Eulate

Eulate
Nafarroa
Izen ofiziala	Eulate
Estatua Erkidegoa Merindadea	Espainia Nafarroako Foru Erkidegoa Lizarrako merindadea
Alkatea	Juan Ignacio Ruiz de Larramendi Mujika (Eulate, indep.)
Herritarra	eulatear
Koordenatuak	42°46′36″N 2°12′28″W
Eremua	10,42 km2
Garaiera	721 m
Posta kodea	31271
Biztanleria	343 bizt (2009)
Dentsitatea	32,92 bizt/km²

Eulate Nafarroako udalerria da. Lizarrako merindadeko herri honek 343 biztanle zituen 2009ko urtarrilaren 1eko erroldaren arabera. Nafarroako hiriburutik 70 kilometrora dago.

Inguru naturala eta kokapena

Herria, Nafarroa mendebaldean kokatzen da, Urbasa mendilerroaren hegoaldean eta NA-7185 errepidean, Lizarra-Gasteiz norabidean. Eulatek Urbasako mendilerroarekin egiten du muga iparraldean, Ameskoabarrenekin ekialdean, Aranaratxerekin mendebaldean, eta Lanarekin hegoaldean.

Eulatek hiru auzo ditu: Erdigunekoa elizaren inguruan, ekialdean Copalacioko auzoa, eta mendebaldean Gonea. Urbasako mendizerraz gain, Lokizgo mendizerra udalerritik gertu kokatzen da.

Klima eta landaredia

Udalerriaren iparraldean klima atlantiar eta azpiatlantiarra nagusitzen den bitartean, herrigunean eta Eulateko gunerik baxuenetan klimak ezaugarri mediterraniarrak dauzka. Urteko batez besteko tenperatura 8 eta 10 gradu bitartekoa, eta prezipitazioak 1.000 eta 1.400mm artekoak dira (betiere ugariagoak iparraldeko mendietan). Urteroko egun euritsuak 120 inguru dira.

Herriaren inguruko basoetan, haritz eta ameztiak dira espezierik ohikoenak, guztira 652 hektarea hartuz. Horrez gain, iparraldean, pagoak ere aurki daitezke.

Ondarea

San Martin Tourskoaren eliza, XVI. mendean harriz eginiko eraikina da, baina ondorengo mendeetan, eta XVIII. mendean aldaketa sakonak jasan zituen dorre eta teilatuan. Udalerriak baditu beste baseliza batzuk: San Joan Bataiatzailearen baseliza aurregotikoa, XIII. mendean eraikia, eta Nunilo eta Alodia Sainduen omenezko baselizak, biak XVI. mendekoak.

Eraikinak

• Eulateko jauregia, XVI. mendean eraiki eta 1835 suntsitutako jauregia. Gaur egun, jauregiaren arrastoak babesturik daude.

Demografia

Eulateko biztanleria

1897	1900	1910	1920	1930	1940	1950	1960	1970	1981	1991	2001	2006
426	425	507	513	557	537	556	539	482	445	406	364	346

2008ko erroldaren arabera, sei etorkin bizi ziren herrian, biztanleriaren %1,78a (Nafarroako batez bestekoaren azpitik).

Politika

Udal hauteskundeak

Eulateko alkatea Eulate (Agrupación Electoral Eulate, AEE) talde independenteko Juan Ignacio Ruiz de Larramendi Múgica da 2007ko udal hauteskundeez geroztik. Taldeak herriko zazpi zinegotziak lortu zituen azken hauteskundeetan.

Eulateko Udala-2007

Alderdia	Botuak	Zinegotziak
AEE	184	7

Baliogabeko botuak 9 izan ziren (%4,46), zuriz emandako botuak (%4,46) eta abstentzioa %36,28koa.

2011n ere Eulate izan zen aurkeztutako zerrenda bakarra; alkate karguan Ruiz de Larramendik segitzen du.

Udaletxea

Eulateko udaleko idazkaria, Larragoa eta Aranaratxeko idazkari ere bada.

• HELBIDEA: Kale Nagusia, 156

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Juan Ignacio Ruiz de Larramendi	Eulate
2011-	Juan Ignacio Ruiz de Larramendi	Eulate

Azpiegitura eta garraioak

Automoviles Urederra autobus konpainiak Eulate Lizarrarekin batzen du. Autobus lineak, honako ibilbidea egiten du:

• Larraona - Aranaratxe - Eulate - Zudaire - Barindano - Etxabarri - eta Lizarra

Zerbitzuak

Antzin-Ameskoako Zerbitzu Sozialen Mankomunitatea, zaborra bildu, ura hornitu eta bestelako zerbitzuez arduratzen da Eulate eta eskualdeko beste hainbat herritan.

Ikus, gainera

• Nafarroako udalerrien zerrenda

Kanpo loturak

• (Gaztelaniaz) Eulateri buruzko informazioa Turismo Navarra webgunean.
• (Gaztelaniaz) Eulateri buruzko informazioa Nafarroako gobernuaren webgunean.
• Auzo Erdia kalearen ikuspegia Google Street View-n.