Elizagorria

Elizagorria
Nafarroa
Izen ofiziala	Lazagurría
Estatua Erkidegoa Merindadea Eskualdea	Espainia Nafarroako Foru Erkidegoa Lizarrako merindadea Jurramendiko Mankomunitatea
Alkatea	Máximo López Caro (UPN)
Herritarra	elizagorriar
Koordenatuak	42°29′33″N 2°14′25″W
[[Fitxategi:|300px]]
Eremua	16,58 km2
Garaiera	392 m
Distantzia	72,5 km Iruñera
Posta kodea	31588
Biztanleria	206 bizt. (2012)
Dentsitatea	12,42 bizt./km²

Elizagorria Nafarroako udalerria da. 2003an inauguraturiko igerilekua eta farmazia ditu. Nafarroako hiriburutik 73 kilometrora kokatzen da eta 2012ko urtarrilaren 1eko erroldaren arabera, 206 biztanle ditu.

Inguru naturala eta kokapena

Lizarrako merindadearen hego-mendebaldean kokatzen da Errioxako mugatik gertu. Herrira heltzeko Iruñea eta Logroño arteko autobidea hartu behar da.

Elizagorriak Los Arcos eta El Bustorekin egiten du muga iparraldean, Torres del Riorekin mendebaldean, eta Mendabiarekin ekialdean eta hegoaldean.

Klima eta landaredia

Udalerriak klima mediterraniarra dauka, euriak nahiko urriak dira, batez ere udaberri eta udazkenean bilduz. Urteko batez besteko tenperatura 12 eta 12 gradu bitartekoa eta prezipitazioak 400 eta 600mm ingurukoak dira. Bestalde, urteroko egun euritsuak 60 dira herrigunean eta 80 edo gehiago udalerriko gunerik menditsuenetan.

Herrian zegoen jatorrizko landaredi eta basoak, ia erabat desagertu dira gaur egun gizakiaren eragina dela eta.

Historia

Herriaren sortze data zehatza ezezaguna den arren, herria aipatzen den dokumenturik zaharrena XI. mendekoa da eta dokumentu horren arabera, 1024. urtean Antso Gartzes III.a erregeak Peñako San Juango monastegiari eman zion herriaren gaineko jabetza dohaintza baten bidez.

Ondarea

Arrosarioko Andre Mariaren parrokia, eliza pizkundetarra da. Gurutze latindarraren oinarri, pentagono itxurako aurrealdea, eta oinetan kokaturiko elizbarrena. Erretaula erromanista Diego Jimenezek egin zuen.

Herriko etxeetako batzuetan XVII. mendeko eta XVIII. mendeko armarri rococoak daude.

Demografia

Elizagorriako biztanleria

1897	1900	1910	1920	1930	1940	1950	1960	1970	1981	1991	2001	2006
242	212	276	342	420	502	510	434	304	247	250	215	205

2008ko erroldaren arabera, bi etorkin baino ez ziren bizi herrian, biztanleriaren %1,00 (Nafarroako batezbestekoaren azpitik).

Politika

Udaletxea

Gaur egungo udaletxea 1910ean eraiki zen elizaren ondoan. Kanpoalderantz begira dauden hiru fatxada ditu, harriz eginiko izkinekin. Udalak alkatea eta lau zinegotzi dauzka.

• HELBIDEA: Kale Nagusia, 9

Udal hauteskundeak

2007an Nafarroako Herriaren Batasuna alderdi politikoko Ignacio Mangado Lopez aukeratu zuten alkate. Zerrenda bakarra izanik Udaletxeko bost zinegotziak lortu zituen. Baliogabeko botoak bederatzi izan ziren (emandako guztien %6,12) eta boto zuriak 29 (%21,01). Abstentzioa %18,33koa izan zen.

Elizagorriko Udala (2007)

Alderdia	Botoak	Aukeratua?
Ignacio Mangado Lopez (UPN)	59	Bai
Jose Luis Sainz Diaz de Cerio (UPN)	34	Bai
Francisco Javier Mangado Sanz de Vicuña (UPN)	28	Bai
Enrique Sainz Diaz de Cerio (UPN)	19	Bai
Maximo Lopez Caro (UPN)	18	Bai

2011n ere UPNk hartu zuen alkatetza, kasu honetan Máximo López Carorekin; PSNk ere zerrenda aurkeztu zuen eta bost zinegotzietatik bakarra lortu zuen.

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Ignacio Mangado López	UPN
2011-2015	Máximo López Caro	UPN

Euskara

Nafarroako gobernuak onartutako Euskararen Foru Legearen arabera Elizagorria eremu ez-euskalduneko udalerria da, eta hori dela eta, hizkuntza ofizial bakarra gaztelania da. 2001eko erroldaren arabera, herritarren %0,50ek zekien euskaraz hitz egiten.

Jaiak eta ospakizunak

Herriko jaiak abuztuko bigarren asteburuan ospatzen dira.

Zerbitzuak

Elizagorria, "Elizagorria, Lodosa, Mendabia, Sartaguda eta Sesmako zerbitzu sozialen Mankomunitateko" kidea da.

Ikus, gainera

• Nafarroako udalerrien zerrenda

Kanpo loturak

• (Gaztelaniaz) Elizagorriari buruzko informazioa Nafarroako gobernuaren webgunean.