Xerocomus badiorufus
| Xerocomus badiorufus | |
|---|---|
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Boletales |
| Familia | Boletaceae |
| Generoa | Xerocomus |
| Espeziea | Xerocomus badiorufus Bon, 1970 |
Xerocomus badiorufus Boletaceae familiako onddoa da.[1]
Sinonimoa: Boletus badiorufus
Deskribapena[aldatu | aldatu iturburu kodea]
Kapela: Handia, 12 eta 15 cm bitarteko diametrokoa. Globo itxurakoa, belusatua eta uher kolorekoa gorri-purpuraz tindatua, ertza oso bereizgarria den azpildura zuri batez apaindua.
Tutuak: Laburrak eta dekurrenteak eta oinaren goialdean erretikulu faltsu bat osatzen dute, xehetasun hau ere bereizgarria da.
Tutu dekurrenteak: Hanka ukitzeaz gain beherantz jarraitzen duten tutuak.
Poroak: Hori-grisaxka kolorekoak eta ukitzean pixka bat urdindu egiten dira eta gero grisak bihurtzen dira.
Hanka: Luzea, pixka bat puztua, ertza sustrai antzekoarekin eta lurrean sakon sartuta. Oso haritsua da, hori-oliba kolorekoa puntutxo marroiekin eta erretikulu motz bat darama goialdean.
Haragia: Itxia eta zurixka eta aireak ukitzean pixka bat urdindu egiten da. Kapelaren azalaren azpian hori-laranja kolorekoa da eta gris-iluna oinaren oinarrian.[2]
Etimologia: Boletus terminoaren etimologia eztabaidagarria da.
Jangarritasuna[aldatu | aldatu iturburu kodea]
Jangarri ona da eta larbek gutxitan erasotzen diote.
Nahasketa arriskua[aldatu | aldatu iturburu kodea]
Kapelaren forma, bere azpildura zurixka, tutu dekurrenteak, oineko erretikulu faltsua eta lurrean sakon sartuta egoteak espezie hau erraz sailkatzeko balio duten xehetasunak dira.
Sasoia eta lekua[aldatu | aldatu iturburu kodea]
Txilardietan eta baso mistoetan hazten da, bakarrik edo bi bizpahiru aleko taldetan.
Banaketa eremua[aldatu | aldatu iturburu kodea]
Euskal Herria, Erresuma Batua, Suitza, Eslovenia, Austria.[3]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 383 or. ISBN 84-505-1806-7..
- ↑ Xerocomus badiorufus: GBIF—the Global Biodiversity Information Facility.
Kanpo estekak[aldatu | aldatu iturburu kodea]
Datuak: Q4021789