Abartzuza

Abartzuza
Nafarroa
Izen ofiziala	Abarzuza
Estatua Erkidegoa Merindadea Eskualdea	Espainia Nafarroako Foru Erkidegoa Lizarrako merindadea Lizarrerria
Alkatea	José María Ros (Elkea)
Herritarra	abartzuzar
Koordenatuak	42°43′35″N 2°1′21″W
Eremua	14,7 km2
Garaiera	569 m
Distantzia	39,73 km Iruñera
Posta kodea	31xxx
Biztanleria	577 bizt (2010)
Dentsitatea	39,25 bizt/km²

Abartzuza (ofizialki Abárzuza) Nafarroako mendebaldean dagoen udalerria da. Lizarrako merindadeko herri honek 574 biztanle zituen 2009ko urtarrilaren 1eko erroldaren arabera. Nafarroako hiriburutik 38 kilometrora dago.

Inguru naturala eta kokapena

Herria Nafarroa mendebaldean dago Lizarrako merindadearen iparraldean. Behin Lizarrara helduta N-120 errepidea Lizarragako mendateranzko norabidean hartuta ailegatzen da herrira.

Abartzuzak Urbasako mendizerra eta Ameskoabarrenekin egiten du muga iparraldean, Deierrirekin ekialde eta hegoaldean, eta Allinekin mendebaldean.

Ondarea

Irantzuko monasterioa nabarmentzekoa da, herriko kanpoaldean eta izen bereko auzoan kokatua.

Demografia

Abartzuzako biztanleria

1897	1900	1910	1920	1930	1940	1950	1960	1970	1981	1991	2001	2006
801	862	936	920	893	948	1.009	742	613	520	497	530	547

2008ko erroldaren arabera, 41 etorkin bizi ziren herrian, biztanleriaren %7,08 (Nafarroako batezbestekoaren azpitik).

Azpiegitura eta garraioak

Lizarrerriko autobus zerbitzuaren (Tierra Estella Bus deritzo) honako lineek eskaintzen dute zerbitzua Abartzuzan:

Linea	Ibilbidea	Ordutegia	Maiztasuna	Oharrak
	Garcia Orkoien Ospitalea - Abartzuza	07:30 - 20:45	4 zerbitzu egunean

La Estellesa autobus konpainiaren Iruñea eta Lizarra arteko lineak geltokia dauka Abartzuzan. Lineak honako ibilbidea egiten du:

• Iruñea - Orkoien - Etxauri - Izurtzu - Muez - Abartzuza - Bearin eta Lizarra

Jaiak eta ospakizunak

• Abartzuzako jaiak abuztuaren 13tik abuztuaren 19ra ospatzen dira. Jaien azken egunean herri bazkari bat antolatzen da Irantzuko monastegiaren inguruetan, herritarrek bazkari horri "Abadejada" deitzen diote.

• Aste santua

Politika

Udaletxea

Abartzuzako antzinako udaletxea Foruen plazan egon zen, eta eraikin berria XX. mendearen hasieran altxatu zuten. Udaleko idazkaria Goñerri, Jaitz eta Deierriko idazkari ere bada. Udalak alkatea eta sei zinegotzi dauzka.

• HELBIDEA: Plaza Nagusia z/g

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007	Arturo San Martín Morrás	Indep.
2007-2011	Arturo San Martín Morrás	Indep.
2011-	José María Ros Antona	Elkea

Udal hauteskundeak

2007an ez zen udal hauteskunderik izan Abartzuzan, ez zelako inongo talderik aurkeztu. Agrupacion Independiente de Abárzuza herri ekimeneko Arturo San Martín Morrásek alkate izaten jarraitu zuen.

2011n bi zerrenda aurkeztu ziren. Elkeak 249 boto eskuratu zituen (6 zinegotzi) eta Independientes por Abárzuza delakoak 52 (1). Leheneko José María Ros Antona izendatu zuten alkate.

Azpiegitura eta garraioak

La Estellesaren Donostia eta Logroño bitarteko lineak (NA-10 zenbakiko emakida) geltokia dauka herrian. Lineak honako ibilbidea egiten du:

• Irun - Donostia - Tolosa - Etxarri Aranatz - Lezaun - Abartzuza - Bearin - Legarda - Obanos - Gares - Zirauki - Lizarra - Aiegi - Los Arcos - El Busto - Santsol - Bargota - Viana eta Logroño

Abartzuzar ezagunak

• Iñigo Pascual (1976), pilotaria.
• José Miguel Etxabarri (?), txirrindulari ohia, eta Banesto txirrindularitza taldeko zuzendari izandakoa.

Jakingarriak

• Herriaz gain Anderatz eta Irantzu guneak ere daude udalerri honetan; hori dela-eta 1842. urtera arte herriaren izen ofiziala Abarzuza y Anderaz izan zen.

Ikus, gainera

• Nafarroako udalerrien zerrenda

Kanpo loturak

• (Euskaraz) Abartzuzako argazkiak lasonet.com webgunean.
• (Gaztelaniaz) Abartzuzari buruzko informazioa Nafarroako Gobernuaren webgunean.
• San Sebastian kalearen ikuspegia Google Street View-n.