Doneztebe
- Artikulu hau Nafarroako herriari buruzkoa da; beste esanahietarako, ikus Doneztebe (argipena).
|
Doneztebe |
|||
|---|---|---|---|
 Nafarroa |
|||
 |
|||
|
|||
| Izen ofiziala | Doneztebe/Santesteban | ||
| Estatua Erkidegoa Merindadea Eskualdea |
Espainia Nafarroako Foru Erkidegoa Iruñeko merindadea Malerreka |
||
| Alkatea | Miguel San Miguel Azpirotz (EA) | ||
| Herritarra | doneztebar | ||
| Koordenatuak | 43°7′54″N 1°40′11″W / 43.13167°N 1.66972°WKoordenatuak: 43°7′54″N 1°40′11″W / 43.13167°N 1.66972°W | ||
|
|
|||
| Eremua | 8,62 km2 | ||
| Garaiera | 122 m | ||
| Posta kodea | 31740 |
||
| Biztanleria | 1.679 bizt (2011) | ||
| Dentsitatea | 194,78 bizt/km² | ||
| http://www.doneztebe.es/eu/ | |||
Doneztebe Nafarroako ipar-mendebaldean dagoen udalerria da, Malerrekako eskualdekoa. 2010eko erroldaren arabera, herriak 1.688 biztanle ditu.
Eduki-taula |
[aldatu] Inguru naturala eta kokapena
Bidaso ibaia, zati handi batean, Erreka Beltza izeneko zintzurrean zehar doa. Lesakako zubia, Etxalarko bidea eta Igantziko Bentak alde batera uzten dira Sunbillara iritsi arte. Sunbillan Doneztebe erdigune duen Malerreka eskualdea hasten da, ekialdean Bertizarana dago, eta mendebaldean Doneztebe. Udalerri hau Bidaso ibaiak eta haren ibaiadar den Ezkurra ibaiak ureztatzen dute.
Iparraldean Sunbilla, hegoaldean Oitz eta Donamaria, ekialdean Bertizarana eta mendebaldean Elgorriaga mugakide ditu.
[aldatu] Mendiak
Doneztebe mendiz inguratua dago, bertzeak bertze Aranzoko, Kaxerna, Askin, Otetxon, Bertizko Jaurerria, Ekaitza eta Mendaur.
[aldatu] Klima
Klimaren ezaugarri nabarmenenak dira euri aunitz eta erregularrak izatea, idortasun eza, nahiz uda betean izan eta tenperatura aldaketa ttikiak. Era horretako klimari klima atlantiko epela deitzen zaio. Urteko batez bertzeko balore batzuk honako hauek ditugu: 14º-15ºko tenperatura, 170 bat egunetan egiten duen 1.600-1.800 mm euri.
Herrigunearen kanpoaldean, itsasoaren mailatik 138 metrora, Nafarroako gobernuak jarritako estazio meteorologikoa dago.[1]
[aldatu] Demografia
| 1897 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 | 2010 |
|---|---|---|---|---|---|---|---|---|---|---|---|---|---|
| 621 | 612 | 687 | 799 | 843 | 782 | 866 | 836 | 903 | 1.050 | 1.191 | 1.385 | 1.494 | 1.688 |
2008ko erroldaren arabera, 150 etorkin bizi ziren herrian, biztanleriaren %9,86, (Nafarroako batezbestekoaren antzera ).
[aldatu] Azpiegitura eta garraioak
[aldatu] Mariano Vertiz
Mariano Vertiz autobus konpainiak Doneztebe eta Labaiengo linea ustiatzen du, norabide bakoitzean bidaia bakarra egiten duena. Lineak honako ibilbidea egiten du:
[aldatu] La Burundesa
La Burundesa autobus konpainiaren Donostia eta Iruñea bitarteko lineak geltokia dauka herrian. Maiztasunak aldakorrak dira, baina gutxienez bi zerbitzu izaten dira noranzko bakoitzean egunero. Lineak honako ibilbidea egiten du:
- Donostia - Irun - Lesaka - Etxalar - Igantzi - Sunbilla - Doneztebe - Narbarte - Belate - Almandoz - Olague - Ostitz - Sorauren eta Iruñea
[aldatu] Leizaran Mariezcurrena
Leizaran Mariezcurrena autobus konpainiaren Doneztebe eta Iruñea bitarteko lineak geltokia dauka herrian. Autobus lineak, honako ibilbidea egiten du:
- Doneztebe - Elgorriaga - Ituren - Saldias - Eratsun - Ezkurra - Areso - Leitza - Lekunberri - Larraun - Irurtzun - Berriobeiti eta Iruñea
[aldatu] Bestak eta ospakizunak
Doneztebeko bestak ekainaren 29an ospatzen dira, San Pedroetan. Aipatzekoak dira, halaber, maiatzean ospatzen den udaberriko azoka eta San Martinen ondoko asteko ortziralean ospatzen den udazkeneko azoka.
