Faerberia carbonaria
Faerberia carbonaria | |
---|---|
Sailkapen zientifikoa | |
Erreinua | Fungi |
Klasea | Agaricomycetes |
Ordena | Polyporales |
Familia | Polyporaceae |
Generoa | Faerberia |
Espeziea | Faerberia carbonaria Pouzar, 1981 |
Faerberia carbonaria Polyporaceae familiako onddo espezie bat da.[1] Jangarria, Beste Cantharellus batzuen kalitatea baino apalagokoa du.
Sinonimoak: Cantharellus carbonaria, Cantharellus umbonatus var. carbinarius. Cantharellus anthracophilus, Merulius carbonarius, Merulius leucophaeus. Lentinus carbonarius.
Deskribapena[aldatu | aldatu iturburu kodea]
Kapela: 2 eta 6 cm bitarteko diametrokoa, inbutu forman erdian sakonune batekin, batzuetan titi txiki batekin, ertz biribildu-lobulatuarekin. Azal ezkatatsuarekin, haritsua, arre ilun kolorekoa lehorrean edo gris-marroia, ia beltza lehorrean.
Orriak: Ongi definituak, dekurrenteak, ugari, oso meharrak, anastomosatuak, irregularki adarkatuak, elkarren artean zeharkako zainen bidez lotuak, zuri zikin kolorekoak, gris-urdin tonuekin.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Beti betea, ia zilindrikoa, luzea, askotan eszentrikoa, grisaxka edo kapelaren kolorekoa.
Haragia: Zurixka, biguna, ez oso haritsua. Usain eta zapore gabea. Espora-jalkina zuria.[2]
Etimologia: Cantharellus terminoa grekotik dator eta koparen txikigarria da, kopa txikia esan nahi du.
Jangarritasuna[aldatu | aldatu iturburu kodea]
Kalitate ertaineko jangarria.[3]
Nahasketa arriskua[aldatu | aldatu iturburu kodea]
Cantharellus cinereus delakoarekin nahas daiteke, honek oin beltzaxkagoa eta motzagoa du, batzuetan barnehutsa, orriak ez hain dekurrenteak eta aran usaina.
Sasoia eta lekua[aldatu | aldatu iturburu kodea]
Urte osoan. Urria. Erretako lurretan, txondor-zuloetan.
Banaketa eremua[aldatu | aldatu iturburu kodea]
Kanada, Ameriketako Estatu Batuak, Mexiko, Guyana Frantsesa, Europa, Kanariak, Australia.[4]
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 124 or. ISBN 84-282-0865-4..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Faerberia carbonaria: GBIF—the Global Biodiversity Information Facility.