Erronkari

Erronkari
Nafarroa
Erronkariko pilotalekuaren ikuspegia.
Izen ofiziala	Roncal <> Erronkari
Estatua Erkidegoa Merindadea	Espainia Nafarroako Foru Erkidegoa Zangozako merindadea
Alkatea	Agapito Boj Gárate (GIR)
Herritarra	erronkariar
Koordenatuak	42°48′31″N 1°57′19″W
Eremua	38,8 km2
Garaiera	720 m
Distantzia	90 km Iruñera
Posta kodea	31415
Biztanleria	258 bizt (2009)
Dentsitatea	6,65 bizt/km²

Erronkari Nafarroako udalerria da, izen bereko ibarraren herri nagusia. 2009ko urtarrilaren 1eko erroldaren arabera 258 biztanle ditu eta Nafarroako hiriburutik 90 kilometrora dago.

Eska-Zaraitzu Hondakin Solidoen Mankomunitatea, zaborra biltzeaz arduratzen da Erronkari eta eskualdeko beste hainbat herritan.

Inguru naturala eta kokapena

Herria Zangozako merindadearen ekialdeko muturrean kokatzen da, NA-137 errepidearen parean. Eska ibaiak herria zeharkatzen du.

Erronkarik Uztarroze eta Urzainkirekin egiten du muga iparraldean, Garderekin ekialdean, Bidankozerekin mendebaldean, eta Burgirekin hegoaldean.

Erronkariko auzoak honakoak dira: Arana, Castillo, Iriartea, Iriondoa eta San Juan.

Ondarea

• Doneztebe eliza: XVI. mendeko eliza gotiko-errenazentista da. Nabe bakarreko eraikinak, kaperak ditu horma-bular eta gurutzaduraren artean. Aurrealde pentagonala dauka.

• Gazteluko Andra Mariren baseliza: Castillo auzoan kokatua, barruan XII. mendeko Ama Birjina eta haurraren irudi erromanikoa dago.

• San Sebastian baseliza: Nabartzaton kokatua, Erronkariko zortzigarren herria izandakoan. Herri hori XIII. mendean hutsik geratu zen.

• San Juan baseliza: 2006. urtean berreraikia.

Demografia

Erronkariko biztanleria

1897	1900	1910	1920	1930	1940	1950	1960	1970	1981	1991	2001	2006
542	535	572	554	530	529	512	495	432	422	387	331	296

2008ko erroldaren arabera, bi etorkin baino ez ziren bizi herrian, biztanleriaren %0,70 (Nafarroako batezbestekoaren azpitik).

Azpiegitura eta garraioak

La Tafallesa izeneko autobus konpainiak Uztarroze eta Iruñea batzen dituen linea ustiatzen du. Lineak bi zerbitzu dauzka norabide bakoitzean, eta honako ibilbidea:

• Uztarroze - Izaba - Urzainki - Erronkari - Garde - Burgi - Esa - Xabier - Zangoza - Ledea - Irunberri - Nardoze Alduate - Ibargoiti - Elo - Noain - Cordobilla eta Iruñea

Politika

Udal hauteskundeak

Azken agintaldietan Erronkariko alkate kargua Agapito Boj Garate da. 2007an Grupo Independiente Roncalés (GIR) bere taldeak Udaleko zazpi zinegotzietatik lau lortu zituen, gehiengo osoa; aurkeztutako beste zerrendak, Urruteak, 3 erdietsi zituen. Baliogabeko botoak bi izan ziren (emandako guztien %0,95) eta boto zuriak hamar (%0,95). Abstentzioa %21,05koa izan zen.

Erronkariko Udala (2007)

Alderdia	Botoak	Zinegotziak
Grupo Independiente Roncalés (GIR)	122	4
Urrutea	76	3

2011ko udal hauteskundeetan ez zen talderik aurkeztu eta Agapito Bojek jarduneko alkate segitu zuen.

Udaletxea

Erronkariko udaletxea 1933. urtean, Indalecio Ojangurenen argazkia.

Udaletxea errepidearen ondoan dago eta azken birmoldaketa 1920ko hamarkadan egin zen. Eraikuntzak lau solairu dauzka eta kanpoko hormak margoturik daude. Beheko solairuan ataria dago, eta horren gainean balkoia. Udala alkateak eta sei zinegotzik osatzen dute, eta eraikin berean udaletxeaz gain, batzar nagusiaren eta Erronkari ibarraren egoitza daude.

• HELBIDEA: Julian Gaiarre Plaza, 1

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003	Agapito Boj Garate
2003-2007	Agapito Boj Garate
2007-2011	Agapito Boj Garate	GIR
2011-	Agapito Boj Garate	Jardunean

Ikus, gainera

• Nafarroako udalerrien zerrenda

Pertsonaia ezagunak

• Julian Gayarre (1844-1890), tenorea.

Kanpo loturak

• Iriondoa auzoaren ikuspegia Google Street View-n.
• (Gaztelaniaz) Erronkariri buruzko informazioa Nafarroako gobernuaren webgunean.