Ezporogi

Ezporogi
Nafarroa
Izen ofiziala	Ezprogui
Estatua Erkidegoa Merindadea	Espainia Nafarroako Foru Erkidegoa Zangozako merindadea
Alkatea	María Camino Landarech Zozaia (San Andrés)
Herritarra	ezporogiar
Koordenatuak	42°34′0″N 1°25′4″W
Eremua	46,55 km2
Garaiera	576 m
Distantzia	55 km Iruñera
Posta kodea	31492
Biztanleria	54 bizt (2009)
Dentsitatea	1,16 bizt/km²
Sorrera	1197

Ezporogi Nafarroako udalerria da, Zangozako merindadeko Oibar eskualdean kokaturik. Bizkaia izeneko ibarrean kokaturik, gaur egun Ageza, Moriones (herriburua) eta Ezporogi herriek osatzen dute udalerri hau. 46,55 kilometro koadro ditu azalera, eta, 2009ko urtarrilaren 1eko erroldaren arabera, 54 biztanle. Mugakideak honako hauek dira: Ibargoiti iparraldean, Leatxe eta Zare ekialdean, Galipentzu eta Eslaba hegoaldean, eta Leotz mendebaldean.

Pascual Madozen Hiztegiaren arabera, Oibar eta Bizkaia ibarra osatzen zuten herriak honako hauek ziren: zulaka nagusiaren arroan, Sabaiza, Usunbeltz, Gardalain, Getadar, Moriones eta Ezporogi; zulakaren adarrean, berriz, Julio, Arteta eta Loia; Aiesa ibarreko irteeran dago. Udal bakarra zen, eta hartan zinpekoek eramaten zuten herrien ordezkaritza.

Udalerria egun ezagutzen dugun lur-eremua 1857ko erroldatik aurrera agertzen zaigu: urte horietan Ezporogi izena zeramanak Gardalain eta Morionesekin bat egin zuen.

Inguru naturala eta kokapena

Klima

Herrigunearen kanpoaldean Getadar herri hustuan, itsasoaren mailatik 710 metrora, Nafarroako gobernuak jarritako meteorologikoa dago.

Demografia

Ezporogiko biztanleria

1897	1900	1910	1920	1930	1940	1950	1960	1970	1981	1991	2001	2006
498	539	486	462	383	351	317	247	116	86	76	61	60

2008ko erroldaren arabera, ez zen etorkinik bizi Ezporogin.

Ekonomia

Sakontzeko, irakurri: Nafarroako parke eolikoak

Ezporogiko udalerriaren mugetan, Izko mendizerran, eta Ibargoiti, Leatxe, Oibar eta Irunberri bitartean, Nafarroako gobernuak eraikitako "Izko" izeneko parke eoliko dago. Instalaturiko potentzia 33,00 megawatteko da. Parkearen jabea Acciona da gaur egun.

Horrez gain, udalerriaren ekialdean, Leotz eta Ibargoiti bitartean, "Ibargoiti" izeneko parkea dago, instalaturiko potentzia 28,08 megawattekoa da.

Politika

Udal hauteskundeak

2007an Agrupación Electoral La Vizcaya herri ekimeneko Miguel Ángel Basterra del Castillo aukeratu zuten alkate; udalbatzako zinegotzi bakarra ere izan zen. Baliogabeko botoak 2 izan ziren (emandako guztien %5) eta 17 boto zuri izan ziren (botoen %44,74). Abstentzioa %31,03koa izan zen.

Ezporogiko Udala-2007

Alderdia	Botoak	Aukeratua?
Miguel Angel Bazterra del Castillo (AE-La Vizcaya)	21	Bai

2011n, ordea, Agrupación Independiente San Andrés (AISA) zerrendako hirurak zinegotzi bihurtu ziren eta haietako bat, María Camino Landarech Zozaia, alkate. San Andrés ere aurkeztu egin zen.

Udaletxea

Aiesa, Ezporogi

Ezporogiko udaletxeko idazkaria, Eslaba, Zare, Larraga eta Lergako idazkari ere bada.

• HELBIDEA: Ageza kontzejua

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Miguel Ángel Bazterra del Castillo	La Vizcaya
2011-	María Camino Landarech Zozaia	San Andrés

Euskara

Nafarroako gobernuak onartutako Euskararen Foru Legearen arabera Ezporogi eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %16,70ek zekien euskaraz hitz egiten.

Ikus, gainera

• Nafarroako udalerrien zerrenda

Bibliografia

• Jose Maria Jimeno Jurio (zuzendaria), Nafarroako toponimia eta mapagintza. LIV, Iruñea, 1998. ISBN 84-235-1138-3

Kanpo loturak

• (Euskaraz) Ezporogiko argazkiak lasonet.com webgunean.
• (Gaztelaniaz) Ezporogiri buruzko informazioa Nafarroako Gobernuaren webgunean.
• Ezporogiko Moriones kontzejuaren ikuspegia Google Street View-n.