Gorza

Gorza
Nafarroa
Izen ofiziala	Gorza
Estatua Erkidegoa Merindadea	Espainia Nafarroako Foru Erkidegoa Zangozako merindadea
Alkatea	Celestino Larranbe Paskualena (indep.)
Herritarra	gorztar
Koordenatuak	42°48′26″N 1°5′40″W
Eremua	26,84 km2
Garaiera	656 m
Distantzia	72 km Iruñera
Posta kodea	31452
Biztanleria	51 bizt. (2012)
Dentsitatea	1,9 bizt./km²
Sorrera	851a baino lehen

Gorza Nafarroako ipar-ekialdean dagoen udalerria da, Zaraitzuko ibarraren hegoaldean kokatutakoa. 2012ko urtarrilaren 1eko erroldaren arabera, herriak 51 biztanle ditu.

Eska-Zaraitzu Hondakin Solidoen Mankomunitatea zaborra biltzeaz arduratzen da Gorza eta eskualdeko beste hainbat herritan.

Inguru naturala eta kokapena

Gorza 1955. urtean, Indalecio Ojangurenen argazkian.

Gorza errepidetik.

Gorza Zangozako merindadearen ekialdean dago. Iparraldean Sartze, hegoaldean eta mendebaldean Galoze, ekialdean Bidankoze ditu.

Zaraitzu ibaiak udalerria zeharkatzen du iparraldetik hegoalderako norabidean. Udalerriko punturik altuena ipar-ekialdean dago, bertan 1.100 eta 1.200 metroko mendiak daude.

Klima eta landaredia

Herriaren behealdeko guneetan, mediterraneoaren antzeko klima dago, eta gune altuetan, atlantiar motako klima. Oro har, bi klimak nahasten diren arren, batez besteko tenperatura aldakorra da puntu batetik bestera, 6º eta 10º bitartekoa. Prezipitazioa, berriz, 900 eta 1.200mm ingurukoa da, eta urteroko egun euritsuak 115 dira, batez beste.

Jatorrizko landaredia pinu basatiek osatzen dute, basoen azaleraren %51,6. Basoak, oro har, udalerriaren ekialdean daude, eta pinuez gain, haritzak eta pagoak ere badaude, azken bi espezie hauek, gunerik euritsuenetan kokatzen dira. Birlandatutako espezieen artean, haritz amerikarra eta Austriako pinu beltza daude.

Herriak

Hiru herrik osatzen dute: Gorza (hiriburua), Erripalda eta Igari. 1842ko errolda egin arte bi udalerritan banatuta zegoen: Gorza eta Igari.

Historia

Herriaren sorrerak oso zaharrak izan behar du. Izan ere, Kordobako San Eulogiok Iruñeko apezpikuari 851n igorritako gutun batean "Oriol, igalensis abbas" aipatzen du.

Demografia

Gorzako biztanleria

1897	1900	1910	1920	1930	1940	1950	1960	1970	1981	1991	2001	2006
265	254	280	269	280	280	277	267	149	113	90	72	64

2008ko erroldaren arabera, ez zen etorkinik bizi Gorzan.

Ondarea

• Udaletxea: [Errepidearen ondoan dagoen eraikina 1920an eraiki zen. Porlanez eginiko fatxada eta bi solairu dauzka. Eraikinean, anbulatorioa eta herrian lan egiten duten udal langileentzako etxebizitzak kokatzen dira.

Azpiegitura eta garraioak

Conda autobus konpainiaren Otsagabia eta Iruñea bitarteko lineak geltokia dauka herrian. Lineak honako ibilbidea egiten du:

• Otsagabia - Ezkaroze - Orontze - Espartza Zaraitzu - Sartze - Gorza - Galoze - Nabaskoze - Irunberri - Artieda - Artaxo - Agoitz - Urrotz - Lintzoain - Erantsus - Ibiriku - Egues - Uharte - Atarrabia - Burlata eta Iruñea

Politika

Udal hauteskundeak

2007an ez zen udal hauteskunderik izan Gorzan, ez zelako inongo talderik aurkeztu. Celestino Larranbe Paskualenak jarduneko alkate segitu zuen.

2011n Larranbe berretsi zuten alkate karguan, kasu honetan Agrupación Electoral Independiente de Güesa taldeak zerrenda aurkeztu eta gero; beste bi lagun ere zinegotzi bihurtu ziren.

Udaletxea

Gorzako udaletxeko idazkaria Espartza Zaraitzuko, Galozeko eta Sartzeko idazkari ere bada.

• HELBIDEA: Doneztebe Kalea z/g

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007	Celestino Larranbe Paskualena	Indep.
2007-2011	Celestino Larranbe Paskualena	Indep.
2011-	Celestino Larranbe Paskualena	Indep.

Ikus, gainera

• Nafarroako udalerrien zerrenda

Kanpo loturak

• (Euskaraz) Gorza Zaraitzuko Ibaxaren webgunean
• (Gaztelaniaz) Gorzari buruzko informazioa Nafarroako gobernuaren webgunean.
• Doneztebe kalearen ikuspegia Google Street View-n.