Irañeta

Irañeta
Nafarroa
Izen ofiziala	Irañeta
Estatua Erkidegoa Merindadea Eskualdea	Espainia Nafarroako Foru Erkidegoa Iruñeko merindadea Sakana
Alkatea	Pedro Beraza Gastesi (Amorro)
Herritarra	irañetar
Koordenatuak	42°55′53″N 1°56′36″W
[[Fitxategi:|300px]]
Eremua	8,49 km2
Garaiera	464 m
Distantzia	30 km Iruñera
Posta kodea	31849
Biztanleria	166 bizt. (2012)
Dentsitatea	19,55 bizt./km²

Irañeta Nafarroako udalerria da, Sakanako eskualdean kokatutakoa. Iruñeko merindadeko herri honek 166 biztanle zituen 2012ko urtarrilaren 1eko erroldaren arabera. Nafarroako hiriburutik 30 kilometrora dago.

Inguru naturala eta kokapena

Herria Nafarroa erdialdean dago kokatua eta A-10 autobidea eta N-240 errepideak herria zeharkatzen dute.

Irañetak Uharte Arakilekin egiten du muga iparraldean, Arakilekin ekialdean, Uharte Arakilekin mendebaldean, eta Urbasako mendizerrarekin hegoaldean.

Historia

1194 eta 1234. urteetanAntso Azkarrak foruak eman zizkion Irañetari eta Urruntza izeneko herriko jendeak osatu zuen herria. 1210ean, bestalde, Antso Indartsuak forua berretsi zuen. 1394an Irañetari Zabal eta Torrino izeneko lurrak eman zizkien erregeak. 1467an Irañetan sortzen ziren zergak Navazeko Pedrori eman zizkioten.

Ondarea

• San Juan batailatzailearen parrokia

Demografia

Irañetako biztanleria

1897	1900	1910	1920	1930	1940	1950	1960	1970	1981	1991	2001	2006
343	366	382	377	355	388	321	280	159	167	159	155	157

2008ko erroldaren arabera, lau etorkin bizi ziren herrian, biztanleriaren %2,56a (Nafarroako batez-bestekoaren azpitik).

Azpiegitura eta garraioak

La Burundesa autobus konpainiaren Sakanako herriak elkartzen dituen Gasteiz-Iruñea lineak geltokia dauka herrian. Guztira hiru zerbitzu izaten dira norabide bakoitzean. Linearen ibilbidea honakoa da:

• Gasteiz - Ilarratza - Argomaiz - Agurain - Munain - San Roman - Ibarguren - Andoin - Olatzagutia - Ziordia - Altsasu - Urdiain - Iturmendi - Bakaiku - Etxarri Aranatz - Arbizu - Lakuntza - Arruazu - Uharte Arakil - Irañeta - Ihabar - Hiriberri - Etxarren - Irurtzun - Eritze - Saratsa - Añezkar - Berriobeiti eta Iruñea

Jaiak eta ospakizunak

Herriko jaiak, San Joan Lepamoztuaren omenez ospatzen dira abuztuaren 28tik irailaren 1era. Jaien egun nagusia abuztuaren 29a da.

Politika

Udal hauteskundeak

2007an Txapelazpi (TA) izan zen aurkeztutako zerrenda bakarra; taldeak udaleko bost ordezkariak lortu zituen. Botorik gehien eskuratu ez bazuen ere, azkenean Óscar Eritze Juango aukeratu zuten alkate. Boto baliogabeak hiru izan ziren (emandako boto guztien %3,33) eta boto zuriak bi (%2,30). Abstentzioa %40,40 izan zen.

Irañetako Udala-2007

Alderdia	Botoak	Aukeratua?
Maria Cristina Irigarai Beraza (TA)	58	Bai
Iñaki Jaca Zudaire (TA)	41	Bai
Oscar Eritze Juango (TA)	40	Bai
Asier Lakuntza Gutierrez (TA)	38	Bai
Miguel Jesus Armendaritz Juango (TA)	34	Bai

2011n Amorro mendiaren izena hartu zuen zerrenda aurkeztu zen; Pedro Beraza Gastesi alkate bihurtu zen eta bere lau zerrendakideak zinegotzi.

Udaletxea

Irañetako udaletxeko idazkaria, Uharte Arakil eta Arruazuko idazkari ere bada.

• HELBIDEA: San Gregorio Kalea, z/g

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Oscar Eritze Juango	Txapelazpi
2011-	Pedro Beraza Gastesi	Amorro

Zerbitzuak

Irañeta "Sakanako Mankomunitateko" eta "Irurtzungo Zerbitzuen Mankomunitateko" kidea da.

Ikus, gainera

• Nafarroako udalerrien zerrenda

Kanpo loturak

• (Euskaraz) Irañetako argazkiak.
• (Gaztelaniaz) Irañetari buruzko informazioa Nafarroako Gobernuaren webgunean.
• San Gregorio kalearen ikuspegia Google Street View-n.