Abaigar

Abaigar
Nafarroa
Izen ofiziala	Abáigar
Estatua Erkidegoa Merindadea Eskualdea	Espainia Nafarroako Foru Erkidegoa Lizarrako merindadea Lizarrerria
Alkatea	Álvaro Pérez de Aransolo Fernández (AIA, indep.)
Herritarra	abaigartar
Koordenatuak	42°38′55″N 2°8′35″W
Eremua	4,9 km2
Garaiera	498 m
Distantzia	58 km Iruñera
Posta kodea	31280
Biztanleria	101 bizt. (2012)
Dentsitatea	20,61 bizt./km²

Abaigar Nafarroako udalerria da. Lizarrerrian kokaturik dago Lizarrako merindadean. Herria itsasoaren mailatik 498 metrora kokatzen da eta Nafarroako hiriburutik 58 kilometrora. Abaigarrek 101 biztanle ditu 2012ko urtarrilaren 1eko erroldaren arabera.

Inguru naturala eta kokapena

Abaigar Lizarrako merindadearen mendebaldean dago, Lizarra eta Gasteiz arteko errepide zaharretik gertu. Herrira heltzeko Murietan hasten den NA-7455 errepidea hartu behar da, eta lau kilometroren ostean ailegatzen da Abaigarko herrigunera. Herrigune txikia izan arren, bi kale nagusi daude, San Vizente kalea eta Kale Nagusia.

Udalerriak Murietarekin egiten du muga iparraldean, Villamayor de Monjardinekin ekialdean, Olexuarekin hegoaldean, eta Okorekin mendebaldean.

Klima eta landaredia

Klima mediterraniar kontinental motakoa da, udak nahiko beroak eta negu hotzekin. Urteko batez besteko tenperatura 9 gradu ingurukoa eta prezipitazioak 700 eta 800mm bitartekoak dira. Urteroko egun euritsuak 90 izaten dira, batez ere udaberri eta udazkenean.

Landaredia klima mediterraniarrekoa da, eta nahiz eta gizakiaren eraginez jatorrizko basoen azalera asko galdu den, oraindik ere 68 hektarea pago kontserbatzen dira, laborantza lurren artean.

Demografia

Abaigarko biztanleria

1897	1900	1910	1920	1930	1940	1950	1960	1970	1981	1991	2001	2006
206	216	261	244	229	210	232	201	150	103	95	99	104

2008ko erroldaren arabera, etorkin bakarra bizi zen herrian, biztanleriaren %0,99a (Nafarroako batez bestekoaren azpitik).

Jaiak eta ospakizunak

Abaigarko jaiak uztailaren 12an ospatzen dira eta lau egun irauten dute.

Politika

Udal hauteskundeak

CIA herri ekimeneko Maria Clara Gurrea Lantz atera zen Abaigarko alkate 2007ko udal hauteskundeetan, bere taldeak udaleko bost ordezkariak lortu baitzituen. Boto baliogabeak lau izan ziren (emandako boto guztien %5,71) eta boto zuriak sei (%9,09). Abstentzioa %33,96 izan zen.

Abaigarko Udala (2007)

Alderdia	Botoak	Aukeratua?
Raquel Aiukar Tardienta (CIA)	39	Bai
Jame Salvador Alegria (CIA)	36	Bai
Angel Maria Lopez Martinez (CIA)	29	Bai
Maria Clara Gurrea Lantz (CIA)	26	Bai
Antonio Guinea Crespo (CIA)	17	Bai

2011n AIA (Agrupación de Independientes de Abáigar, independenteak) izeneko zerrenda izan zen bakarra; 39 boto eskuratuta, zerrendako kidea zen Álvaro Pérez de Aransolo Fernández izendatu zuten alkate.

Udaletxea

• HELBIDEA: San Vizente kalea, z/g

Abaigarko alkateen zerrenda

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007	Jesús Ginea Crespo	Indep.
2007-2011	María Clara Gurrea Lantz	CIA, indep.
2011-2015	Álvaro Pérez de Aransolo Fernández	AIA, indep.

Euskara

Nafarroako gobernuak onartutako Euskararen Foru Legearen arabera Abaigar eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %1,02k zekien euskaraz hitz egiten.

Zerbitzuak

Antzin-Ameskoako Zerbitzu Sozialen Mankomunitatea, zaborra bildu, ura hornitu eta bestelako zerbitzuez arduratzen da Abaigar eta eskualdeko beste hainbat herritan.

Ikus, gainera

• Nafarroako udalerrien zerrenda

Kanpo loturak

• (Gaztelaniaz) Abaigarri buruzko informazioa Nafarroako gobernuaren webgunean.
• Abaigarko Kale nagusia Google Street View-n.