Kaspiar itsasoa

Kaspiar itsasoa
Kaspiar itsasoa satelite irudian
Kokalekua	Azerbaijan Iran Kazakhstan Errusia Turkmenistan
Koordenatuak	40°′″N 51°′″E
Garaiera	-28 m
Eremua	(1995): 371.000 km²
Bataz besteko sakonera	184 m
Gehienezko sakonera	1.025 m
Arroa	3.626.000 km²
Betebidea	Volga, Kura, Terek, Ural eta Emba ibaiak
Hustubidea	Lurrunketa
Uharteak	Asko. Handiena Ogurja Ada da
Hiriak	Baku (Azerbaijan), Rasht (Iran), Aktau ( Kazakhstan),Turkmenbashi (Turkmenistan)

Kaspiar itsasoa (azerbaijaneraz Xəzər Dənizi, errusieraz Каспийское море, Kaspískoie more, kazakheraz Каспий теңізі, Kaspij teñizi, turkmeneraz Hazar deňzi, persieraz دریای مازندران یا دریایخزر , Daryâ-ye Mâzandarân) Asia eta Europa artean dagoen itsaso itxi bat da. Munduko lakurik handiena da, 371.000 kilometro koadrorekin, eta itsaso eta lakuenak diren hainbat ezaugarri ditu. Ura gazia da. Emaile nagusia Volga da eta ur galera nagusia ebaporazioa da.

Geografia

Kaspiar itsasoak, aspaldiko denboretan Caspium Mare edo Hyrcanium Mare deitua, Errusia (mendebaldean), Azerbaijan (hego-mendebaldean), Iran (hegoaldean), Turkmenistan (hego-ekialdean) eta Kazakhstan (iparralde eta ekialdean) bustitzen ditu. Kaspiar itsasoaren hego-mendebaldean Kaukaso mendilerroa dago eta hegoaldean Elburz mendiak. Ekialdeko bazterrean, Turkmenistanen, Kara Bogaz Gol golkoa dago, oso handia eta sakontasun gutxikoa.

Kuma-Manitx ubideak Kaspiar eta Azov itsasoak lotzen ditu.

Kostan dauden hiriak

• Sari (IRN)
• Baku (AZE)
• Astara (IRN)
• Astara (AZE)
• Landaran (AZE)
• Sumqayit (AZE)
• Neft Dashlari (Oil Rocks) (AZE)
• Khachmaz (AZE)
• Astrakhan (RUS)
• Derbent (RUS)
• Bandar Anzali (IRN)
• Rasht (IRN)
• Ramsar (IRN)
• Chalous (IRN)
• Nushahr (IRN)
• Turkmenbashi (TKM) (lehen Krasnovodsk deitua)
• Atyrau (KAZ) (lehen Guriev deitua)
• Aktau (KAZ) (lehen Shevchenko deitua)