Abaurregaina

Abaurregaina
Nafarroa
Herriko sarreraren ikuspegia.
Izen ofiziala	Abaurregaina/Abaurrea Alta
Estatua Erkidegoa Merindadea Eskualdea	Espainia Nafarroako Foru Erkidegoa Zangozako merindadea Aezkoa
Alkatea	Rafael Alonso Ordóñez Iriarte (AIB, indep.)
Herritarra	abaurrear, abaurregaindar
Koordenatuak	42°54′13″N 1°12′30″W
Eremua	20,90 km2
Garaiera	1039 m
Distantzia	70 km Iruñera
Posta kodea	31692
Biztanleria	138 bizt (2010)
Dentsitatea	6,6 bizt/km²
http://www.aezkoa.net/

Abaurregaina Nafarroako ipar-ekialdeko udalerria da, Zangozako merindadean eta Aezkoako eskualdean dagoena. 2009ko urtarrilaren 1eko erroldaren arabera, herriak 140 biztanle ditu.

Inguru naturala eta kokapena

Aezkoako herrien artean hegoaldeen dagoena da, eta baita ibarreko eta Euskal Herriko herririk altuena ere (1.039 m). Ekialdean patata eta zereal lursailak daude eta mendebaldean larreak. Herriaren ekialdean, Zatoiako leizea dago: bertan, orain dela 13.000 urte, jendea bizi zen. Haitzuloa ezin da bisitatu gaur egun.

Ipar-mendebaldean Abaurrepea, hegoaldean Urraulgoiti eta ekialdean Jaurrieta mugakide ditu.

Klima eta landaredia

1.000 metrotik gora kokatuta egoteagatik, Abaurregaineko klima nahiko muturrekoa izaten da. Udak epelak izaten dira, eta larrazkenetik aurrera, gauetan tenperatura asko jaisten hasten da. Elurra neguan ohikoa izaten da eta noizbehinka, herria isolaturik geratzen da.

Herrigunearen kanpoaldean, itsasoaren mailatik 1.050 metrora, Nafarroako gobernuak 1958an jarritako estazio meteorologikoa dago.

Historia

Abaurrepeko belardi eta bordengatik sortu zen Abaurregaina. 1237ko dokumentuetan agertzen da lehen aldiz, Zazaozeko barrutiaren inguruko auzi bat izan baitzuten Zaraitzuarrekin, eta Teobaldo I. erregea epaile jardun zuen.

Uskara

Udalerria alde euskaldunean kokatuta dago Euskararen Foru Legearen arabera. Izan ere, herriko hizkera, aezkera, oraindik bizirik da zenbait etxetan. Euskaldun kopurua herenetik gorakoa zen 2001ean.

Demografia

Abaurregaingo biztanleria

1897	1900	1910	1920	1930	1940	1950	1960	1970	1981	1991	2001	2006
411	405	356	362	380	335	370	302	262	235	224	160	150

2008ko erroldaren arabera, ez da etorkinik bizi Abaurregainean.

Politika

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Rafael Alonso Ordóñez Iriarte	AIB
2011-	Rafael Alonso Ordóñez Iriarte	AIB

Udal hauteskundeak

Abaurreagaingo alkatea AIB herri ekimeneko Rafael Alonso Ordóñez Iriarte da 2007ko udal hauteskundeez geroztik, bere taldeak udaleko bost ordezkarietatik lau lortu zituen, eta beraz gehiengo osoa udalean. Baliogabeko boto bakarra izan zen (emandako boto guztien %1,08) eta boto zuriak hamaika izan ziren (%11,96). Abstentzioa %35,42koa izan zen.

Abaurreagaingo Udala (2007)

Alderdia	Botoak	Aukeratua?
Francisco Javier Bueno Ilintzeta (AIB)	72	Bai
Felix Aleman Iribarren (AIB)	63	Bai
Juan Jose Lorea Conde (AIB)	54	Bai
Rafael Alonso Ordóñez Iriarte (AIB)	52	Bai
Maria Rosario Salon Arozarena (AESM)	46	Bai

2011ko hauteskundeetan ez zen zerrendarik aurkeztu eta aurreko udalbatzak segitu behar izan du.

Udaletxea

• HELBIDEA: San Pedro Plaza, 30

Azpiegitura eta garraioak

Autobuses Artieda autobus konpainiak Abaurregaina Iruñearekin batzen du. Autobus lineak, honako ibilbidea egiten du:

• Jaurrieta - Abaurregaina - Abaurrepea - Garaioa - Aribe - Garralda - Orreaga - Auritz - Aurizberri - Mezkiritz - Lintzoain - Erroibar - Zubiri - Larrasoaña - Idoi - Zuriain - Antxoritz - Zabaldika - Olloki - Uharte - Atarrabia - Burlata eta Iruñea

Jaiak eta ospakizunak

Abaurregaineko jaiak ekainaren 29aren inguruan ospatzen dira San Pedroren omenez.

Ikus, gainera

• Nafarroako udalerrien zerrenda
• Erremendiako mendatea

Kanpo loturak

• (Euskaraz) Abaurregaineko udalaren webgunea ("Pirinioei begira")
• (Euskaraz) Abaurregaineko argazkiak lasonet.com webgunean.
• (Gaztelaniaz) Abaurregainari buruzko informazioa Nafarroako Gobernuaren webgunean.
• Mendizorrotz etorbidearen ikuspegia Google Street View-n.