Filipe II.a Espainiakoa

Wikipedia(e)tik

Filipe II.a Gaztela eta Portugalgoa edo Filipe I.a Aragoikoa (Valladolid, Espainia, 1527 - Madril, 1598) 1556tik 1598ra Espainiako eta 1580tik 1598ra Portugalgo errege izan zen. Karlos I.a eta Isabel Portugalgoaren semea zen.

Haren omenez izendatzen dira Filipinak.

[aldatu] Politika

Izan zuen lehen liskarra morisko delakoena izan zen. Moriskoen integrazioa zaila zenez 1567an dekretua eman zen, moriskoak beren erlijioari, hizkuntzari eta ohiturei uko egitera behartzen zituena. Moriskoen erantzuna Alpujarretako altxamendua izan zen.

Beste arazoetako bat, Antonio Perez, Filipe II.aren idazkariak 1591an egin zion ustezko traizioa izan zen: idazkaria Holandarren espioi zela uste eta salatu egin zuten.

Atzerriari dagokionez, Frantziak potentzia aurkaria izaten jarraitu zuen. Filipe II.a Henrike II.aren borrokatu zuen Italian eta Frantzian, eta azken honetan garaile suertatu zen Saint-Quentingo guduan. Frantziak orduan Flandrian finkatu zuen bere helburua, baina hor ere garaitua izan zen 1558an. Azkenean, 1559an Cateau-Cambrésiseko bakea sinatu zen, eta horren bidez Espainiak hegemonia lortu zuen Europan.

Turkiarren arazoari zegokionez, Pio V.a Aita santuak, Veneziak eta Espainiak Liga Santua sortu zuten. Kristauen itsasontziek Lepantoko guduan (1571) lortu zuten garaipenari esker, Mediterraneoko indarren arteko oreka berreskuratu zen.

	Espainiako erregeak
Karlos I.a • Filipe II.a • Filipe III.a • Filipe IV.a • Karlos II.a • Filipe V.a • Luis I.a • Fernando VI.a • Karlos III.a • Karlos IV.a • Jose I.a • Fernando VII.a • Isabel II.a • Amadeo I.a • Alfontso XII.a • Alfontso XIII.a Egungoa: Joan Karlos I.a