Pseudoclitocybe expallens
| Pseudoclitocybe expallens | |
|---|---|
 | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Pseudoclitocybe |
| Espeziea | Pseudoclitocybe expallens M.M.Moser, 1967 |
Pseudoclitocybe expallens Tricholomataceae familiako onddo espezie bat da.[1] Ez du sukaldaritzako interesik, bakana delako. Clitocybe baten itxura duen perretxikoa da, kapela eta oin ilunak ditu, orriak ere ilunak, baina zertxobait argiagoak.
Deskribapena[aldatu | aldatu iturburu kodea]
Kapela: Txikitik ertainerako tamaina du, 2 eta 4 cm bitarteko diametrokoa, erdian deprimitua edo apur bat unbilikatua, gainazal leuna eta lehorra, kolore higrofanokoa, nahiko aldakorra, marroi-buztin kolorekoa, marroi-grisaxka, gris-urdinxka eta abar, ertzean ildaskatua gardentasunagatik.
Orriak: Nahiko lodiak, zabal, hondoan zainekin elkartuak, okre samarreko kolorekoak, Entoloma onddoen kolorea gogorarazten dute edo grisaxka kolorekoak. Zertxobait dekurrenteak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Zilindrikoa edo pixka bat loditua oinarrirantz, 2 eta 4 cm bitarteko garaierakoa eta 8 mm arteko lodierakoa oinarrian, barnehutsa, azal zurixkakoa eta fin-fin ildaskatua luzetara.
Haragia: Oso fina, ia mintzezkoa, kapelaren kolore berekoa, usain eta zapore nabarmenik gabea. Espora-jalkina zuria.[2]
Jangarritasuna[aldatu | aldatu iturburu kodea]
Ez da erabiltzen sukaldean.[3]
Nahasketa arriskua[aldatu | aldatu iturburu kodea]
Askoz arruntagoa den Pseudoclitocybe cyathiformis espeziearekin nahas daiteke, honek kapela argiagoa du, unbilikatua edo inbutu formakoa, eta, barez ere, oinaren eta kapelaren kolorea ilunagoa, marroitik marroi-grisaxkara.
Sasoia eta lekua[aldatu | aldatu iturburu kodea]
Neguan. Oso espezie arraroa da, eta harizti eta pagadietako soilgune belartsuetan hazten da.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Brasil, Kanariak, Europa, Errusia, Turkia, Iran.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 130 or. ISBN 84-282-0865-4..
- ↑ (Gaztelaniaz) Guia de Setas y Hongos de Navarra.
- ↑ Pseudoclitocybe expallens: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q10681835
Multimedia: Pseudoclitocybe expallens / Q10681835