Joan II.a Komneno

Wikipedia(e)tik
Hona jo: nabigazioa, Bilatu
Joan II.a Komneno (masaikoa Santa Sofian)

Joan II.a Komneno, grezieraz Ίωάννης Β΄ Κομνηνός, Iōannēs II Komnēnos, (1087ko irailak 13-1143ko apirilak 8), bizantziar enperadore bat izan zen, Alexo I.a Komnenoren seme eta oinordekoa. Balkanetan parte hartu zuen, geratzen ziren petxenegoak ezabatuz, 1122an eta Hungaria eta Serbian ere parte hartu zuen. Ez zuen horrenbeste arrakasta izan pisatarren eta genoarren arteko borroketan, bizantziar merkataritzaren veneziar domeinua gainetik kentzeko bietako baten ere laguntzarik lortu gabe. Ekialdean, Antiokiako printzerriaren gainean eta Edesa eta Tripoliko konderri estrategikoen gainean bere autoritatea ezarri zuen. Palestinarantz aurrera egitea pentsatzen ari zen, ehiza istripu batean, zauri hilgarri bat jasan zuenean. Gizon bizia, baina, aldi berean, malgutasun handikoa eta sentimendu humanitarioz betea, bere garaikideek, Komneno dinastiako enperadorerik hoberentzat jo zuten.


Aurrekoa
Alexo I.a Komneno
Bizantziar enperadorea
1118-1143
Ondorengoa
Emanuel I.a Komneno
Commonsen badira fitxategi gehiago, gai hau dutenak: Joan II.a Komneno Aldatu lotura Wikidatan