Arrhenia lobata
| Arrhenia lobata | |
|---|---|
_K%C3%BChner_%26_Lamoure_ex_Redhead_16371_crop.jpg) | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Arrhenia |
| Espeziea | Arrhenia lobata Redhead, 1984 |
Arrhenia lobata Tricholomataceae familiako onddo espezie bat da.[1] Ez da erabiltzen sukaldean, baina desagertzeko arriskuan dago, babestu egin behar da.
Sinonimoak: Merulius lobatus, Leptoglossum lobatum, Dictyolus lobatus, Cantharellus lobatus. Merulius mucigenus var.lobatus, Helvella membranacea.
Deskribapena[aldatu | aldatu iturburu kodea]
Kapela: 1 eta 3 cm bitarteko luzerakoa, konkoidea (haizemailea, espatula), azkenean lobulatu-izurtua. Azal leuna edo zimur gutxikoa, distiratsua hezetasunarekin, higrofanoa, arrexka tindu grisaxkekin.
Himenioa: Tolestura irregularrekin, anastomosatuak, azalaren antzeko kolorekoa (zertxobait zurbilagoa). Ia sesila, erditik atxikitzen zaio substratuari.
Haragia: Gelatinakara, mintzezkoa, zeharrargitsua. Usaingabea eta zaporegabea. [2]
Etimologia: Arrehnia terminoa, Johan Peter Arrhenius-i eskainia dago. Lobata epitetoak, lobulu formakoa, lobulutan zatituta, esan nahi du.
Jangarritasuna[aldatu | aldatu iturburu kodea]
Ez du sukaldaritzarako balio.[3]
Nahasketa arriskua[aldatu | aldatu iturburu kodea]
Arrhenia spathulata delakoarekin nahas daiteke, honek kolore zurbilagoa du. Arrhenia auriscalpium-en oina, mintz baten bidez elkartzen da kapelarekin.
Sasoia eta lekua[aldatu | aldatu iturburu kodea]
Urte osoan. Bakarrik edo talde txikitan. Zohikaztegietan eta mendiko zingiretan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Groenlandia, Islandia, Svalbard uhartedia, Europa, Errusia.[4]
Erreferentzia[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 124 or. ISBN 84-282-0865-4..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Arrhenia lobata: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q10551912
Multimedia: Arrhenia lobata / Q10551912