Santsol

Santsol
Nafarroa
Izen ofiziala	Sansol
Estatua Erkidegoa Merindadea Eskualdea	Espainia Nafarroako Foru Erkidegoa Lizarrako merindadea Vianaldea
Alkatea	Francisco Javier Díaz de Ilarratza Sanz (AIS, indep.)
Herritarra	santsoldar
Koordenatuak	42°33′17″N 2°15′51″W
[[Fitxategi:|300px]]
Eremua	13,68 km2
Garaiera	485 m
Distantzia	69 km Iruñera
Posta kodea	31220
Biztanleria	108 bizt. (2012)
Dentsitatea	7,89 bizt./km²

Santsol Nafarroako udalerria da. Lizarrako merindadeko herri honek 108 biztanle zituen 2012ko urtarrilaren 1eko erroldaren arabera. Nafarroako hiriburutik 69 kilometrora dago.

Inguru naturala eta kokapena

Herriaren eguneko ikuspegia.

Herriaren ikuspegia gaua heldu aurretik.

Herria, Nafarroa mendebaldean kokatzen da, N-111 errepidean Lizarra-Biana norabidean.

Santsolek Desojorekin egiten du muga iparraldean, El Bustorekin ekialdean, Torres del Riorekin mendebaldean eta hegoaldean.

Klima eta landaredia

Klimaren ezaugarriak mediterraniar kontinentalari motako klimari dagozkio. Urteko batez besteko tenperatura 12 gardu ingurukoa da, eta prezipitazioak 500 eta 800mm bitartekoak. Urteroko egun euritsuak 60 inguru dira herrigunean, eta 100 egun udalerriko gunerik menditsuenetan.

Udalerriko jatorrizko artediak ia erabat desagertu dira gaur egun, eta birlandaturiko Alepo motako pinuek 11 hektarea hartzen dituzte.

Ondarea

Santsoleko eliza nagusia San Zoilo eliza da. Estilo barrokoko eraikin honek, antzinako eliza (XVI. mendea) baten egitura erabiliz eraiki zen. Aipagarri dira elizako dorrearen altuera, forma karratu eta kanpaientzako gorputz bakarrarekin. Barrukaldean, San Pedroren egurrezko irudi gotiko bat eta Gurutzatuaren beste irudi erromanista bat daude.

Herriaren erdigunean estilo barroko hainbat jauregi daude. Aipagarri da "El Palacio" izeneko jauregi klasikoa. Bi zatiz osatuta, jauregiaren fatxadan hiru armarri ageri dira.

Demografia

Santsoleko biztanleria

1897	1900	1910	1920	1930	1940	1950	1960	1970	1981	1991	2001	2006
329	346	351	352	385	380	320	299	210	184	150	109	123

2008ko erroldaren arabera, hiru etorkin baino ez ziren bizi herrian, biztanleriaren %2,52a (Nafarroako batez bestekoaren azpitik).

Politika

Udal hauteskundeak

Azken agintaldietan Santsoleko alkate kargurako Francisco Javier Díaz de Ilarratza aukeratu dute, zerrenda independente batzuen izenean. T2007an Grupo Independiente de Sansol (GIS) bere taldeak udaleko bost zinegotziak lortu zituen.

Santsoleko Udala [2007)

Alderdia	Botoak	Aukeratua?
Francisco Angel Barragan Domeño (GIS)	50	Bai
Maria Lucia Suescun Esandi (GIS)	48	Bai
Juan Javier Remirez Lizuain (GIS)	46	Bai
Maria Lourdes Garcia Olazabal (GIS)	31	Bai
Francisco Javier Diaz de Ilarraza Sanz (GIS)	17	Bai

2011ko udal hauteskundeetan Díaz de Ilarratzak alkate kargua gorde izan zuen, kasu honetan Agrupación Independiente de Sansol (AIS) izeneko zerrendarekin; AIS aurkeztutako zerrenda bakarra izan zen eta beste hiru kide zinegotzi bihurtu ziren.

Udaletxea

Gaur egungo udaletxea 1960ko hamarkadaren hasieran eraiki zen, errepidetik gertu Alde Zaharrean dagoen orube batean. Eraikina adreiluzkoa da, eta kokapen honen aurretik, udal bulegoak elizaren ondoan egon ziren, herriguneko gunerik altuenean. Udalak alkatea eta lau zinegotzik osatzen dute.

• HELBIDEA: Auzo Berria kalea z/g

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Francisco Javier Díaz de Ilarratza Sanz	GIS
2011-2015	Francisco Javier Díaz de Ilarratza Sanz	AIS

Azpiegitura eta garraioak

La Estellesaren Donostia eta Logroño bitarteko lineak (NA-10 zenbakiko emakida) geltokia dauka herrian. Lineak honako ibilbidea egiten du:

• Irun - Donostia - Tolosa - Etxarri Aranatz - Lezaun - Abartzuza - Bearin - Legarda - Obanos - Gares - Zirauki - Lizarra - Aiegi - Los Arcos - El Busto - Santsol - Bargota - Viana eta Logroño

Ikus, gainera

• Nafarroako udalerrien zerrenda

Kanpo loturak

• (Gaztelaniaz) Santsoli buruzko informazioa Nafarroako Gobernuaren webgunean.
• Santsolgo Kale Nagusia Google Street View-n.