Trebiñuko Konderria

Wikipedia(e)tik

Trebiñuko Konderria Burgosko probintziaren (Gaztela eta Leon, Espainia) lurraldea da, ikuspuntu geografiko eta kulturaletik Arabako parte dena. Gasteiztik 15 kilometro hegoaldera dago eta 329 kilometro karratuko hedadura du. Iparraldean Gasteiz mendiek eta hegoaldean Toloñoko mendilerroak mugatzen dute lurraldea.

Konderria bi udalerrik osatzen dute: Trebiñu eta Argantzun. Bertako biztanleek hainbatean eskatu dute lurraldea Arabari batzea^[1].

Eduki-taula 1 Mugakideak 2 Herriak 3 Trebiñuko auzia 4 Trebiñu euskaraz 5 Erreferentziak 6 Kanpo loturak

[aldatu] Mugakideak

Arabako udalerri hauek inguratzen dute konderria: Iparraldean Iruña Oka eta Gasteiz, ekialdean Bernedo, hegoaldean (ekialdetik mendebaldera) Lagran, Urizaharra, Zanbrana, Berantevilla eta Armiñon eta mendebaldean Erriberagoitia.

[aldatu] Herriak

Trebiñu eta Argantzungo udalerrien barnean hainbat herri dago. Gehien-gehienak Trebiñuko udalerriari dagozkio:

[aldatu] Trebiñuko auzia

Trebiñuko Konderria Arabako lurraldeetan dagoen eskualdea da, administratiboki Burgosko probintzia dena. Hau horrela da Erdi Arotik, Gaztelako erregeak Nafarroakoa 1200. urtean garaitu zuenean.

Trebiñu Araban sartzeko hainbat eskaera egin dituzte konderriko agintariek zein herritarrek. 1998ko martxoaren 8an auziari buruzko erreferenduma egin zen konderrian. Emaitzak hauek izan ziren:

Hautesleak	919
Abstentzioak	214 - %23,3
Boto baliodunak	705 - %76,7
Araban sartzeari baiezkoa	477 - %68,1
Burgosen geratzeari baiezkoa	221 - %31,5
Zuriak	2 - %0,28
Nuluak	5 - %0,70

Hala ere, Gaztela eta Leongo agintariek ez zuten kontsulta ontzat eman.

[aldatu] Trebiñu euskaraz

Euskarazko aztarnak nabarmenak dira eskualde osoko toponimian, inguruko Arabako udalerrietan bezala.

Halaber, gaur egun hiztun berriak bizi dira konderrian, batik bat Argantzungo ikastolari esker. Udalerri horrek bi aldiz antolatu izan du "Araba Euskaraz" jaia azken urteotan, 2001 eta 2007an hain zuzen ere.

[aldatu] Erreferentziak

[aldatu] Kanpo loturak

• Trebiñuko konderria Auñamendi entziklopedian
• Trebiñu Araban integratzearen aldeko ekimena, Trebiñu Araban integratzearen aldeko ekimena
• Zortzigarrena, Trebiñu Araban integratzearen aldeko bloga

	Trebiñuko Konderriko herri aurkibidea (Trebiñu eta Argantzun udalerriak): Trebiñuko Konderria
Agilu • Albaita • Añastro • Araiko • Arana • Argantzun • Argote • Armentia • Arrieta • Askartza • Axarte • Baxauri • Billa Oka • Burgeta • Bustu • Dordoniz • Doroñu • Franku • Fuidio • Golernio • Grandival • Imiruri • Kutxu • Lañu • Marauri • Meana • Mesantza • Moraza • Moskator • Morgas • Obekuri • Ogeta • Otxate • Ozilla eta Ladrera • Ozana • Pangua • Pariza • Pedruzo • Samiano • San Esteban Trebiñu • San Martin Galbarin • San Vicentejo • Sanmartinzar • Saratsu • Saseta • Tarabero • Trebiñu • Torre • Uzkio • Billa Tobera • Zurbitu

	Arabako udalerriak
Agurain • Aiara • Amurrio • Añana • Aramaio • Argantzun* • Armiñon • Arraia-Maeztu • Arratzu-Ubarrundia • Artziniega • Asparrena • Badaiako Sierra Bravako Komunitatea • Barrundia • Bastida • Berantevilla • Bernedo • Bilar • Burgelu • Donemiliaga • Dulantzi • Ekora • Eltziego • Entzia-Iturrietako Partzuergoa • Erriberabeitia • Erriberagoitia • Eskuernaga • Gasteiz • Gaubea • Guardia • Harana • Iruña Oka • Iruraitz-Gauna • Kanpezu • Kripan • Kuartango • Lagran • Lantaron • Lantziego • Lapuebla de Labarca • Laudio • Legutio • Leza • Mañueta • Moreda Araba • Navaridas • Oion • Okondo • Samaniego • Trebiñu* • Urizaharra • Urizaharra, Lagran eta Lañuko Komunitatea • Urkabustaiz • Zalduondo • Zanbrana • Zigoitia • Zuia