Atxondo

Atxondo
Bizkaia
Atxondoko Axpe herria.
Izen ofiziala	Atxondo
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Bizkaia Durangalde
Alkatea	Rosa Maria Elizburu Oianguren (Bildu)
Herritarra	atxondoarra
Koordenatuak	43°07′49″N 02°35′06″W
Eremua	23,41 km2
Garaiera	169 m
Distantzia	36 km Bilbora
Posta kodea	48291
Biztanleria	1.415 bizt. (2012)
Dentsitatea	60,44 bizt./km²

Atxondo Bizkaiko hego-ekialdean dagoen udalerria da, Durangaldean eta ingurune natural eder baino ederragoan kokatua.

1964. urtean Atxondo bailarako hiru herriek (Apatamonasterio, Axpe-Martzaa eta Arrazola) bat egin zuten, Atxondo Udalerria sortuz.

1.400 biztanle inguru ditu gaur egun.

Atxondoko Arrazola herriaren ikuspegi orokorra

Mugakideak

Elorriorekin muga dauka ekialdean, Abadiñorekin mendebaldean eta Aramaiorekin (Araba) hegoaldean.

Etimologia

Atxondoren jatorria atx edo haitz eta ondo hitzetan da, seguruenik. Beraz, herriaren izenak haitzaren ondoan esan nahi du, Anboto izanda aipatutako atxa.

Kokapena eta sarbideak

Herrialdearen eta eskualdearen hego-mendebaldean dago kokatua, Arabako mugatik gertu. Alderik harritsuenean dago kokatua, Ibaizabal ibaiko ertzetik Anboto mendiraino zabaltzen den bailaran, hain zuzen ere. Mendi horiek osatzen duten kareharrizko hormak 600 metroko goibeheak ere sortzen ditu, Euskal Herri osoko handienak. Horra hor udalerriaren izena.

Atxondok honako udalerri hauekin egiten du muga: iparraldean Abadiño eta Elorriorekin,, hegoaldean Arabako Aramaiorekin, ekialdean Elorriorekin eta mendebaldean Abadiñorekin.

Komunikabideak

Komunikabideak BI-634 errepidea den ardatzean daude oinarrituta, udalerria Apatamonasteriotik zeharkatzen duena, eta Durango eta Arrasaterekin bat egiten duena. Ibilbide hori Durango-Beasain ardatzaren zati da. Durangon, A-8 autobidearekin lotu daiteke, Bilbo eta Donostiara joateko. Apatamonasterio auzotik, Axpe edo Arrazola herrixkekin lotzeko aukera ere badago, udalerriko errepideen bidez. Bilbotik 36 kilometrora dago Atxondo, eta eskualdeko hiriburu den Durangotik 6 kilometrora.

Antzina, Durango-Elorrio trenbidea udalerritik ere pasatzen zen, eta Apatamonasteriotik Arrazolara zihoan beste bide bat ere bazegoen. Azken bide hau meatze-tren bat zen, baina bidaiarientzako zerbitzua ere eskaintzen zuen. Aspaldian bertan behera gelditu zen, eta horren ordez gaur egun pasealeku eder bat dago, turismorako aukera paregabea eskaintzen duena.

Konposizioa

Atxondon industrialdea Apatamonasterion dago kokatua, errepide-saretik gertu.

Demografia

Atxondoko biztanleria

1897	1900	1910	1920	1930	1940	1950	1960	1970	1981	1991	2001	2006
*	*	*	*	*	*	*	*	1.044	1.369	1.525	1.427	1.441

Ikus, gainera

• Bizkaiko udalerrien zerrenda

Kanpo loturak

• (Euskaraz) Durangaldea
• (Euskaraz) Atxondoko Udala