Soraluze

Wikipedia(e)tik
Hona jo: nabigazioa, Bilatu

Soraluze

 Gipuzkoa
Soraluzeko ikuspegia.
Soraluzeko ikuspegia.

Soraluzeko armarria

Izen ofiziala Soraluze / Placencia de las Armas
Estatua
Erkidegoa
Lurralde Historikoa
Eskualdea
Espainia
Euskal Autonomia Erkidegoa
Gipuzkoa
Debabarrena
Alkatea Hiart Arluziaga (Bildu)
Herritarra soraluzetar
Koordenatuak 43°10′N 2°25′W / 43.167°N 2.417°W / 43.167; -2.417Koordenatuak: 43°10′N 2°25′W / 43.167°N 2.417°W / 43.167; -2.417

Gipuzkoa - Soraluze.svg

Eremua 14,22 km2
Garaiera 111-851 m
Distantzia 54 km Donostiara
Posta kodea 20590
Biztanleria 3.954 bizt. (2013)
Dentsitatea 278,06 bizt./km²
Sorrera 1342 urriaren 15
http://www.soraluze.net

Soraluze (Gipuzkoa) Debabarrenako udalerria da. 14,1 km² ditu eta 2008an 4.029 biztanle zituen. Biztanleria dentsitatea 283,33 biztanle kilometro koadrokoa da. Deba ibaiak herria erditik zeharkatzen du, ibaiak zeharkatzen duen Debabarreneko lehen herria da eta itsas mailatik 110,38 metrora dago.

Bere sorreratik, 1343. urtetik hain zuzen, armagintzari lotutako herria izan da Soraluze. Horregatik datorkio gaztelaniazko izenaren azken zatia, "de las Armas".

Izena[aldatu | aldatu iturburu kodea]

Erdi Aroko gaztelaniazko Placencia eta Placencia de Soraluce forma haiek, Placencia de las Armas bihurtu ziren XV. mendearen bueltan, armagintzaren indarraren poderioz. XX. mendearen azken laurdenera arte Placencia de las Armas izan zen izen ofizial bakarra, baina gaur egunean izen ofizial bikoitza du herriak: Soraluze euskaraz eta Placencia de las Armas gaztelaniaz. Biak izen bakar luze gisa ere agertzen dira batzuetan: Soraluze-Placencia de las Armas.

Herritarrek Plaentzia, Plazentzia, Plaentxia edo Plaentxi esan izan diote herriari euskaraz, 2005 arte. Orduan, Euskaltzaindiak ontzat ematen zuen forma horietako bat, Plaentzia hain zuzen ere, baina azkenean,Euskaltzaindiaren 140. arauan finkatua utzi du akademiak Soraluze dela udalerriaren euskarazko izena, eta ez besterik.

Geografia[aldatu | aldatu iturburu kodea]

Mugakideak[aldatu | aldatu iturburu kodea]

Soraluzek muga egiten du Debabarrena eta Debagoiena eskualdeekin, eta Urolako bailara ere badu bere ekialdean. Gainera, herri hauekin egiten du muga: ipar eta ekialdean Elgoibarrekin, hegoaldean Bergararekin eta mendebaldean Eibarrekin. Iparraldean Maltzagan egiten du bat Elgoibar eta Eibarrekin. Ekialdean, Irukurutzeta mendian lotzen dira Azkoitia, Elgoibar, Bergara eta Soraluze.

Orografia[aldatu | aldatu iturburu kodea]

Soraluze bi mendiren artean kokatua dago. Orografia malkartsuko gune batean hain zuzen. Ipar eta ekialdean Mazelaegiko kordala dauka, eremu megalitikoa, Karakatetik hasi eta Elosuan bukatzen dena. Bertan Karakate, Atxolin, Hirukurutzeta eta Kurutzebakar mendiak daude. Ibaiaren beste aldean, mendebaldean hain zuzen, Krabelin mendia daukagu. Elgetako mendietaraino iristen den kordala sortzen da bertan. Han, mendigainean, Gerra Zibilean erabilitako lubakiak daude. Mazelaegiko kordalak 700-900 metro inguruko garaiera du eta Krabelin inguruak, aldiz, 500-600 metro ingurukoa.

Ibaia[aldatu | aldatu iturburu kodea]

Soraluzeren geografia eta izaera Deba ibaiak ere markatzen du, erditik zeharkatzen baitu, hegoaldetik iparrera itsasoranzko bidean, Olakosin eta Igarate artean.

1343an erdi-puntuko hiru arkuren gainean herriko erdiko zubia eraiki aurretik, arpasu estrategiko batzuek zeharkatzen zuten herria. Hiru arku horietako batek oraindik ere zutik dirau, 1967an izan zuen izugarrizko birmoldaketa gorabehera. Hareharrizko harlanduzko ondoko arku handia, berriz, 1843 inguruan eraiki zen. Aipatu arpasu horiek honako bi gune hauek lotzen zituzten: Gabolats eta Igareta errota, "Arana-Bailaran, Iturribalzaga etxearen ondoan" zegoena, gaur egungo Baltegietan. 80ko hamarkadan suntsitu egin ziren bi arkuok. Frogatutako antzinatasuna zuten eta, era berean, birrindu egin ziren beste "arpasu" batzuk Maxpea Errekalde inguruarekin lotzen zutenak ziren.

Auzoak[aldatu | aldatu iturburu kodea]

Demografia[aldatu | aldatu iturburu kodea]

Administrazioa[aldatu | aldatu iturburu kodea]

2011ko maiatzaren 22ko hauteskundeetako emaitzen ondorioz, Bildu koalizioko Hiart Arluziaga hautatu zuten alkate.

Udalerri Hauteskundeak Soraluzen
Alderdi politikoa 2011 2007
Botuak% Zngtzk Botuak% Zngtzk
Bildu 41,43% 5 - -
Euzko Alderdi Jeltzalea (EAJ-PNV) 30,51% 4 25,17% 3
Euskadiko Alderdi Sozialista-Euskadiko Ezkerra (PSE-EE) 17,23% 2 20,2% 2
Alderdi Popularra (PP) 6,87% 0 7,63% 1
Ezker Batua-Berdeak 1,6% 0 - -
Eusko Abertzale Ekintza (EAE-ANV) - - 26,54% 3
Eusko Alkartasuna (EA) - - 15,4% 2
Ezker Batua-Berdeak/Aralar (EB-B/A) - - 4,17% 0

Pertsonaia ezagunak[aldatu | aldatu iturburu kodea]

Bitxikeriak[aldatu | aldatu iturburu kodea]

  • E.H. Sukarrak Soraluzeko gaztetxean eman zuen bere lehen kontzertua.
  • Xabier Euzkitze bertsolari eta kazetari famatuak Soraluzen eman zuen bere azken bertso saioa (1998ko abenduan).

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Portal.svg
Wikipedian atari bat dago honi buruz:
Euskal Herriko Wikiatlasa
Commonsen badira fitxategi gehiago, gai hau dutenak: Soraluze Aldatu lotura Wikidatan