[aldatu] Politika
[aldatu] Udal hauteskundeak
Doneztebeko alkatea Eusko Alkartasuna alderdi politikoko Miguel San Miguel Azpirotz da 2007ko udal hauteskundeez geroztik. Udaletxeko bederatzi zinegotziak lortu zituen. Baliogabeko botoak 128 izan ziren (emandako guztien %15,42) eta boto zuriak 108 (botoen %15,38). Abstentzioa %29,42koa izan zen.
| Alderdia | Botoak | Zinegotziak |
| Eusko Alkartasuna | 594 | 9 |
2011n ere EA eta Miguel San Miguel izan ziren garaile; aurrean beste zerrenda bat izan zuten, PP (zinegotzi bat). 2011ko hauteskundeetan Doneztebe EA bere izenarekin -eta ez Bilduren barruan- aurkeztu zen udalerri bakanetakoa izan zen, Nafarroan bakarra.
| Alderdia | Botoak | Zinegotziak |
| Eusko Alkartasuna | 596 | 8 |
| PP | 107 | 1 |
[aldatu] Udaletxea
- HELBIDEA: Merkatarien kalea, 9
| Agintaldia | Alkatea | Alderdi Politikoa |
|---|---|---|
| 1979-1983 | Carlos Pikabea Manterola | Independentea |
| 1983-1987 | Alfredo Zugarramurdi Zozaia | Doneztebeko Gazteak |
| 1987-1991 | Antonio Apeztegia Lanaspa | Unión Doneztebarra |
| 1991-1995 | Miguel San Miguel Azpirotz | Eusko Alkartasuna |
| 1995-1999 | Miguel San Miguel Azpirotz | Eusko Alkartasuna |
| 1999-2003 | Miguel San Miguel Azpirotz | Eusko Alkartasuna |
| 2003-2005 | Jose Ramon Etxebeste Urrutia | Eusko Alkartasuna |
| 2005-2006 | Joxe Irigoien Irugarai | Talde mixtoa |
| 2006-2007 | Jose Ramon Etxebeste Urrutia | Eusko Alkartasuna |
| 2007-2011 | Miguel San Miguel Azpirotz | Eusko Alkartasuna |
| 2011-2015 | Miguel San Miguel Azpirotz | Eusko Alkartasuna |
[aldatu] Doneztebar ospetsuak
- Jeronimo Uztaritz, (1670-1732), ekonomialaria.
- Xabier Albistur, (1944), EAJko eta Eusko Alkartasuneko politikaria. 1987-1991 urte bitartean Donostiako alkatea izan zen.
- Koteto Ezkurra, (1973), erremontelaria.
- Niko Mindegia, (1988), Portland San Antonio eskubaloi taldeko jokalaria.
- Ibai Meoki, (1988), Portland San Antonio eskubaloi taldeko jokalaria.
[aldatu] Ikus, gainera
[aldatu] Erreferentziak
[aldatu] Kanpo loturak
- (Euskaraz) Doneztebeko udalaren webgunea.
- (Euskaraz) "Ttipi-ttapa" eskualdeko hedabide euskarazkoa
- (Euskaraz) Donezteberi buruzko informazioa Nafarroako Turismo Bulegoaren webgunean.
- (Gaztelaniaz) Donezteberi buruzko informazioa Nafarroako gobernuaren webgunean.
- Herriaren ikuspegia Google Street View-n.
 |
Malerrekako udalerri aurkibidea | |
|---|---|---|
|
Beintza-Labaien • Bertizarana • Donamaria • Doneztebe • Elgorriaga • Eratsun • Ezkurra • Ituren • Oitz • Saldias • Sunbilla • Urrotz • Zubieta |
||
.svg)
