Urdazubi
Wikipedia(e)tik
|
Urdazubi |
|||
|---|---|---|---|
 Nafarroa |
|||
|
|||
| Izen ofiziala | Urdax / Urdazubi | ||
| Antolaketa Estatua Autonomia Erkidegoa Merindadea Eskualdea |
Espainia Nafarroako Foru Erkidegoa Iruñeko merindadea Baztan |
||
| Alkatea | Santiago Villares Otegi | ||
| Herritarra | urdazubitar | ||
| Koordenatuak |  Koordenatuak: |
||
|
|
|||
| Eremua | 7,67 km2 | ||
| Garaiera | 94 m. | ||
| Distantzia | 80 km Iruñera | ||
| Euskaldunak | %91,05 (2001) | ||
| Postakodea | 31711 |
||
| Biztanleria | 380 bizt (2008) | ||
| Dentsitatea | 46,81 bizt/km² | ||
Urdazubi Nafarroako ipar-mendebaldean dagoen udalerria da. 2008ko urtarrilaren 1eko erroldaren arabera, herriak 380 biztanle ditu.
Xareta elkartea osatzen du Sara, Ainhoa eta Zugarramurdi herriekin batera.
Eduki-taula |
[aldatu] Inguru naturala eta kokapena
Urdazubi Nafarroako eta Iruñeko merindadeko ipar-ekialdean kokatzen da Lapurdiko mugatik gertu. Herrira heltzeko N-121-B errepidea hartu behar da Lapurdirako norabidean.
Ugarana errekak herria zeharkatzen du. Aurrerago Ur-Ertsi izena hartuta Donibane Lohizunen itsasoratzen da.
[aldatu] Klima eta landaredia
Klima, ozeaniko epela da, aldaketa termikoa txikia da eta prezipitazioak ugariak dira urte osoan zehar, baita uda garaian ere. Urteko batez-besteko tenperatura 1.800 eta 2.000mm artekoa eta tenperatura 13 eta 14 gradu artekoa da. Urteroko egun euritsuak 170 inguru dira, eta gunerik menditsuenetan balio horiek gainditu daitezke.
Jatorrizko landaredia, gaztainondo, haritz eta hosto erorkorreko antzeko espeziek osatzen zuten, baina gaur egun basoen azalera ia erabat desagertu da mendeetako zuhaitz ebaketaren ondorioz. Gaur egun sastraka eta iratxeak dira herriaren inguruko landaredian nagusi. Horrez gain, hariztiren bat ere kontserbatzen da.
[aldatu] Auzoak
[aldatu] Demografia eta biztanleria
| 1897 | 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2006 |
|---|---|---|---|---|---|---|---|---|---|---|---|---|
| 639 | 645 | 647 | 527 | 595 | 600 | 507 | 588 | 523 | 547 | 459 | 388 | 359 |
2008ko erroldaren arabera, 27 etorkin bizi ziren herrian, biztanleriaren %7,76a (Nafarroako batez-bestekoaren azpitik).
[aldatu] Ikustekoak
- Urdazubiko leizeak edo Ikaburukoak.
- San Salbatore monasterioa (IX. mendean sortua eta 1839an utzia)
- Errota (1713)
- "Axular" baserria, Pedro Agerreren jaiotetxea
- Done Eztebe baseliza, Alkerdi auzoan
- 500 urteko haritza
[aldatu] Bestak eta ospakizunak
Urdazubiko bestak maiatzaren 25ean ospatzen dira, Salbatoreetan.
[aldatu] Politika
[aldatu] 2007ko udal hauteskundeak
Urdazubiko alkatea Azkar herri ekimeneko Santiago Villares Otegi da 2007ko udal hauteskundeez geroztik, bere taldeak udaleko zazpi ordezkarietatik lau lortu zituen, eta hortaz gehiengo absolutoa. Baliogabeko botoak sei izan ziren (emandako boto guztien %2,14) eta boto zuriak bederatzi izan ziren (%3,27). Abstentzioa %16,86koa izan zen.
| Alderdia | Botoak | Zinegotziak |
| Azkar Hautesle Elkarte Independentea (AEI) | 140 | 4 |
| Urtxume Elkartea (AU) | 126 | 3 |
[aldatu] Udaletxea
Urdazubiko udaletxeko idazkaria Zugarramurdiko idazkari ere bada.
- HELBIDEA: San Salbador kalea, 1
[aldatu] Pertsonaia ezagunak
- Pedro Agerre "Axular" (1556-1644), apaiz eta euskal idazlea.
- Bruno Etxenike Garmendia (1820-1893), hizkuntzalaria.
[aldatu] Ikus, gainera
[aldatu] Kanpo loturak
Xareta elkartea- "Ttipi-ttapa" eskualdeko euskarazko hedabidea
Urdazubiko lezeak.- Urdazubiri buruzko informazioa Nafarroako gobernuaren webgunean.
