Ganoderma resinaceum
| Ganoderma resinaceum | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Polyporales |
| Familia | Ganodermataceae |
| Generoa | Ganoderma |
| Espeziea | Ganoderma resinaceum Boud., 1889 |
Ganoderma resinaceum Ganodermataceae familiako onddo espezie bat da.[1] Ez da jangarria, bilbe erretxinatsua eta gogorra.
Deskribapena[aldatu | aldatu iturburu kodea]
Karpoforoa: Zirkuluerdikoa, tamaina handikoa, 40 cm izatera irits daiteke. Arre-laranja kolorekoa hasieran, eta berehala arre ilun kolorekoa, gainazal izur zentrokideekin, eta sugar baten beroarekin urtzen den zarakar erretxinatsu batek estaltzen du; loditasun oso biguna du fresko dagoenean, hatzaren presioari suharki amore ematen dio, gero gogorra. Kortxo koloreko bilbea.
Tutuak: 8 eta 10 mm bitartekoak.
Poroak: Txikiak, 3 mm bakoitzeko, hasieran zurixkak. Arre kolorez zikintzen dira.[2]
Etimologia: Ganoderma terminoa antzinako grekozko "ganos" hitzetik dator, distira esan nahi duena eta azala esan nahi duen "derma" hitzetik.
Jangarritasuna[aldatu | aldatu iturburu kodea]
Ez da jangarria.[3]
Nahasketa arriskua[aldatu | aldatu iturburu kodea]
Ganoderma pfeifferi delakoarekin, hau ere zarakar erretxinatsu batez estalita dago, baina honek bilbea marroi-gorrizka bizi kolorekoa du eta pagoetan hazten da.
Sasoia eta lekua[aldatu | aldatu iturburu kodea]
Urte osoan, normalean haritz enborretan hazten da. Ez da oso ohikoa.[4]
Banaketa eremua[aldatu | aldatu iturburu kodea]
Mundu osoan, batez ere klima epel eta tropikaleko eremuetan.
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 624 or. ISBN 84-404-0530-8..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 503 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 144 or. ISBN 84-505-1806-7..
Kanpo estekak[aldatu | aldatu iturburu kodea]
Datuak: Q1415748
Multimedia: Ganoderma resinaceum / Q1415748