.

• 2021ko iraila. 2021eko irailak 22an, Espainiako Auzitegi Nazionalak Sorturen Kalera Info aldizkaria eta webgunea behin-behinean ixteko agindu zuen. Guardia Zibilaren txostenetan oinarrituta eta epaileak agindua, fiskaltzak abiatutako diligentzia baten bidez, «terrorismoari gorazarre» egitea egotzi zioten. Epailearen autoak zehazten zuen «ongietorrien bidez eta ETA talde terroristako kideei egindako omenaldien bidez» egiten zitzaiola aldizkarian eta webgunean «terrorismoari gorazarre», eta publikazio horiek Interneten dauden «delitu ekintzak eragin» ditzaketela. Hori «eragozteko» Interneteko loturak blokeatzeko galdegin zuen epaileak, «gorazarre delituaren arduradunak ezagutzeko ikerketak jarraitzen duen bitartean».

• 2022ko urtarrila. Espainiako Auzitegi Nazionalak Sorturen "Kalera Info" aldizkaria eta webgunea behin-behinean ixteko agindu zuen. Guardia Zibilaren txostenetan oinarrituta, fiskaltzak abiatutako diligentzia baten bidez, eta «terrorismoari gorazarre» egitea egotzi zien komunikabide honi. Epailearen autoak zehazten du «ongietorrien bidez eta ETA talde terroristako kideei egindako omenaldien bidez» egiten zaiola aldizkarian eta webgunean «terrorismoari gorazarre», eta publikazio horiek Interneten daudeino «delitu ekintzak eragin» ditzaketela. Hori «eragozteko» Interneteko loturak blokeatzeko galdegiten zuen epaileak, «gorazarre delituaren arduradunak ezagutzeko ikerketak jarraitzen duen bitartean». 2017tik argitaratzen zuen Sortuk Kalera Info aldizkaria, hiru hilean behin.
• 2022ko maiatza. AEBek «atzerriko talde terroristen» zerrendatik ezabatu zuten ETA jadanik zendua zela argudiatuta. Etxe Zuriak bost urtean behin eguneratzen du zerrenda. AEBek harturiko neurriak eragina izan behar luke berez ehunka euskal herritarrengan. Izan ere, ETAko kide izatea egotzita auzipetu eta zigortutakoek eragotzia zuten orain arte AEBetara bidaiatzea. Dena da ETAren logikaren barruan, ETA "talde terroristen" zerrendan mantentzeak, Askatasuna, Batasuna, Ekin, Euskal Herritarrok, Herri Batasuna, Jarrai-Haika-Segi, K.A.S., XAKI eta hamarnaka erakundeei eta beraien kide izandakoei eragiten zien.

• 2023eko abuztua. Espainiako Audientzia Nazionalak Etxarri Aranatzen antolatu zuten "Inutilaren Eguna" ikertu zezaten agindu zuen. Beraientzat (Guardia Zibilaren aurkako) gorroto delitua eta (ETAren aldeko) terrorismoaren gorazarrea egon ahal zen Guardia Zibilari iseka egiteko helburuarekin antolatu zituzten parodietan.

• 2023eko iraila. Jordi Evole kazetariak Josu Urrutikoetxea ETAren ordezkari ohiari egindako elkarrizketa eman zuten Donostiako 71. Zinemaldian. Lanak "No me llame Ternera" zuen izena. 500 pertsona baino gehiagok, horien artean Dignidad y Justicia, Fernando Savater, Maite Pagazaurtundua, Eduardo Uriarte edo eta Rosa Díez Espainiako fiskaiari eskatu zion Donostian ikusteko aukera eman baino lehen filma ikertzea filma honek terrorismoaren goratzea edo terrorismoa zuritu egiten zuelakoan.

• 2023ko abenduaː Ertzaintzak Joxe Mari Agirretxe 'Porrotx'-en aurkako ikerketa bat zabaldu zuen. Covitek eta espainar komunikabideen bulkadaren ondorioz gertatu zen ikerketa hori. Porrotx eginiko lan batean haurrak azaltzen ziren, presoen eskubideen aldeko bideo labur batean. «Beti bezala, umeak baliatzen dituzte jarrera biktimista duten ETAkoen inpunitatearen alde», esan zuen Covitek.

• 2024ko urtarrilaː BMWk eta Iberiak eten egin zuten Itziar Ituñokin zuten harremana, aktoreak Sareren manifestazioan parte hartu ostean. Sare Herritarrak urtarrilean Bilbon ospatzen den «euskal presoek dituzten eskubideen alde eta indarkeriaren biktimei babesa eta elkartasuna helarazteko» egindako manifestazioan parte hartzeagatik, espainiar nazionalismoaren inguruko komunikabideek zalaparta sortu eta gero, Euskal Herriko BMWren saltokiek eten egin zuten Itziar Ituño aktorearekin zuten hartu-emana, baita Iberiak ere.