Lana (Nafarroa)

Lana
Nafarroa
Izen ofiziala	Lana
Estatua Erkidegoa Merindadea	Espainia Nafarroako Foru Erkidegoa Lizarrako merindadea
Alkatea	Eduardo Lana Martínez (AIVL, indep.)
Herritarra	lanar
Koordenatuak	42°42′22″N 2°14′49″W
Eremua	50,61 km2
Garaiera	577 m
Posta kodea	31283
Biztanleria	199 bizt (2010)
Dentsitatea	3,93 bizt/km²

Lana Nafarroako udalerri txikia eta ibarra da, Lizarrako merinerrian kokatua.

52,6 kilometro koadrokoa, 2009ko urtarrilaren 1eko erroldaren arabera, 196 biztanle ditu.

Inguru naturala eta kokapena

Lana ibarra Lokizko mendilerroaren azpian dago.

Mugakideak ondoko hauek dira: Arabako Harana ibarra eta Larraona (iparraldean), Lokiz mendilerroa (ekialdean), Antzin eta Mendaza (hegoaldean) eta Zuñiga (mendebaldean).

Klima

Lana Galbarra kontzejuan, itsasoaren mailatik 550 metrora, Nafarroako gobernuak 1975ean jarritako estazio meteorologikoa dago.

Herriak

Bost herri dira osakideak: Viloria, Galbarra (herriburua), Gastiain, Narkue eta Ulibarri. 1842ko erroldan bakoitza udalerri independente gisa agertzen da baina 1857rako, guztion batzea dela medio, Lana udalerri berriaren datuak plazaratzen dira estreinakoz.

Demografia

Lanako biztanleria

1897	1900	1910	1920	1930	1940	1950	1960	1970	1981	1991	2001	2006
705	707	748	764	867	917	918	768	425	264	218	202	206

2008ko erroldaren arabera, bi etorkin bizi ziren herrian, biztanleriaren %1,02 (Nafarroako batezbestekoaren azpitik).

Ogibideak

Tradizioz nekazaria eta abeltzaina izan da ibar hau. Arboldegiak dira mugapeko zatirik handiena (3.659 ha.); hurrengoak larreak (943 ha.) eta laborantza lurra (704 ha.) dira. Behi, ardi, zaldi, zerri eta ahuntz azienda nagusiak izan dira, mendi larratuan hazita. Gaur egun untxia, hegaztiak eta zerriak nabarmentzen dira.

Ikazkintza industria lan ohikoa izan zen aspalditik eta berriki arte. Mila bat metro kubo zur eta egur ateratzen dituzte urtero.

Ibarra zineman

Montxo Armendariz zuzendariak 1982an "Tasio" filma egin zuen, bertan ikazkinen bizimodua kontatzen du. Zuñigako semea zen Anastasio Otxoa benetako pertsonaren bizitzan oinarriturik dago filma.

Politika

Udal hauteskundeak

Azken urteetan Lanako alkatea Eduardo Lana Martinez da. 2007ko udal hauteskundeetan Agrupación Independiente de Lóquiz (AIL) taldearen izenean hautatu zuten; talde horrek udaleko bost ordezkarietatik lau lortu zituen. Ez zen baliogabeko botorik izan eta boto zuriak lau izan ziren (%3,17). Abstentzioa %32,26ekoa izan zen.

Lanako Udala-2007

Alderdia	Botoak	Aukeratua?
Eduardo Lana Martinez (AIL)	56	Bai
Monica Martinez Martinez (AIL)	45	Bai
Miguel Angel Landa Calletano (AIL)	42	Bai
Jose Miguel Lander Sarta (AIL)	40	Bai
Pedro Felix Pierola Garcia (AIVL)	39	Bai

2011n ere Eduardo Lana aukeratu zuten alkate baina kasu honetan Agrupación Independiente del Valle de Lana (AIVL, 4 zinegotzi) taldearekin.

Udaletxea

Lanako gaur egungo udaletxea 1982an eraiki zen eta solairu bakarra dauka. Atari txiki bat dauka eta fatxada porlanez eta harriz egina dago. Antzinako udaletxearen egoitza elizaren ondoan egon zen. Udala alkateak eta sei zinegotzik osatzen dute. Lanako udaletxeko idazkaria, Piedramillerako, Muesko eta Sorladako idazkari ere bada.

• HELBIDEA: Iturri kalea, z/g

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Eduardo Lana Martínez	AIL
2011-	Eduardo Lana Martínez	AIVL

Zerbitzuak

Lana, "Jurramendi Mankomunitateko" eta "Lokizko Donibane Mendizerrako Juntako" kidea da

Bibliografia

• Jose Maria Jimeno Jurio (zuzendaria), Nafarroako toponimia eta mapagintza. XXIII, Iruñea, 1995. ISBN 84-235-1341-6.

Ikus, gainera

• Nafarroako udalerrien zerrenda

Kanpo loturak

• (Gaztelaniaz) Lanari buruzko informazioa Nafarroako Gobernuaren webgunean.
• Galbarra kontzejuaren ikuspegia Google Street View-n.