Adios

Adios
Nafarroa
Izen ofiziala	Adiós
Estatua Erkidegoa Merindadea	Espainia Nafarroako Foru Erkidegoa Iruñeko merindadea
Alkatea	Andrés Pérez Goñi (AIA, indep.)
Herritarra	Adiostar (edo katxulo, ez of.)
Koordenatuak	42°41′11″N 1°44′9″W
Eremua	8,3 km2
Garaiera	482 m
Distantzia	23 km Iruñera
Posta kodea	31153
Biztanleria	189 bizt. (2012)
Dentsitatea	22,77 bizt./km²
Sorrera	XIII. mendea baino lehen

Adios Nafarroako udalerria da. Izarbeibarrean kokaturik. Nafarroako hiriburutik 23 kilometrora kokaturik, herriak 189 biztanle ditu 2012ko urtarrilaren 1eko erroldaren arabera.

Iruñerriko Mankomunitatea, zaborra bildu, ur-hornidura eta bestelako zerbitzuak eskaintzeaz arduratzen da, Iruñea inguruko gune metropolitarreko beste hainbat herritan bezala.

Inguru naturala eta kokapena

Iruñeko merindadearen hegoaldeko herria da, eta Obanos eta Arrizabalaga arteko bidea eta ondoren NA-601 errepidea hartuta ailegatzen da herrira.

Adiosko udalerriaren mugak honakoak dira: Uterga iparraldean, Muruzabal mendebaldean, Eneritz hegoaldean eta Ukar ekialdean. Horrez gain, iparraldean Erreniega mendiarekin egiten du muga.

Klima

Herrigunearen kanpoaldean, itsasoaren mailatik 444 metrora, Espainiako Nekazaritza ministerioaren estazio meteorologikoa dago.

Herriak eta auzoak

Izena	Biztanleria (2011)	Mapa
Adios	186	Adios Larrain Herriburua. Hustua.
Adios	186
Larrain	0

Ondarea

San Andres parrokia, XVI. mendean eraikitako eliza gotikoa da. XVII. mendean zaharberritu eta ezaugarri barrokoak gehitu zitzaizkion. Eliza barruan, XVII. mendeko bi erretaula erromanista aurki daitezke.

Demografia

Adiosko biztanleria

1897	1900	1910	1920	1930	1940	1950	1960	1970	1981	1991	2001	2006
340	325	259	264	276	329	257	236	173	136	114	138	171

2008ko erroldaren arabera, hamaika etorkin bizi ziren herrian, biztanleriaren %6,32 (Nafarroako batezbestekoaren azpitik).

Politika

Udaletxea

Udaletxeko idazkaria Muruzabal, Ukar eta Enerizko idazkari ere bada. Udalak alkatea eta lau zinegotzi dauzka.

Adiosko udaletxeko idazkaria, Eneritz, Legarda, Muruzabal, Obanos, Tirapu, Ukar eta Utergako idazkari ere bada.

• HELBIDEA: Recreo Kalea, z/g

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007	Fortunato Bidaurreta Pérez	Indep.
2007-2011	Andrés Pérez Goñi	AEA
2011-	Andrés Pérez Goñi	AIA

Udal hauteskundeak

Adiosko alkatea AEA herri ekimeneko Andrés Pérez Goñi da 2007ko udal hauteskundeez geroztik, bere taldeak udaleko bost ordezkarietatik lau lortu zituen. Baliogabeko botoak hamaika izan ziren (emandako boto guztien %9,82) eta boto zuriak bi izan ziren (%1,98). Abstentzioa %23,81ekoa izan zen.

Adiosko Udala (2007)

Alderdia	Botoak	Aukeratua?
Andrés Pérez Goñi (AEA)	59	Bai
Lorea Eslaba Goñi (AEA)	52	Bai
Pablo Javier Begiristain Muruzabal (AEA)	49	Bai
Jose Miguel Arlegi Armendaritz (AEA)	43	Bai
Jose Fermín Domínguez Calvo (AIA)	40	Bai

2011n Pérezek bere karguan errepikatu zuen, AIAren (Agrupación Independiente de Adiós) izenean; hauteskundeetan AIAk 57 boto (5 hautetsi) lortu zituen eta AEAk (Agrupación de Electores de Adiós) 23 (0).

Euskara

Nafarroako gobernuak onartutako Euskararen Foru Legearen arabera Adios eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %4,38k zekien euskaraz hitz egiten.

2008an Nafarroako Ezker Batuak eta Nafarroa Baik Euskararen Foru Legea aldatu eta gune mistoan udalerri gehiago sartzeko (horien artean Adios) proposamena aurkeztu zuten Nafarroako legebiltzarrean. UPN ez beste talde guztien baiezko botoarekin proposamena aurrera aterako zela zirudienean, PSN alderdiaren ustegabeko jarrera aldaketak, atzera bota zuen gune mistoaren hedapena.

Jaiak eta ospakizunak

San Andres du patroia eta erromerian Eunatera joan ohi da.

Adiostar ospetsuak

• Francisco Azkona (1934 -), soziologo eta apaiza.

Ikus, gainera

• Nafarroako udalerrien zerrenda

Kanpo loturak

• San Andres kalearen ikuspegia Google Street View-n.
• (Gaztelaniaz) Adiosi buruzko informazioa Nafarroako gobernuaren webgunean.